Apocalipsis 6:12 - Huitoto Murui

¹² Iemei Llauda isoidɨmɨe jɨaɨe nitaca ra oni suiñuana cɨodɨcue. Suiñuanona, aillue ñuisaño suide. Jitoma eo jitɨreficaide. Fɨvuidɨ dɨruena eruaɨde. Jiaɨrede.

Apocalipsis 6:12 Iomraidhean Croise

San Mateo 11:21

Llote: —Omoɨmona damɨerie Corazín railla illanomona bitomoɨ. Omoɨmona damɨerie Betsaida railla illanomona bitomoɨ. Cue rafuena omoɨ ɨɨnoñena jira, duere sefuitomoɨ. Omoɨ dɨne cue navui siño fɨnoca rafuena Tiro railla naɨraɨmo jaie fɨnodɨcuena, Sidón railla naɨraɨmo jaie fɨnodɨcuena, naimacɨ comecɨaɨ eo isinotaillamona, naimacɨ comecɨaɨ iuai meidotɨmacɨ. Naimacɨ comecɨaɨ iuaina meiduana uiñotallena, ebinide ɨniroina jɨtajanona, naimacɨ ɨfogɨaɨmo jusefona jonetɨmacɨ.

San Mateo 24:29

Jesús llote: —Naie duere sefuilla facaise meinoconi jitoma llɨgaiñoñeite. Fɨvui jɨaɨ llɨgaiñoñeite. Monamona ucuaɨ llujite. Nana naie radɨ jaidɨsite.

San Mateo 24:7

Daje naɨraɨ jɨaɨe naɨraɨ dɨga jobairitɨmacɨ. Daje gobierno jɨaɨe gobierno dɨga jobairite. Dɨga illanuaɨmo comɨnɨ aime guitɨmacɨ. Dɨga illanuaɨmo ñuisañuaɨ suite.

San Mateo 27:45

Jitoma naidai itemona, daje amani horas mona jitɨbicaide.

San Mateo 27:54

Nainomo ite capitán, ie soldaduaɨ dɨga, Jesús fiodaillana eruaɨdɨmacɨ. Ñuisaño ñuillana cacadɨmacɨ. Nana suide rafuena cɨuanona, eo jacɨnaillamona, naimɨe raite: —Uanai bimɨedɨ Jusiñamui Jito.

San Mateo 28:2

Ieconi ñuisaño suide. Monamona billanona, Jusiñamui jaɨenicɨ raɨafomo ɨbaica nofɨcɨna oni ñuitade. Naie nofɨcɨmo raɨde.

San Marcos 15:33

Jitoma naidai itemona, daje amani horas mona jitɨbicaide.

Apocalipsis 11:13

Naie facaise aillue ñuisaño suide. Ie jira janore facai Jerusalén goide. Rɨaɨ uaimona ie décima facai goide. Naiemona siete mil comɨnɨ fiodaitɨmacɨ. Fiodaiñedɨno jacɨnaillamona: —Jusiñamuidɨ ua siño jito —lloitɨmacɨ.

Apocalipsis 16:18

Ieconi boricabide. Bue isoi eo fɨcɨrede. Gurucabide. Eo aillue ñuisaño suide. Comɨnɨ comuilla facaisemona iese ñuisaño jaca suiñede.

Apocalipsis 16:8

Naie facaise jɨaɨe jaɨenicɨ ie copa oni totajamona, jitomana duere fɨnode. Eo llɨgaiñotajamona, enɨruemo itɨno eo usidɨmacɨ.

Apocalipsis 8:12

Jɨaɨe jaɨenicɨ ie trompetana fite. Filla jira, jitoma, fɨvui dɨga, ucuaɨ dɨga, fuiride. Iemona aremona cuatro horas raise usenide. Naɨona cuatro horas eo jitɨrede.

Apocalipsis 8:5

Naie facaise Jusiñamuimo jobaisoillanomona boode reɨcɨ jaɨenicɨ uanona, cucharóna eruaɨde ramo iena jonianona, enɨruemo iena ana dotade. Ie jira gurucabide. Bue isoi eo fɨcɨrede. Naganomo boricabide. Ñuisaño suide.