१ पत्रुस 3:1 - ह्योल्‍मो

¹ ओ़ह ल़ेहमुराङ पेहती पी़हमी-पेहजाया़, ख्‍याया़ॱआङ राहङ ख्‍योवागी ओङ चो़ला तेहतोङ, ओहले दि ल़ेहमु पेहती खुङया़गी किन्‍ज्‍योगी सुङला मी़हचीॱनाङ राहङगी पी़हमीकी डोलु-तेहलु पेहती ताम छिका च्‍यी़ॱआङ मा़हमेबा पेहती खुङया़गी सेम ग्‍युर ख़ूज्‍ये येह।

१ पत्रुस 3:1 Iomraidhean Croise

मत्ती 18:15

“का़हलेॱआङ ख्‍येगी नो़हगी ख्‍येला टाह पेहती तिहक्‍पा पेहक्‍यो येहसीमानानी खोला राहङ च्‍यी़राङ काहल्‍दी लोप्‍ताम क्‍याहप्‍तोङ। खोगी ख्‍येगी ताम ङ्यिहन्‍सीमाना, येहपाराङ ख्‍येगी नो़हगी सेम ग्‍युर्ती ख्‍या पिन ङ्यी़गी ता़हनाङ-ताहम्‍जी आदा नो़हदी ल़ेहमुराङ डोज्‍ये येह।

रोमी 10:16

यिहॱनाङ खुङ थाम्‍ज्‍यीगी या़हबु लेहङगु ची़दे म़ेह, च्‍यिबेमाना यशैयागी दि ल़ेहमु सुङगे, “ओ़ चो़वो, ङ्यिहगी स्‍येक्‍योगी ताम सुगी गा यिह छ्य़ेक्‍यो येहबा ले?”

रोमी 6:17

ख्‍या तोहङले तिहक्‍पाकी योक्‍पु काहल्‍दी येहकें यिहॱनाङ ताहन्‍दा ख्‍यागी यिह यिहन्‍ज्‍युराङ किन्‍ज्‍योगी लोप नाङग्‍यो लोप्‍च्‍युङया़ ची़गे काहल्‍सीन। दिगी तेहन्‍दाला किन्‍ज्‍योला थुज्‍यी-छ्ये़ फुल्‍गे।

रोमी 7:2

पे यिहॱना़: छ्य़े-ठिमला तासीमाना पा़हमा पेहक्‍यो पी़हमी राहङगी ख्‍योवा मा़हस्‍यी थुनी मोह राहङगी ख्‍योवा ङ्याम्‍बु पा़हमाकी ठिमगी ताहम्‍ग्‍यो ओहङगे, यिहॱनाङ ख्‍योवा स्‍यिसीनमाना मोह ओ़ह पा़हमाकी ठिमलेगी टोहल्‍ग्‍यो ओहङगे

१ कोरिन्‍थी 11:3

यिहॱनाङ मास्‍यीकाॱराङ मिह थाम्‍ज्‍यीगी गो़ यिहम्‍बा म़ेदी ख्‍या थाम्‍ज्‍यीगी ह्‍अ के़हदोङ। पी़हमीगी गो़ मोहगी ख्‍योवा यिहम्‍बा, ओहले मास्‍यीकागी उ किन्‍ज्‍यो यिहम्‍बा।

१ कोरिन्‍थी 14:34

पी़हमी-पेहजाया़ छेन्‍छोककी छो़बाला खाजुम्‍बा तेहच्‍यु। खुङया़गी ताम माज्‍ये मेहयोहङगे, यिहॱनाङ छ्य़े-ठिमगी सुङग्‍यो ल़ेहमुराङ पी़हमी-पेहजाया़ क्‍येप-ख्‍योवाया़गी ओङ चो़ला तेह कोहएँ।

१ कोरिन्‍थी 7:16

ए पी़हमी, ख्‍येला च्‍यि क्‍यी़ह! का़हलेॱआङ ख्‍येगी राहङगी ख्‍योवाला थार च्‍य़ू ख़ूएँ गा यिहम्‍बानी? ए ख्‍योवा, ख्‍येला च्‍यि क्‍यी़ह! का़हलेॱआङ ख्‍येगी राहङगी पी़हमीला थार च्‍य़ू ख़ूएँ गा यिहम्‍बानी?

एफिसी 5:33

ता़ह च्‍यि यिहॱनाङ ख्‍या थाम्‍ज्‍यीगी राहङ-राहङगी पी़हमीया़ला राहङला ल़ेहमुराङ चेवा पेहतोङ, ओहले पी़हमीया़गीॱआङ राहङ ख्‍योवाया़ला ची़नाङ पेहच्‍यु।

कलस्‍सी 3:18

ए पी़हमीया़, राहङ ख्‍योवागी ओङ चो़ला तेहतोङ च्‍यिबेमाना दि चो़वोगी ज़ी़लुला या़हबु यिहम्‍बा।

कलस्‍सी 4:5

यिह मे़हछ्येएँ मिहया़ ङ्याम्‍बु डोलु-तेहलु पेहकेमु रिहक्‍स्‍यी छ्यिम्‍बु तेन्‍दी पेहतोङ। ख्‍यागी ज़्‍योरक्‍योगी लोहङ च्‍यी़ॱआङ तोर मा़हच्‍यु।

२ थेसलोनिकी 1:8

ओहले किन्‍ज्‍योला ङोह मे़हस्‍येगेया़ दाङ ओहराङकी चो़वो येशूकी या़हबु लेहङगु मिहङ्यीहन्‍गेनया़ला मिहरोगी मेहबुङ नाहङला फेप्‍ती ङ्य़ेहबा काल नाङज्‍ये येह।

हिब्रू 11:8

किन्‍ज्‍योगी अब्राहामला क़े क्‍याहप नाङदी राहङगी ताहम्‍ज्‍या ज़्‍या़ नाङग्‍योकी क्‍याहल-खापला सोङ म़ेदी सुङ नाङसीन। अब्राहाम राहङ का़हला डो कोहएँ यिहम्‍बा म़ेदी खोला क्‍यी़ह म़ेहबा येहकें यिहॱनाङ खोगी किन्‍ज्‍योला तेहपा पेहती राहङ क्‍याहल-खाप क्‍युर ज़्‍या़दी थेन्‍दी काहल्‍सीन। ओ़ह ग्‍या़दी खोगी फास्‍यी ल़ेहमु पेहती तिङला ज्‍योरॱटाङ ज्‍योर्च्‍ये येहकें।

हिब्रू 5:9

किन्‍ज्‍योगी मास्‍यीकाला छाङबु ज़ो छार फान्‍ज्‍यो मिहरोला ची़गे मिह थाम्‍ज्‍यीगी तेहन्‍दाला मिहरो था़ म़ेहबा मिहलीकी छ्येस्‍यो काहल्‍सीन।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ पत्रुस 3:2

च्‍यिबेमाना ख्‍याया़गी डोलु-तेहलु चाङमा थोङदी ओहले मिहया़गी ख्‍याला ची़नाङ पेहक्‍यो थोङदी खुङया़गी सेम ग्‍युर्च्‍ये येह।

१ पत्रुस 3:7

क्‍येप-ख्‍योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्‍युक ङ्ये़हमु ओहङगे माएँ ताम ह्‍अ के़हदी खुङया़ला ची़नाङ पेहतोङ च्‍यिबेमाना खुङया़गीॱआङ ख्‍या ङ्याम्‍बु-ङ्याम्‍बुराङ मिहली ज्‍योर्च्‍ये येह, दि ल़ेहमु पेहती ख्‍याया़गी सोल्‍वाङ ताप्‍केमु च्‍यिॱआङ ङ्याहम्‍छेया़ माहयोङज्‍यु म़ेदी च्‍यी़गी च्‍यी़ला छ्याप्‍स्‍यी या़हबुया़ पेहकें पेहतोङ।

१ पत्रुस 4:17

च्‍यिबेमाना ता़ह ठिम ताङगेन्‍गी ती़हजी पोहला लेप सिहन्‍दी येह। किन्‍ज्‍योगी ठिम ताङ नाङगेमु तोहङस्‍यो राहङ मिहया़ नाहङलेॱराङ छ़ू नाङज्‍ये येह। किन्‍ज्‍योगी ओहराङलानी ठिम ताङ नाङगे मासीमानानी जेन किन्‍ज्‍योकी या़हबु लेहङगुला मी़हचीगेन मिहया़ला काहन्‍डुमु ठिम ताङ नाङवा?