San Lucas 13:15 - Huitoto Murui

¹⁵ Jesús uai ote: —Maɨjɨñedɨnona abɨ caitadɨnodomoɨ. Sábado iruimo maɨjɨcabidomoɨ. Sábado iruimo omoɨ toɨnɨaɨna imacɨ illanomona suiñodomoɨ, jɨnui illanomo naimacɨ jiruaillena. Naie isoide maɨjɨa omoɨmona mare.

San Lucas 13:15 Iomraidhean Croise

San Mateo 15:14

Naimacɨna faɨnonocai. Uanaicɨnona naimacɨ uiñoñena jira, uisɨnidɨno isoidɨmacɨ. Jɨaɨmɨena uisɨnidɨmɨe ɨfoia, dafomo uaidɨaɨmaiaɨ. Ie isoide. Uanaicɨnona fariseuaɨ uiñoñena jira, uanaicɨnona llofuenidɨmacɨ. Uanaicɨnodo jaiñedɨmacɨ. Ja muidomo faɨfitɨmacɨ.

San Mateo 15:7

Mareuidɨnona abɨ caitauidɨnodomoɨ. Isaías mɨcorɨ omoɨna jaie raise llote. Naimɨedɨ Jusiñamui lluana cuete:

San Mateo 23:13

Naie facaise Moisés mɨcorɨ llogacɨnona llofueraɨnɨdɨ fariseuaɨ comɨnɨ dɨga illanona, Jesús naimacɨmo llote: —Jusiñamui omoɨna duere fɨnoite. Mareuidɨnona abɨ caitadɨnodomoɨ. Jusiñamui dɨbeimo comɨnɨ illana jitaiñedomoɨ. Naimɨe dɨbeimo omoɨ illana jɨaɨ jitaiñedomoɨ. Ie muidona Jusiñamuimona duere sefuitomoɨ.

San Mateo 23:28

Ie isoidomoɨ. Marena eruaɨdomoɨ; iadedɨ maredɨnona abɨ eo caitadomoɨ. Omoɨ comecɨaɨ eo maraisɨñede. Omoɨ comecɨna raise omoɨ fɨnoñenia, Jusiñamui omoɨna duere fɨnoite.

San Mateo 7:5

Omoɨmo ite maraiñedɨcɨnomo omoɨ comecɨna facaacaiñena jira, maredɨnona abɨ caitadɨnodomoɨ. Omoɨ comecɨaɨna nano raise fɨno. Iemei omoɨ ecɨmo itɨmɨena canorenitomoɨ. Naimɨe comecɨna raise canorenitomoɨ.

San Lucas 12:1

Ie facaiseconi eo ailluena comɨnɨ Jesús dɨne ofidɨmacɨ. Ailluena illa jira, coninɨ eɨllɨaɨmo naidadatɨmacɨ. Ie llofueoicaiganomo Jesús llote: —Fariseuaɨ sɨritate ramona abɨna rairui. Biena ñaɨtɨcue. “Maredɨcaɨ” raitɨmacɨ; iadedɨ mareuidɨnona abɨ caitadɨmacɨ. Naimacɨmona abɨna rairui.

San Lucas 14:5

Nainomo itɨnomo llote: —Sábadoruimo maɨjɨcabidomoɨ. Sábadoruimo omoɨ jurareta pozomo uaidena, iena jillotallena, nairuimo iena arɨ otomoɨ. Omoɨmona naie isoide maɨjɨa mare. Bimɨena cue jillotaja jira, ¿nɨese cuena jeare ñaɨtomoɨ?

San Lucas 6:42

Omoɨmo maraiñedɨcɨno illamona, ¿nɨese omoɨ ecɨmo itɨmɨena mameritomoɨ? Omoɨmo ite maraiñedɨcɨnomo omoɨ comecɨna facaacaiñena jira, maredɨnona abɨ caitadɨnodomoɨ. Omoɨ comecɨaɨna nano raise fɨno. Iemei omoɨ ecɨmo itɨmɨena canorenitomoɨ. Naimɨe comecɨna raise canorenitomoɨ.

San Lucas 7:13

Jesús naiñaiñona cɨuanona, naiñaiñona duenaite. Naiñaiñona raite: —Mai eeñeno.

San Lucas 7:19

Llote: —Jofue iñenanomo navui cue ia, jɨaɨmɨe billena llofuecabitɨcue. Jesús dɨne omɨco jai: “¿Buudɨo? ¿Odɨ Juan llofuegamɨedɨo? ¿Jɨaɨmɨe billemo nia ocuiritɨcaɨ?” naimɨemo jɨcano.