San Juan 1:11 - Huitoto Murui

¹¹ Ie naɨraɨ illanomo naimɨe ride; iadedɨ nana caɨ naɨraɨ naimɨena feiñoñedɨmacɨ.

San Juan 1:11 Iomraidhean Croise

San Mateo 15:24

Jesús uai ote: —Faɨficana jaillana naimacɨ jai jailla jira, danɨ caɨ judíuaɨ comɨnɨmo cue Moo cuena oretate. Naimɨedɨ judíuñedɨñaiñomo cuena oretañede.

San Lucas 19:14

Ie comɨnɨ naimɨena enoidɨmacɨ. Jɨaɨnona nanoca illaɨma dɨne oretajano, raitɨmacɨ: “Bimɨe caɨna sedajana jitaiñedɨcaɨ”; ia nanoca illaɨma dɨnena naimacɨ lluana jaca cacaiñede. Ie jira naie nanoca illaɨma naie illaɨma jitomo ie uaina ite.

San Juan 1:10

Naimɨe muidona comɨnɨ comuidɨmacɨ; iadedɨ naimɨe bene billa meinoconi, comɨnɨ dɨnena naimɨena uiñoñedɨmacɨ.

San Juan 1:12

Damɨerie naimɨena feiñotɨmacɨ. Naimɨena ɨɨnotɨmacɨ. Ie uaido naimɨedɨ naimacɨna Jusiñamui uruiaɨna itatate.

San Juan 19:27

Cuemo llote: —Jadi, o ei isoidɨñaiño anamo iitɨo. Naie dacaiño naiñaiñona cue jofomo uillanona, naiñaiñona sedadɨcue.

San Juan 3:32

Ie Moo illanomo cɨua rafuena llote. Ie Moo illanomo cacaja rafue jɨaɨ llote; iadedɨ eo janore comɨnɨ naimɨena ɨɨnotɨmacɨ.

Hechos de los Apóstoles 13:26

’Caɨmacɨ, caɨ eirue jito Abraham mɨcorɨmona comuidɨcaɨ. Jusiñamuina birui sedadɨcaɨ. Ie jira caɨ jeacɨnomona naimɨe jilloitalle rafue caɨmo duide. Jesúna ñaɨtɨcue.

Hechos de los Apóstoles 13:46

iadedɨ Pablo, iaɨmaiaɨ Bernabé dɨga, jacɨtaiñeno llofuetɨiaɨmaiaɨ: —Omoɨmo Jusiñamui uaina nano lloiacadɨcoco. Iena jitaiñedomoɨ. Jusiñamui dɨga omoɨ jaca illena jitaiñedomoɨ. Ie jira judíuaɨñedɨno dɨne jaitɨcoco.

Hechos de los Apóstoles 21:6

Naimacɨ facadua meinoconi, botemo jaidɨcaɨ. Naimacɨ imacɨ jofuemo abɨdo jaidɨmacɨ.

Carta a los Romanos 15:8

Iena nia lloitɨcue. Judíuaɨna canollena, Jusiñamui lloga uaina fuidollena, Cristodɨ bite. Jusiñamui taɨnona lloñede. Jusiñamui naimacɨ jaiagaɨ mɨcorɨaɨmo ɨco suille rafuena jaie llote. Enɨruemo billanona, Cristo iena fuiduaɨbite.

Carta a los Romanos 9:1

Jɨaɨe rafuena nia lloitɨcue. Cue comecɨdɨ eo sunaite. Cristomo cue duilla jira, taɨnona lloñedɨcue. Jusiñamui Joreño cue comecɨna uiñotajamona, iena uiñotɨcue. Cue comɨnɨri sunaitɨcue.

Carta a los Romanos 9:5

Naimacɨ jaiagaɨdɨ Abraham mɨcorɨ, Isaac mɨcorɨ, Jacob mɨcorɨ. Naimacɨmona comuide naɨraɨmona Cristodɨ comuide. Naimɨedɨ Jusiñamui. Nana rana naimɨe anamo ite. Naimɨeri jaca caɨ iobicabillasa. Iena jitaidɨcue.

Carta a los Gálatas 4:4

iadedɨ ie jitaillɨruimo Jusiñamuidɨ ie Jitona orede, naicɨnomona caɨna jilloitallena. Jusiñamui uruiaɨna caɨ jaillena, ie Jitodɨ naicɨno anamo rɨñomona jeicɨga.