Carta a los Efesios 4:7 - Huitoto Murui

⁷ Naimɨe jitailla dɨese, caɨna fetuanona, naimɨe facaina caɨ maɨjɨllena, ie uai caɨmo fecade. Jɨaɨe creyentiaɨna naimɨemo ɨɨnotacana jaillena, ie uai caɨmo fecade.

Carta a los Efesios 4:7 Iomraidhean Croise

San Mateo 25:15

Damɨemo cinco dɨga ucubena fecade. Jɨaɨmɨemo menacubena fecade. Jɨaɨmɨemo dacubena fecade. Nagamɨe ie maɨjɨlle dɨnori fecade. Ie mei oni jaide.

San Juan 3:34

Jusiñamuidɨ ie Joreño ie Jitomo caidɨñeno fecaja jira, naimɨe Jusiñamui uaina llocabite.

Carta a los Romanos 12:3

Jusiñamui cuena duenaillamona, bie rafuena omoɨmo cue llollena, naimɨe uai cuemo ite. “Jɨaɨe comɨnɨ baɨfemo faɨtɨcue” raillamo o comecɨna facañeno; iadedɨ: “Nɨe isoidɨmɨedɨcue” o raillamo o comecɨna raise faca. Jusiñamuimona o feiñoga dɨese ɨɨnuacɨnomo o comecɨna faca.

Segunda Carta a los Corintios 6:1

Bie rafuena nia lliacadɨcue. Jusiñamui facaina caɨ maɨjɨamona, naimɨe dɨbeimo comɨnɨna itatatɨcaɨ. Naimɨe caɨna duenaillana uiñotɨcue. Iena omoɨ ɨɨnocana jaillana jitaidɨcue.

Carta a los Efesios 3:2

Omoɨna naimɨe duenaillanona, omoɨna llofuellena, Jusiñamui cuena oretate. Iena jai uiñotomoɨ.

Carta a los Efesios 3:8

Creyentena nia cue jaiñena facaiseconi, creyentiaɨna jaie cue duere fɨnouilla jira, jamai bue isoidɨcue. Nana jɨaɨe creyentiaɨ cue baɨfemo faɨtɨmacɨ; iadedɨ Jusiñamui cuena duenaillanona, ie rafuena cue llollena, cuena oretate. Cristo caɨna eo raise marena canocabillana llofuecabitɨcue.

Carta a los Hebreos 2:4

Jusiñamui uai dɨga jɨaɨforiede siño rafuena naimacɨ fɨnuamona, Cristo rafuedɨ uanaicɨnona uiñotɨcaɨ. Naimɨe jitailla dɨese naga creyentemo Jusiñamuidɨ ie uaina itatate. Naga creyente naimɨe dɨbeimo raise maɨjɨllena, ie uaina itatate. Naga creyentemo naie uai illamona, Cristo rafuedɨ uanaicɨnona uiñotɨcaɨ. Ie jira naie rafuena caɨ ɨɨnuasa.

Primera Carta de San Pedro 4:10

Creyentiaɨna omoɨ jailla facaise Jusiñamuimona omoɨ uaina feiñotomoɨ. Naimɨe dɨbeimo omoɨ maɨjɨllena feiñotomoɨ. Nagamɨemo daje isoide uai iñede. Omoɨ uai dɨga, naga jɨaɨe creyentena cano.