Apocalipsis 6:9 - Huitoto Murui

⁹ Iemei Llauda isoidɨmɨe jɨaɨe nitaca ra oni suiñode. Suiñua mei, Jusiñamuimo caɨmare soride boode rana jobaisoillanona cɨodɨcue. Naie illano anamo comɨnɨ joreñuaɨna cɨodɨcue. Jusiñamui rafuena naimacɨ llua jira, “Jusiñamui comɨnɨdɨcaɨ” naimacɨ llua jira, Jusiñamuina ɨɨnoñedɨno naimacɨna meinetɨmacɨ. Jai fiodaillamona naimacɨ joreñuaɨ Jusiñamui illanomo jai itɨmacɨ.

Apocalipsis 6:9 Iomraidhean Croise

San Juan 16:2

Omoɨ ofiracomona illaɨcomɨnɨ omoɨna dotaitɨmacɨ. Jɨaɨruido omoɨna meiniamona: “Jai Jusiñamuina marena sedadɨcaɨ”, comecɨaɨna facaitɨmacɨ.

Segunda Carta a los Corintios 5:8

Iese jaidɨcue. Cue Nama dɨga cue illena, fiodaiacadɨcue;

Carta a los Filipenses 1:23

Nia raise uiñoñedɨcue. Jɨaɨcaiño fiodaiacaiñedɨcue. Jɨaɨcaiño fiodaiacadɨcue. Cue comecɨ Cristo dɨne jaiacade. Nainomo cue illena cuemona eo mare;

Carta a los Filipenses 2:17

Jusiñamuina omoɨ ɨɨnua jira, naimɨemo ailluena ucubena caidɨñeno fecadomoɨ. Ie baɨfemona cue fiodaillana Jusiñamui jɨaɨ jitaia, iobitɨcue. Omoɨ dɨga jɨaɨ caɨmataitɨcue.

Segunda Carta a Timoteo 1:8

Ie jira caɨ Nama rafuena o lluana meiruiñeno. Cárcelmo cue illa jira, cuena jɨaɨ meiruiñeno. Cristo Jesús rafue muidona duere sefuidɨcue. Naie rafue muidona duere o jɨaɨ sefuia, rairuioicaiñeno i. Jusiñamui o comecɨna ocuiñotaite.

Segunda Carta a Timoteo 4:6

Jai iaɨrei ite cue meinellɨrui.

Carta a los Hebreos 12:23

Ailluena comɨnɨ dɨga, Cristona birui ɨɨnotɨcaɨ. Nana caɨna Jusiñamui fetuanona, caɨ mamecɨaɨ monamo ite rabenicomo jai cuega. Jusiñamui nana comɨnɨ comecɨaɨna uiñote. Naimɨena ɨɨnotɨnomona ailluena jai fiodaitɨmacɨ; ia naimɨe ecɨmo naimacɨ joreñuaɨ jɨaɨ jai itɨmacɨ.

Apocalipsis 1:2

Jusiñamui cuena birui uiñotaga rafuena jai cuetɨcue. Jesucristo cuemo birui lloga rafuena jai cuetɨcue. Nana birui cue cɨua rafuena jɨaɨ jai cuetɨcue.

Apocalipsis 1:9

Daajena Cristomo caɨ duilla jira, omoɨ amadɨcue isoidɨcue. Cristomo caɨ duillamona, birui duere sefuidɨcaɨ. Comɨnɨna ɨco naimɨe sedaia, nainomo iitɨcaɨ. Naimɨe caɨ comecɨaɨna ocuiñotajamona iemo birui ocuiridɨcaɨ. Jusiñamui uaina cue llua jira, Cristo rafuena cue llua jira, duere cue sefuillena, Patmos railla uiasimo birui itɨcue. Cárcelmo illa isoi duere sefuillena, illaɨcomɨnɨ bene cuena birui oredɨmacɨ.

Apocalipsis 14:18

Ieconi Jusiñamuimo jobaisoillanomona jɨaɨe jaɨenicɨ bite. Enɨruemo boode ra dotaja uaidɨ naimɨemo ite. Lloebɨredɨmɨemo ado llote: —Jai einailla jira, naimacɨna o ollena, o lloebɨ dɨga illɨmo ite uvaɨaɨna tɨno. Iese llote; iadedɨ comɨnɨna duere fɨnollena ñaɨte.

Apocalipsis 16:7

Jusiñamuimo caɨmare soride ra jobaisoillanomona jɨaɨe jaɨenicɨ llote: —Caɨ Nama Jusiñamui, ua siño jitodɨo. Naimacɨ fɨnocabilla isoi naimacɨna jai duere fɨnodɨo.

Apocalipsis 19:10

Jaɨenicɨ uicomo eɨllɨmo ana bɨtadatɨcue, naimɨena sedallena; ia cuemo llote: —Dama ite. Cuena sedañeno; ia dama Jusiñamuina seda. Jesús ie dɨbeimo itɨnona uanaicɨnona jai uiñotade. Ie jira naga o dɨga naimɨena ɨɨnotɨno isoi, Jusiñamui facaina jɨaɨ maɨjɨdɨcue. Naga Jusiñamui facaina maɨjɨdɨmɨe Jusúna llocabite. Ie muidona dama Jusiñamuina seda.

Apocalipsis 2:13

Omoɨ illana uiñotɨcue. Taɨfe anamo itɨno motomo itomoɨ; iadedɨ cuena ɨɨnocana nia jaidomoɨ. Omoɨmona Antipas mɨcorɨna navui meinetɨmacɨ. Naimɨe mɨcorɨdɨ cue rafuena raise llofueuide. Naie facaise cuena faɨnonocaiñedomoɨ;

Apocalipsis 20:4

Ie mei monamo dɨga jueces illanuaɨna cɨodɨcue. Jusiñamui uai dɨga nainomo itɨnodɨ maraiñede rafue fɨnodɨnomo jamai duere sefuillɨcɨnona lloitɨmacɨ. Ie facaise jai meineganona jɨaɨ cɨodɨcue. Eo duere sefuilla facaise “Jesús comɨnɨdɨcaɨ” naimacɨ llua jira, Jusiñamui uaina naimacɨ llua jira, naimacɨ ɨfogɨaɨna jaitajanona, naimacɨna meineganodɨmacɨ. Monaillaimona bite ocainana sedañedɨmacɨ. Ie joreñona sedañedɨmacɨ. Ie cuetataga ra naimacɨ uiecomo, naimacɨ onollɨmo iñede. Navui fiodaitɨmacɨ; ia iemona bie facaise jai jillobitɨmacɨ. Imacɨ abɨaɨ dɨga Jusiñamui naimacɨna jillotaite. Cristo dɨga mil años enɨruemo itɨnona sedaitɨmacɨ.

Apocalipsis 8:3

Naie facaise jɨaɨe jaɨenicɨ billanona, Jusiñamuimo caɨmare soride ra jobaisoillano ecɨmo naidaide. Naie jobaisoillanodɨ oromona fɨnoca. Ie onollɨmo oromona fɨnoca cucharón eruaɨde ra ite. Ailluena caɨmare soride ra naimɨe feiñua mei, iena jobaide. Ie facaise nana Jusiñamuina ɨɨnotɨno jɨɨacɨno Jusiñamuimo jaide.

Apocalipsis 9:13

Naie facaise jɨaɨe jaɨenicɨ ie trompeta fite. Jusiñamui uicomo ite caɨmare soride ra jobaisoillano ite. Oromona fɨnoca. Nainomo cuatro sigaɨ ite. Nainomona jaɨenicɨmo damɨe llote: —Eufrates railla ille fuedo cuatro maɨga jaɨenicɨna suiño —llote.