Apocalipsis 3:7 - Huitoto Murui

⁷ Cristo cuemo llote: —Filadelfiamo ite creyentiaɨma llollena, nainomo ite llofueraɨmamo cue lluana cueno: “Mareuidɨmɨedɨcue. Uanaicɨnona jaca llotɨcue. David mɨcorɨ jitona cue illamona, illaɨmana cue illa jira, siño uai cuemo ite. Ie muidona cue jitailla dɨese comɨnɨna feiñotɨcue. Jusiñamui illanomo naimacɨ illena, naimacɨna feiñotɨcue. Cue jitailla dɨese comɨnɨna feiñoñedɨcue.

Apocalipsis 3:7 Iomraidhean Croise

San Mateo 16:19

Ailluena comɨnɨmo Jusiñamui ie comɨnɨna jailla rafuena nano lloraɨmana jaitɨo. O lluacɨnodo jaitɨno cue comɨnɨna jaitɨmacɨ. O lluacɨnodo jaiñeitɨno cue comɨnɨna jaiñeitɨmacɨ

San Mateo 24:35

Mona enɨrue dɨga fuite; iadedɨ cue lloga uai jaca suite.

San Marcos 1:24

Jesús llofuiana cacaita, Janabadɨ ɨimana ado cuirioitate: —Odɨ Nazaret ie Jesús. ¿Bue ñeacadɨo caɨ dɨga? Caɨna duere fɨnuaɨbidɨo. Ona uiñotɨcue. Odɨ Jusiñamui ie mare fetocamɨedɨo.

San Lucas 1:32

Siño Jitona jaite. Nanoca Itɨmɨe Jitona jaite. Ie usuma David mɨcorɨ illaɨma illa isoi, Jusiñamuidɨ naimɨena illaɨmana itataite.

San Lucas 4:34

—Odɨ Nazaret ie Jesús. ¿Bue ñeiacadɨo caɨ dɨga? Caɨna duere fɨnuaɨbidɨo. Ona uiñotɨcue. Odɨ Jusiñamui ie Mare Fetocamɨedɨo.

San Juan 14:6

Jesús uai ote: —Omoɨ naɨso isoidɨcue. Uanaicɨnona llotɨcue. Cue Moo dɨbeimo comɨnɨna jaca itatatɨcue. Cue Moo dɨne joide naɨso isoidɨcue. Jaca dasode cue Moomo duide naɨdɨ. Cue Moo dɨne o ria, cuena ɨɨno.

Hechos de los Apóstoles 3:14

Mareuidɨmɨena jitaiñedomoɨ; iadedɨ come fatɨmɨena cárcelmona jino billana jitaidomoɨ. Barrabás raillamɨena jitaidomoɨ.

Primera Carta de San Juan 5:20

Jusiñamui Jito jaie enɨruemo billana uiñotɨcaɨ. Iemona caɨna nanoca Jusiñamuina uiñotade. Naimɨena caɨ ɨɨnuamona, nanoca Jusiñamuimo jai duidɨcaɨ. Jesucristomo jɨaɨ jai duidɨcaɨ. Ie jira Jusiñamui dɨga ɨco jaca iitɨcaɨ.

Apocalipsis 1:11

Cuemo llote: —O cɨoacalle rafuena cueno. O cacaacalle rafuena cueno. Ie mei bie siete illanuaɨmo iena oreta: Efesomo, Esmirnamo, Pérgamomo, Tiatiramo, Sardimo, Filadelfiamo, Laodiceamo. Dɨese illanuaɨmo oreta —llote.

Apocalipsis 1:18

Jaie fiodaitɨcue; iadedɨ naiemona jaie jillodɨcue. Jaca iitɨcue. Dane fiodaiñeitɨcue. Cue uai siñona jira, comɨnɨ fiodaillɨruina llotɨcue. Cuena ɨɨnoñedɨno fiodailla mei, naimacɨ joreñuaɨ illɨnona jɨaɨ llotɨcue.

Apocalipsis 1:5

Ie Moo uaina raise ɨɨnuamona, enɨruemo naimɨe illa facaise Jesucristo ie Moo rafuena raise atona llouide. Naimɨe fiodaite; iadedɨ naiemona jillode. Naimɨe dane fiodaiñena jira, nana illaɨcomɨnɨ naimɨe anamo jai itɨmacɨ. Caɨna jaca isiruite. Naimɨe fiodaillamona caɨna caɨ jeacɨnomona jai jillobitade.

Apocalipsis 15:3

jai emodofilla jira, Moisés mɨcorɨ ie ruana rotɨmacɨ. Moisés mɨcorɨ Jusiñamui facaina jaie maɨjɨuide. Jeacɨnomona naimacɨ jɨaɨ jai jillua jira, Toɨca Llauda isoidɨmɨe ie ruana jɨaɨ rotɨmacɨ: Eo siño ebirede rafuena fɨnodɨo. Jusiñamuina o illanona, jaca siño jitodɨo. Mare rafuena jaca fɨnocabidɨo. O lloga uai jaca fɨnodɨo. Naga naɨraɨ o anamo jai itɨmacɨ.

Apocalipsis 16:7

Jusiñamuimo caɨmare soride ra jobaisoillanomona jɨaɨe jaɨenicɨ llote: —Caɨ Nama Jusiñamui, ua siño jitodɨo. Naimacɨ fɨnocabilla isoi naimacɨna jai duere fɨnodɨo.

Apocalipsis 19:11

Naie facaise mona ecorillana cɨodɨcue. Nainomo userede caballona cɨodɨcue. Naie emodomo itɨmɨemo mena mamecɨ ite. Ɨɨnogamɨena mamecɨrede. Uanaicɨnona Llocabitɨmɨena jɨaɨ mamecɨrede. Naimacɨna raise uiñuamona, naimɨe dɨbeimo iñedɨnona duere fɨnollena, naimacɨ dɨga jobairite.

Apocalipsis 19:2

O anamo itɨnona raise uiñuamona, uanaicɨnona o uiñuamona, naimacɨna duere jai fɨnodɨo. Naie jearede rafuena fɨnode rɨñona jai duere fɨnodɨo. Naie rɨño ailluena comɨnɨna jearede rafuena fɨnotate. Ailluena o facaina maɨjɨdɨnona jai meinetade; iadedɨ ɨba jai otɨo.

Apocalipsis 2:1

Cristo cuemo llote: —Efesomo ite creyentiaɨmo llollena, nainomo ite llofueraɨmamo cue lluana cueno: “Cue nabeillɨmo siete ucuduaɨ ite. Siete oromona fɨnoca lamarínɨaɨ motomo itɨcue. Omoɨna ñaɨtɨcue. Omoɨ llofueraɨma cue anamo ite. Omoɨ motomo cue illamona, cuena nabaidomoɨ.

Apocalipsis 21:5

Jusiñamui llote: —Ero, nana ra comuena birui fɨnoitɨcue. Cue lluacɨno uanaicɨnona jira, cue lluacɨnona cue fɨnua jira, bie rafuena cueno.

Apocalipsis 3:14

Cristo cuemo llote: —Laodiceamo ite creyentiaɨmo llollena, nainomo ite llofueraɨmamo cue lluana cueno: “Siño Jitodɨcue. Cue lloga uaina jaca fɨnocabidɨcue. Uanaicɨnona jaca llocabitɨcue. Cue uaido Jusiñamui nana fɨnode. Nana comuitate.

Apocalipsis 4:8

Nagamɨiaɨmo seis iaico ite. Ailluena uisɨ naimacɨ iaicuaɨmo ite. Naimacɨ abɨmo uisɨ jɨaɨ eo ite. Nagarui ɨnɨñeno jaca llotɨmacɨ: Mare, mare, mare. Caɨ siño Nama Jusiñamuidɨ eo mareuidɨmɨe. Jaie jaca ite. Birui ite. Ɨco jaca iite.

Apocalipsis 5:9

Llaudana sedallena, naimacɨ arpas taillanona, comue ruana rotɨmacɨ: O marena jira, o uai ite, naie rabe econollena. Ie nitaca rana oni suiñoitɨo. Jɨaɨno jaie ona meinetɨmacɨ. O fiodailla jira, o dɨaillamona, Jusiñamui dɨbeimo naga naɨraɨmona comɨnɨna itatatɨo. Naimacɨ jeacɨnomona jillotatɨo.

Apocalipsis 6:10

Jusiñamuimo ado llotɨmacɨ: —Caɨ Nama, siño jitodɨo. Mareuidɨmɨedɨo. O uaina jaca fɨnodɨo. ¿Nɨruido caɨna meinetɨnona duere fɨnoitɨo? ¿Nɨruido ɨbana oitɨo?