San Juan 1:37 - Huitoto Murui

³⁷ Juan mɨcorɨ dɨga itɨiaɨmaiaɨ naiena cacajano, Jesúna racadɨiaɨmaiaɨ.

San Juan 1:37 Iomraidhean Croise

San Juan 1:36

Juan mɨcorɨ Jesús macarillana cɨuano, raite: —Ero, Jusiñamui Jito toɨca llauda mamecɨdo jai bite.

San Juan 1:38

Jɨnafo dɨne erodajanona, Jesús iaɨmaiaɨna cɨode. Iaɨmaiaɨmo jɨcanote: —¿Buena jitaidomɨco? Iaɨmaiaɨ dɨnena uai otɨiaɨmaiaɨ: —Rabbí, ¿nɨ o jofo? ¿Nɨnomo itɨo? —uai otɨiaɨmaiaɨ. Rabbí oni dobaiñuamona: “Llofueraɨma raillamɨe”.

San Juan 1:43

Ie areruido Jesús Galileamo jaiacade. Felipena baillanona raite: —Cue llofuegamɨena o jaillena, cue dɨga coco jaillesa, mai cue dɨga bi.

Carta a los Romanos 10:17

Caɨ lluamona Cristo rafuena cacadɨmacɨ. Cristo rafuena cacajamona, damɨerie naimɨena ɨɨnotɨmacɨ.

Carta a los Efesios 4:29

Jeare ñaɨñeno; iadedɨ nɨe isoide rafue ia, marecɨnona ñaɨno. Ie mei naiemona jɨaɨe comɨnɨna canoitomoɨ, Jusiñamui dɨbeimo naimacɨ raise illena.

Apocalipsis 22:17

Bie facaise Jusiñamui Joreñodɨ, Cristo jai oga aɨ railla comɨnɨ dɨga, naimɨena nia ɨɨnoñedɨnona uaidote: —Bie rafuena mai cacarei. Iena mai ɨɨno. Iena bu ɨɨnoia, jɨaɨmɨemo iena lluai: Iena mai cacarei. Iena mai ɨɨno. Jiroacadɨmɨemo llotɨcue: —Mai jiruaɨbi. Bie jɨnua raifiñede. Biena o jiroacania, jaca iitɨo. Iese llotɨcue; ia ie comecɨna ñaɨtɨcue. Bie rafue ɨɨnuana ñaɨtɨcue.