१ यूहन्ना 1:3 - ह्योल्मो3 ओहले ख्यागीॱआङ ङ्यिह ङ्याम्बुराङ छोक्पा पेहच्यु म़ेदी ङ्यिहगी च्यि थोङबा ओहले च्यि थे़बा, ओ़ह ख्याला स्येको येहबा। ङ्यिहगी छोक्पाती किन्ज्यो याहप दाङ मिह-रो़हगी स़ेबु येशू मास्यीका ङ्याम्बु येहबा। Faic an caibideil |
१ यूहन्ना 1:3
38 Iomraidhean Croise
खुङ थाम्ज्यी च्यी़राङ डो ख़ूज्यु म़ेदी ङ्यिह राहङला ओहर-छ्य़े स्युहएँ। ओ़ याहप, ङाह राहङ ङ्याम्बु ओहले राहङ ङाह ङ्याम्बु ज़्य़ूदी ओहराङ च्यी़राङ काहल्ग्यो ल़ेहमु खुङॱआङ ओहराङ ङ्याम्बु डी़दी च्यी़राङ ओहङ ख़ूज्यु ओहले राहङगीराङ ङाहला ताङ नाङग्यो यिहन म़ेदी जाम्बुलीङगी यिह-छ्य़े ख़ूज्यु।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
ख्याया़ला नाहम-माना ङाहगी सेम नाहङला ज़्या़दी येह। दि ल़ेहमु पेहच्येला ङाहला ठाबे ऩेसीन च्यिबेमाना ताहन्दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्याया़गी ङाहला या़हबु लेहङगु स्येकेन्गी ल़ेहला ओहले दिला सी़दे ज़्या़ज्येला किन्ज्योगी नाङग्यो दि थाम्ज्यी काटीनला ख्याया़ ङाह ङ्याम्बुराङ पी़मा काहल्दी येह।
ओहले स्यिहङगामले माहर फेप नाङज्ये येह म़ेदी लाहम क़ूह तेहकेन किन्ज्योगी स़ेबुला किन्ज्योगीॱराङ टोङग्यो ग्या़लेगी सोम्बो ज़्याङ च्य़ू नाङसीन। ओ़ह स़ेबुराङ येशू यिहम्बा, ओहले ताहन्दा राहङया़गी क़ूह तेहक्योदीॱआङ मिह-रो़हलाॱराङ यिहम्बा। ओहले ओहराङ थो़ला ओहङज्ये पेहक्योगी किन्ज्योकी थुयाल ङो़ले थार च्य़ू नाङगेन्दीॱआङ मिह-रो़हराङ यिहम्बा।
यिह छ्य़ेबा ताहक्पुया़ला खुङ योक्पुया़गी, यिह-छ्य़ेला आदा-नो़हया़ॱराङ यिहन म़ेदी ङ्युहङसे़ चा़ माहबे। बरु खुङया़गी ताहक्पुया़ला जेन माहङबु स्याहप्तो स्युहज्यु, च्यिबेमाना खुङया़गी स्याहप्तो स्युहक्यो लाहमले खेप्साङ ज्योर्केया़ यिह छ्य़ेबा दाङ ज्यिबुराङ च्याहम्बु रो़हया़ यिहम्बा। दि थाम्ज्यी पेहॱराङ कोहएँगी ल़ेहया़ ची़ज्येला लोप्तोङ ओहले ओहर-छ्य़े स्यी़हदोङ।
च्यिबेमाना ङ्यिहगी ख्याया़ला ओहराङ चो़वो येशू मास्यीकाकी ओङज्या छ्यिम्बु दाङ चो़वो फेप नाङगेन्गी तेहन्दाला लेहङगु या़हबु स्येकेमु मिहया़गी आहन्डाराङ ज़ोक्योकी पेतामया़ला ङ्यिहगी पे त़ेदी मा़हची, यिहॱनाङ ङ्यिहगी राहङ मी़गीराङ मिहरोगी ज़िज्यिद छ्यिम्बु थोङग्यो यिहम्बा। दिगी पाङबु ङ्यिहया़ॱराङ यिहम्बा।
Sanasan