१ पत्रुस 3:5 - ह्योल्‍मो

⁵ च्‍यिबेमाना दि ल़ेहमुराङ छ्याप्‍स्‍यी पेहती तोहङ तोहङले किन्‍ज्‍यो थो़ला रेहवा पेहकें नाम्‍पार-ताहक्‍पा पी़हमी पेहजाया़गीॱआङ ज़ाप्‍को येहकें, ओहले राहङ ख्‍योवागी ओङ चो़ला तेहको येहकें।

१ पत्रुस 3:5 Iomraidhean Croise

लूका 2:37

यिहॱनाङ मोह राहङसा ख्‍योवाला माहकाहल्‍बा पेहती किन्‍ज्‍योगी छ्योखाङलाॱराङ तेहको येहकें। ओहजेला मोहगी लोह के़ह-ज़्‍यि काहल सिहन्‍दी येहकें। ओहले मोह छ्योखाङ क्‍युर मा़हज्‍याबा पेहती ङ्युङने तेहते ङ्यिहन-नुहप किन्‍ज्‍योला सोल्‍वाङ ताप्‍ते स्‍याहप्‍तो स्‍युहउ येहकें।

ल़ेह-पेन 1:14

ओहले खुङ फ़ेबेॱया लेहमेन आज्‍यी-नुहमुया़ ओहले येशूगी आमा मरियम दाङ, येशूगी नो़हया़ ङ्याम्‍बु जोम्‍दी सेम च्‍यी़ डी़दी नाहम्‍माॱनाङ किन्‍ज्‍योला सोल्‍वाङ ताप्‍ती तेहको येहकें।

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

एफिसी 5:33

ता़ह च्‍यि यिहॱनाङ ख्‍या थाम्‍ज्‍यीगी राहङ-राहङगी पी़हमीया़ला राहङला ल़ेहमुराङ चेवा पेहतोङ, ओहले पी़हमीया़गीॱआङ राहङ ख्‍योवाया़ला ची़नाङ पेहच्‍यु।

१ तिमोथी 2:10

यिहॱनाङ या़हबु-या़हबु ल़ेहया़ पेहती राहङला ज़ाप्‍च्‍यू, ओ़हदी किन्‍ज्‍योला क्‍याप्‍केन पी़हमी-पेहजाया़ला ज्‍यार्पु थोङगे।

१ तिमोथी 2:15

यिहॱनाङ पी़हमी-पेहजा स्‍यिहवा पेहती तेहपा, चेवा दाङ नाम्‍पार-ताहक्‍पा पेहती तेहसीमाना पेहजा क्‍येएँ ती़हजीला मोहला थार च्‍य़ू नाङज्‍ये येह।

१ तिमोथी 5:10

ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।

१ तिमोथी 5:5

ओहले राहङदी सुॱआङ म़ेहबाकी ह्‍युग्‍मोगी राहङगी रेहवा किन्‍ज्‍यो थो़ला च्‍यी़राङ ज़्‍या़क्‍यो ओहङगे। ओहले मोहगी ङ्यिहन-नुहपराङ स्‍यिहवा पेहती किन्‍ज्‍यो ङ्याम्‍बु सोल्‍वाङ ताप्‍ती तेहकें।

हिब्रू 11:11

अब्राहाम केहपु काहल सिहन्‍दी येहकें ओहले साराॱआङ छार्क्‍यीन म़ेहबा पेहतीराङ क़ेहमु काहल सिहन्‍दी येहकें यिहॱनाङ किन्‍ज्‍योगी राहङगी ज़्‍या़ नाङग्‍योगी तोहदाम तेहन्‍दा डुप्‍च्‍यु नाङगे म़ेदी अब्राहामगी तेहपा पेहसीन।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।