San Juan 12:27 - Huitoto Murui

²⁷ Cue comecɨ jai rucaicuerite; iadedɨ, ¿nɨese raitɨcue? Raiñeitɨcue: “Moo, cue fiodaillemona cuena jillote”. Fiodaillena bitɨcue. Ie jira raitɨcue:

San Juan 12:27 Iomraidhean Croise

San Mateo 11:25

Ie facaiseconi Jesús ie Moo dɨga ñaɨanona raite: —Ore Moo, oca mona Namadɨo. Oca enɨrue Namadɨo. Abɨna uiñotɨnona bie isoide rafuena uiñotañedɨo; iadedɨ jamai bue isoidɨnona iena uiñotadɨo. O jitailla jira, iese uiñotadɨo. Ie jira iobillacɨnona omo fecaacadɨcue. Mai.

San Mateo 26:42

Ie mei dane jɨɨllena jaide. Raite: —Ore Moo, o jitaia, cue duere sefuillamona cuena jillota. Cue fiodaillana o jitaia, o jitailla rafuena fɨnoitɨcue.

San Mateo 26:45

Ie mei ie llofueoicaiganomo dane billanona, llote: —Nia ɨnɨdomoɨ. Jafaicɨ nia otomoɨ. Monamona jaie billanona, ɨimana jaidɨcue; ia ja fiodaitɨcue. Cuena ja gaɨtajanona, Jusiñamui jitailla jira, naimɨena ɨɨnoñedɨno anamo ja iitɨcue.

San Lucas 22:44

Jesús comecɨ jarire illamona, naimɨe rɨocɨ faɨtemo, dɨfai dɨruena enɨruemo uaide.

San Lucas 22:53

Nagarui Jusiñamui jofomo omoɨ motomo llofuecabitɨcue; iadedɨ cuena gaɨtañedomoɨ. Jusiñamui jitailla jira, cuena omoɨ gaɨtaja facaise jai ride. Taɨfe anamo jai itomoɨ.

San Juan 11:41

Iemona comɨnɨdɨ nofɨcɨna oni ñuitadɨmacɨ. Jesús monamo eruaɨllano, llote: —Moo, cue uaina o cacaja jira, iobidɨcue.

San Juan 12:23

Jesús uai ote: —Monamona bitɨcue; ia jai cue fiodaille facaise ride. Comɨnɨ cue uaidɨ siñonana uiñua facaise jai ride.

San Juan 13:21

Jesús iese llua mei, ie comecɨ sunaite. Llote: —Uanai llotɨcue. Omoɨmona damɨe cuena gaɨtataite.

San Juan 18:37

Pilato uai ote: —Ie jira odɨ illaɨmadɨo. Jesús uai ote: —Jaca railla. Uanaicɨno llollena, jeicɨgacue. Nana uanaicɨnona jitaidɨno cue lluana cacadɨmacɨ.

Primera Carta a Timoteo 1:15

Bie lluadɨ mare cue uiñuamona, nana comɨnɨ biena ɨɨnuana jitaidɨcue. Maraiñedɨnona naimacɨ jeacɨnomona jilloitallena, enɨruemo Jesucristo bite. Ero, nanoca jeacɨnona fɨnoraɨmadɨcue;

Carta a los Hebreos 2:14

Jusiñamuina ɨɨnotɨnodɨ comɨnɨna jira, caɨ isoi naimɨe illena, Jesúdɨ comena jaide. Caɨ fiodailla isoi, naimɨe jɨaɨ fiodaite. Taɨfe uaina caɨ ɨɨnoia, jeacɨno fɨnodɨcaɨ. Iemona fiodaicana jaidɨcaɨ. Jeacɨno anamona caɨna Jesús jai jillotaja jira, Jusiñamuimona Taɨfe uai jai saide. Jusiñamui dɨbeimo iñenanomona jai jillodɨcaɨ.

Carta a los Hebreos 5:7

Enɨruemo Cristo ia, ɨimana naimɨe jailla jira, duere sefuide. Naimɨe fiodaiacana iaɨrei ia, Jusiñamuimo eo jɨɨde. Naimɨe fiodaiñena Jusiñamui jillotarede; iadedɨ Jusiñamuimo ado llote: “Cuena llegɨ cacaitañeno; iadedɨ cue comecɨ jitailla isoi fɨnoñeno. O comecɨ jitailla isoi fɨno” llote. Jusiñamui uaina naimɨe raise ɨɨnua jira, Jusiñamui naimɨe jɨɨana cacajano faɨriote.