Apocalipsis 8:10 - Huitoto Murui

¹⁰ Jɨaɨe jaɨenɨcɨ ie trompetana fite. Filla jira, monamona aillue boode ucudu enɨruemo uaide. Iemona ie tercera facaina illenɨaɨ, ie tercera facaina jorainɨaɨ dɨga erɨreficaide.

Apocalipsis 8:10 Iomraidhean Croise

San Mateo 25:1

Jesús llote: —Abɨdo cue bia, Jusiñamui ie comɨnɨna sedaite. Cue billemo ocuiritɨnona sedaite. Naie facaise ite comɨnɨdɨ diez jitaɨñuaɨmo ite rafue isoidɨmacɨ. Naiñaiñuaɨ lamparínɨaɨ llɨnuanona, ɨima ie aɨna ua meinomo fɨnoca rafuemo jaiacadɨmacɨ.

San Lucas 10:18

Jesús naimacɨmo llote: —Monamona Taɨfe borilla isoi jaie ana dotajana cɨodɨcue. Iemona cue uai naimɨe uai baɨfemo faɨana uiñotɨcue.

Carta de San Judas 1:13

Naie taɨno llofueraɨnɨ jearede rana fɨnocabidɨmacɨ. Eo bagode monaillai isoidɨmacɨ. Monaillai eo bagoia, monaillai fuemo jearede rana oni ñaɨcosite. Ucuaɨna eruaɨllamona naɨona caɨ macarillana uiñotɨcaɨ; iadedɨ ucudu ana feia, caɨ macarillana raise uiñoñedɨcaɨ. Naie taɨno llofueraɨnɨ ana fede ucudu isoidɨmacɨ. Comɨnɨ uanaicɨnona uiñotañedɨmacɨ. Naimacɨ llofuiacɨnomona Jusiñamui jitailla rafuedo caɨ raise jaillana uiñoñedɨcaɨ. Jusiñamui naimacɨna duere fɨnoite. Naimɨe illanomo jaca iñeitɨmacɨ. Jitɨredɨnomo jaca iitɨmacɨ.

Apocalipsis 1:20

Ailluena rafue omo lloitɨcue. Ona iena uiñotaitɨcue. Cue nabeillɨmo siete ucuduaɨna cɨodɨo. Bie siete ucuduaɨdɨ bie siete creyentiaɨ llofueraɨnɨ isoide. Bie siete lamparínɨaɨdɨ bie siete illanomo ite creyentiaɨ isoide. Bie creyentiaɨna ja ñaɨacadɨcue —raite.

Apocalipsis 12:4

Naimɨe omacaɨ dɨga ailluena ucuaɨna enɨruemo ana butade. Rɨaɨ uaimona ie tercera facaina butade. Ie uruena gutallena, rɨño uicomo naidaita naiñaiño jocollena sedade.

Apocalipsis 14:7

Ado llote: —Jusiñamuina ɨɨnuanona naimɨena seda. Naimɨemo iobillacɨnona feca. Naimɨemo ɨɨnoñedɨnona ja duere fɨnoite. Monana, enɨrue dɨga, monaillai dɨga, ille dɨga, naimɨe fɨnua jira, naimɨena seda.

Apocalipsis 16:4

Iemei jɨaɨe jaɨenicɨ ie copa oni totajamona, nana illiaɨ, nana jorainɨaɨ dɨga, duere fɨnode. Dɨruena jaide.

Apocalipsis 6:13

Rɨirede aɨfɨ riara ana llutaja isoi, monamona enɨruemo ucuaɨ llude.

Apocalipsis 8:7

Damɨe ie trompetana fite. Filla jira, monamona janorede hielo, boode ra dɨga, dɨrue dɨga, enɨruemo uaide. Atuedo enɨrue booñede; ia ailluena boode. Rɨaɨ uaimona ie tercera facaina boode. Nainomo nana amenaɨaɨ boode. Nainomo nana raitɨcɨño boode.

Apocalipsis 9:1

Jɨaɨe jaɨenicɨ ie trompeta fite. Filla jira, naie facaise monamona enɨruemo damɨe ucudu mamecɨdo jai uaillana cɨodɨcue. Naimɨemo Jusiñamui daje llavena fecade. Enɨrue eo ana ite ifo nase ie. Nainomo Taɨfe comɨnɨ, Janaba comɨnɨ dɨga itɨmacɨ.

Apocalipsis 9:15

Iena fɨnode. Naimacɨ anamo eo ailluena soldaduaɨ ite. Doscientos millones soldaduaɨ illana fɨdɨdɨcue. Bie facaise, bie hora, birui, bie fɨvui, bie año, Jusiñamui jitailla facaise ailluena comɨnɨna meinetɨmacɨ. Atuedo meineñedɨmacɨ. Rɨaɨ uaimona ie tercera facaina meinetɨmacɨ.

Apocalipsis 9:18

Naimacɨ fuemona bite rado ailluena comɨnɨna meinetɨmacɨ. Ie tercera facaina meinetɨmacɨ. Caballos omacaɨ jaiona eruaɨdɨmacɨ. Naimacɨ omacaɨmo jaiona eruaɨde ɨfogɨ itɨmacɨ. Ailluena comɨnɨna jɨaɨ duere fɨnodɨmacɨ.