Apocalipsis 7:1 - Huitoto Murui

^1-2 Naie facaise jɨaɨe ɨco suille rafuena cɨodɨcue. Cuatro Jusiñamui jaɨenicɨna cɨodɨcue. Damɨe jitoma billanomo ite. Jɨaɨmɨe jitoma jaillanomo ite. Jɨaɨe iaɨmaiaɨ beicɨmo itɨiaɨmaiaɨ. Aɨfɨ biñellena itɨmacɨ. Ie muidona monaillai dɨne aɨfɨ iñede. Aɨfɨ iñena jira, amenaɨaɨ niraɨriñede. Enɨruena monaillai dɨga maraiñeno fɨnollena naimacɨmo uai ite. Naie facaise jɨaɨe jaɨenicɨ jitoma billanomona billana cɨodɨcue. Naimɨedɨ caɨ cajede Jusiñamui ie sellona uite. Jɨaɨe jaɨenisaɨmo ado llote:

Apocalipsis 7:1 Iomraidhean Croise

San Mateo 24:31

Cue jaɨenisaɨna cue ecɨmona oretaitɨcue. Ado trompeta fɨcɨretajano, cue fetocano dɨese naganomona ofitaitɨmacɨ.

San Marcos 13:27

Cue jaɨenisaɨna cue ecɨmona oretaitɨcue. Cue fetocano dɨese naganomona ofitaitɨmacɨ.

Apocalipsis 20:8

Nana enɨruemo ite naɨraɨaɨna jɨfuiaɨbite. Gog railla illaɨcomɨnɨna, Magog railla naɨraɨaɨ dɨga, jɨfueite. Naimacɨ naɨraɨaɨna ofitaite. Eo ailluena naimacɨ illa jira, conillɨena caɨ facadonina isoi, naimacɨna facadonidɨcue. Jusiñamuina ɨɨnotɨno dɨga jobairillena, ofitɨmaci.

Apocalipsis 6:6

Naie cuatro cajedɨno motomona damɨe llote: —Guille raise iñena jira, comɨnɨ aime guitɨmacɨ. Daje kilo trigo ie core darui maɨjɨa ua ucube dɨese raifide. Iemona llomenicona fɨnoia, dacaiño guille raifi ite. Tres kilos cebada ie core darui maɨjɨa ua ucube dɨese raifide. Iena damɨe oia, iemona llomenicona fɨnoia, dacaiño amani guille raifi ite. Illɨmo riara nia ite; ia iena ɨballena ucube baiñede. Ie muidona aime guitɨmacɨ —llote.

Apocalipsis 7:3

—Enɨruena aɨfɨ dɨga maraiñeno nia fɨnoñeno. Monaillaina maraiñeno nia fɨnoñeno. Amenaɨaɨna maraiñeno nia fɨnoñeno. Jusiñamui dɨbeimo itɨno uiecuaɨ itofiaɨ sello dɨga nia caɨ nitañenia, enɨruena maraiñeno fɨnoñeno.

Apocalipsis 8:7

Damɨe ie trompetana fite. Filla jira, monamona janorede hielo, boode ra dɨga, dɨrue dɨga, enɨruemo uaide. Atuedo enɨrue booñede; ia ailluena boode. Rɨaɨ uaimona ie tercera facaina boode. Nainomo nana amenaɨaɨ boode. Nainomo nana raitɨcɨño boode.

Apocalipsis 9:4

Raitɨcɨño naimacɨ guillena, ibena naimacɨ guillena Jusiñamui rairuide. Naimɨe jitailla jira, naimɨe sello dɨga nitañeganona duere finodɨmacɨ.