San Juan 15:25 - Huitoto Murui

²⁵ Naimacɨna David mɨcorɨ jaie llote: “Naimacɨmo buena fɨnoñedɨcue; ia cuena enoidɨmacɨ”. Naie cuegafuiaɨ jai suide.

San Juan 15:25 Iomraidhean Croise

San Mateo 10:8

Duidɨnona jillota. Fiodaitɨnona jillota. Efonaitɨnona jillota. Jananɨaɨna oni oreta. Cue uaina jamai omoɨ feiñua jira, comɨnɨna jilloitajana ɨbatañeno.

San Lucas 24:44

Naimacɨmo llote: —Navui omoɨ dɨga cue ia, dɨga rafue omoɨmo llotɨcue. Moisés mɨcorɨ cuena cuete. Jusiñamui facaina lloraɨnɨ mɨcorɨaɨ cuena cuetɨmacɨ. Jusiñamui jitailla jira, iena jai suide.

San Juan 10:34

Jesús dɨnena uai ote: —Jaie cuegafuiaɨna jamainidɨcaɨ. Nainomo Jusiñamuidɨ naimɨe uaina cacadɨnomo jaie llote: “Omoɨdɨ jusiñamuillaɨdomoɨ”. Jusiñamui ie uaina cacadɨnomo jaie iese lloiade, ¿nɨese cuena jeare ñaɨtomoɨ? Jusiñamui cuena fetuano, cuena bene oretate. “Jusiñamui Jitodɨcue” cue railla jira, “Jusiñamui Joreñona jeare ñaɨtɨo” raitomoɨ.

San Juan 13:18

Nana omoɨna iese ñaɨñedɨcue. Nana cue fetocanona uiñotɨcue. David mɨcorɨ jaie llote: “Cue dɨga guitɨnomona damɨe cuena enoidɨmɨe ite”.

San Juan 19:36

Soldaduaɨ iese fɨnuamona, jaie cuegafuiaɨ jai suide. Jaie Jesúna cuega: “Naimɨe illaicɨna taɨnoñeitɨmacɨ”.

Carta a los Romanos 3:19

Jusiñamui facaina lloraɨnɨ mɨcorɨaɨ lloga uaidɨ naie lloga uai anamo itɨnomo duide. Naie lloga uai naimacɨ uiñuamona, danɨ abɨ imacɨ rɨidolle uai iñede. Nana comɨnɨ Jusiñamui duere fɨnollɨcɨno anamo itɨmacɨ. Iena uiñotɨcaɨ.

Carta a los Romanos 3:24

Caɨna naimɨe duenaillamona, naimɨe jitailla jira, Cristo Jesúna caɨ ɨɨnuamona, caɨna marebicaitate.

Segunda Carta a los Corintios 11:7

Omoɨmo Jusiñamui rafuena navui cue lloia, omoɨna ɨbatañedɨcue. Omoɨmona ucubena jɨcañedɨcue. Cue ucube ollena, dama jɨaɨe rana maɨjɨdɨcue. Iese cue illa jira, damɨeriemona maraiñede rafuena fɨnodɨcue; ia cuemona eo mare rafuena jai uiñotomoɨ. Iemona abɨna jai uiñotomoɨ.

Carta a los Gálatas 2:21

Jusiñamui caɨna duenaillana jamaiñedɨcue. Jusiñamui jitailla isoi, Moisés mɨcorɨ llogacɨnuaɨna caɨ ɨɨnuamona marebicaidɨcaɨna, Cristo taɨnomo niade fiodaite.

Segunda Carta a los Tesalonicenses 3:8

Guillena ɨbañeno guiñedɨcaɨ; ia nagarui eo maɨjɨdɨcaɨ, omoɨna duere caɨ fɨnoñellena.

Apocalipsis 21:6

Iemei cuemo llote: —Bie rafue jai fuite. Jaca bue nia iñenia, jaie jaca itɨcue. Nana rana fɨnodɨcue. Nana ra cue uaido icana jaide. Nana rana fuilla mei, jaca iitɨcue. Jaca siño jitodɨcue. Naimacɨ illena comɨnɨ jɨnuina eo jiroacana isoi, cuena ɨɨnotɨno comecɨaɨ eo caɨmare itataitɨcue. Ɨbatañeno cue dɨga illena, naimacɨna jaca itataitɨcue.

Apocalipsis 22:17

Bie facaise Jusiñamui Joreñodɨ, Cristo jai oga aɨ railla comɨnɨ dɨga, naimɨena nia ɨɨnoñedɨnona uaidote: —Bie rafuena mai cacarei. Iena mai ɨɨno. Iena bu ɨɨnoia, jɨaɨmɨemo iena lluai: Iena mai cacarei. Iena mai ɨɨno. Jiroacadɨmɨemo llotɨcue: —Mai jiruaɨbi. Bie jɨnua raifiñede. Biena o jiroacania, jaca iitɨo. Iese llotɨcue; ia ie comecɨna ñaɨtɨcue. Bie rafue ɨɨnuana ñaɨtɨcue.