San Lucas 3:14 - Huitoto Murui

¹⁴ Naimɨe dɨne billanona, soldaduaɨ jɨcanotɨmacɨ: —Caɨ bautizaja mei, ¿nɨese iitɨcaɨ? ¿Nɨe isoide mare rafuena fɨnoitɨcaɨ? Uai ote: —Comɨnɨmona rana baɨroñeno. Rɨicɨnodo rana oñeno. Taɨnona llogɨduamona, comɨnɨmona rana oñeno. Omoɨ ucube illa dɨese feiño. Ie baɨfemo ucubena nɨcɨdoñeno.

San Lucas 3:14 Iomraidhean Croise

San Mateo 8:5

Capernaum railla naɨraɨmo Jesús ria, capitán raillamɨe naimɨe dɨne bite. Naie capitán Roma railla naɨraɨ imɨe. Judíuñedɨmɨe. Billanona, duere llote:

San Lucas 19:8

Jesúna naimɨe feiñua mei, Zaqueo Jesús ecɨmo naidaita, naimɨemo llote: —Nama, atuedo cue raruiaɨna dueredɨnomo biruimona fecaitɨcue. Bumona navui cue fɨɨia, cuatro dɨga ra abɨdo iitɨcue.

San Lucas 3:10

Iena cacajanona, comɨnɨ dɨnena naimɨemo jɨcanotɨmacɨ: —Caɨ bautizaja mei, ¿nɨese iitɨcaɨ? ¿Nɨe isoide mare rafuena fɨnoitɨcaɨ?

San Lucas 3:13

Uai ote: —Gobierno facaina omoɨ ɨbataia, comɨnɨmona gobierno llua baɨfemo oñeno.

Hechos de los Apóstoles 10:7

Jusiñamui jaɨenicɨ jailla mei, Corneliodɨ ie mullaɨaɨmona mena uaidote. Naimɨe anamo ite soldaduaɨmona damɨe jɨaɨ uaidote. Naie soldadodɨ Jusiñamuina jɨaɨ ɨɨnote.

Carta a los Filipenses 2:15

jɨaɨe comɨnɨ omoɨri ñaɨ raillanona, Jusiñamui uruiaɨna omoɨ illa jira, omoɨ comecɨaɨ jeanidemona marena omoɨ i. Maraiñede comɨnɨ motomo itomoɨ. Naimacɨ comecɨaɨ jearede. Naimacɨ comecɨaɨna llɨgaiñotomoɨ, naimacɨmo ite jeacɨnona uiñotallena.

Carta a los Filipenses 4:11

Cuemo comecɨaɨna facadomoɨ; iadedɨ bu jaca binide, ucubena cue dɨne atɨllena. Bumo cue jitaillacɨnona lloñedɨcue. Janore ra cuemo ia, ailluena ra cuemo ia, caɨmare jai itɨcue. Cuemo ite ra dɨga caɨmare illana jai uiñotɨcue.

Carta a Tito 2:3

Uaɨcɨñuaɨna llofue. Cañaiñuaɨna iese jɨaɨ llofue: Marena omoɨ i, Jusiñamui jitailla isoi. Jɨaɨe comɨnɨ joreñuaɨna ñaɨñeno. Jɨfaiñeno. Mare rafuedo omoɨ jaillamona, omoɨ anafeiñaiñuaɨ mare rafuedo jaitɨmacɨ.

Apocalipsis 12:10

Monamo damɨe ado lluana jai cacadɨcue: —Jusiñamui lloga uai jai suide. Ie comɨnɨna raise jillotate. Naimɨe uai eo siño. Ie uai Cristomo illanona, Cristodɨ comɨnɨna raise sedaite. Enɨruemo Taɨfena jai dotaja jira, Jusiñamuina bu raise ɨɨnoñenia, jeacɨnona bu fɨnoia, Jusiñamui uicomo birui naimɨe fɨnocabilla isoi, Taɨfe caɨna llogɨdoñeite.