San Lucas 6:13 - Huitoto Murui

¹³ Monaidemo, ie llofueganona naimɨe dɨne uaidote. Naimacɨmona doce dɨgamɨena fetode. Naimɨe dɨga icabillena, naimacɨna naimɨe facaina lloraɨnɨna naimacɨ jaillena, naimacɨna fetode.

San Lucas 6:13 Iomraidhean Croise

San Mateo 10:2

Ie llofueoicaiganodɨ iese mamecɨredɨmacɨ: Simón. Naimɨe mamecɨ jɨaɨcɨdɨ Pedro. Andrés. Naimɨedɨ Simón ama. Jacobo. Juan. Iaɨmaiaɨ Zebedeo jito iaɨmaiaɨ.

San Mateo 19:28

Jesús dɨnena uai ote: —Illaɨmana ɨco cue ia, eo ebirede illanomona comɨnɨna sedaitɨcue. Cue dɨga omoɨ jaicabilla jira, nainomo omoɨ illanuaɨ jɨaɨ iite, nainomona omoɨ judíuaɨ doce naɨraɨaɨna omoɨ sedallena.

San Mateo 9:36

Naimacɨna duenaite. Naimacɨ comecɨaɨ itɨcɨno oni duiñoitɨmɨe iñena jira, naimacɨna duenaite. Ailluena comɨnɨna cɨode. Toɨca llaudaɨaɨ isoi ebe isoi jaidɨmacɨ. Naimacɨ comecɨaɨ ocuiñonidɨmacɨ. Jusiñamui naimacɨna sedaacana uiñoñedɨmacɨ.

San Marcos 6:30

Jesús llofueoicaigano abɨdo bia, Jesúmo nana naimacɨ fɨnoca rafuena llotɨmacɨ.

San Marcos 6:7

Ie doce llofueoicaiganona Jesús uaiduanona, naimacɨmo ie uai iñonocaide, jananɨaɨ anamona comɨnɨna jilloitallena. Ie rafuena llollena, jɨaɨe illanuaɨmo naimacɨna menamɨerie oretaiacade.

San Lucas 11:49

Omoɨna Jusiñamui abɨ uiñuamona jai llote: “Cue rafuena llollena, naimacɨ dɨne cue facaina lloraɨnɨna oretaitɨcue. Cue rafuena eo uiñotɨnona jɨaɨ oretaitɨcue. Dajeriena meineitɨmacɨ. Jɨaɨnona duere fɨnoitɨmacɨ”.

San Lucas 22:30

jɨaɨruido cue illaɨma illa facaiseconi cue ecɨmo omoɨ caɨmare marena iocɨre illena. Nainomo omoɨ judíuaɨ doce naɨraɨaɨna sedaitomoɨ.

San Lucas 6:14

Iese mamecɨredɨmacɨ: Simón; naimɨe mamecɨ jɨaɨcɨdɨ Jesús jɨtaca Pedrona. Andrés; naimɨedɨ Pedro ama. Jacobo, Juan, Felipe, Bartolomé,

San Juan 4:33

Coninɨri siadotɨcaɨ: —Jai nɨbaɨ bu ecajaɨbiga.

Hechos de los Apóstoles 1:13

Rillano imacɨ cuartomo jaidɨmacɨ. A dɨbebamo ite. Nainomo itɨmacɨ: Pedro, Jacobo, Juan, Andrés, Felipe, Tomás, Bartolomé, Mateo, jɨaɨe Jacobo. Naimɨedɨ Alfeo jito. Simón ite. Naimɨedɨ cananista comɨnɨ facaisemo duide. Judas ite. Naimɨe jɨaɨe Jacobo jito. Dɨese nainomo itɨmacɨ.

Carta a los Efesios 2:20

Jofo isoidɨcaɨ. Jofona caɨ fɨnoacania, naie ibɨrɨ nano fɨnodɨcaɨ. Ie mei dɨga rana caɨ atɨamona, iena nitɨcaɨ. Ie isoide. Dɨga jɨaɨe isoide comɨnɨaɨna itɨcaɨ; iadedɨ Cristomo daajena jai duidɨcaɨ. Naimɨedɨ birui nana caɨ Nama. Cristo facaina lloraɨnɨmona naimɨe rafuena jai cacadɨcaɨ. Jusiñamui Joreño caɨna canuanona iena ɨɨnotɨcaɨ. Iena caɨ ɨɨnuamona, naimɨe jitailla isoi, mare rafuena fɨnocana jaidɨcaɨ. Caɨ dɨga Cristomo omoɨ jai duillamona, Jusiñamui Joreño nana caɨ comecɨaɨmo jai ite.

Carta a los Efesios 4:11

Ie jira caɨmo ie uai jai fecajanona, caɨmona ie llofueoicaiganona fetuanona, ie rafue raise llofuellena, naimacɨna oretate. Damɨeriemo ie facaina ie rafuena jino llollena, ie uaina fecade. Ie rafuena nia ɨɨnoñedɨnomo llollena, damɨeriemo ie uaina fecade. Creyentiaɨna ie rafuena llofuellena, damɨeriemo ie uaina fecade.

Carta a los Hebreos 3:1

Cue amatɨaɨ, jeacɨno anamo omoɨ jai iñena jira, ie dɨbeimo omoɨna Jesús jai fetua jira, naimɨe siño jitona jira, naimɨemo omoɨ comecɨaɨna faca. Naimɨena ja ñaɨtɨcue. Ie rafuena llollena, Jusiñamui naimɨena orede. Naimɨe lloga rafuena jai caɨ ɨɨnuamona, naimɨedɨ Jusiñamui dɨga caɨ facaina nanoca ñaɨraɨma.

Segunda Carta de San Pedro 3:2

Jusiñamui facaina jaie lloraɨnɨ mɨcorɨaɨ lloga rafuena jai uiñotomoɨ. Caɨ Nama caɨna oretajanona, ie lloga rafuena omoɨmo jai llotɨcaɨ. Naimɨe muidona jillobidomoɨ. Bie rafuemo omoɨ comecɨaɨ facajana jitaidɨcue.

Apocalipsis 12:1

Naie facaise monamo daje rɨñona cɨodɨcue. Naiñaiñona cue cɨuamona, Jusiñamuidɨ enɨruemo itɨnomo ɨco suille rafuena cue uiñuana jitaide. Naiñaiño ɨniroidɨ jitoma isoi bairede. Naiñaiño eɨllɨ anamo fɨvui ite. Naiñaiño ɨfogɨmo nuicɨrai isoi doce ucuduaɨ ite.

Apocalipsis 18:20

Naie facaise monamona damɨe llote: —Monamo itɨno, naie naɨraɨ fuillari mai iobi. Jusiñamui comɨnɨna jai jaidomoɨ. Naimɨe facaina navui maɨjɨdomoɨ. Naimɨe rafuena navui llofueuidomoɨ. Naie naɨraɨmona duere sefuidomoɨ; iadedɨ omoɨ facaina Jusiñamui ɨbana jai ote.

Apocalipsis 21:14

Naie llaɨgafo anamo doce nofɨcɨ ite. Nainomo Toɨca Llauda isoidɨmɨe ie doce llofueoicaigano mamecɨaɨ cuega.