Apocalipsis 22:10 - Huitoto Murui

¹⁰ Bie rafue suillɨrui iaɨrei illa jira, iena jino llono. Iena uiñota.

Apocalipsis 22:10 Iomraidhean Croise

San Mateo 10:27

Omoɨmo rafuena anado jai llotɨcue. Iena nana comɨnɨmo marefodo llono. Ado llono.

Carta a los Romanos 13:11

Iena birui caɨ fɨnua. Jesucristo billɨruidɨ iaɨrei jai ite. Naimɨena caɨ nano ɨɨnua facaiseconi, naimɨe billɨruimo caɨ comecɨaɨna facadɨcaɨ; iadedɨ nagarui naimɨe billɨrui iaɨrei iñoicaide.

Carta a los Romanos 13:12

Jesucristo nia dane biñena jira, enɨruemo caɨ illa jira, jitɨredɨnomo itɨcaɨ isoidɨcaɨ. Naimɨe bia, naimɨe dɨga caɨ illemona, useredɨnomo raɨre ja iitɨcaɨ isoitɨcaɨ. Ie jira jeacɨnona fɨnocana caɨ jaillana mai caɨ faɨnonocaillɨ. Jesucristo rafue anamo raise caɨ illesa.

Segunda Carta a los Tesalonicenses 2:3

Naie isoide rafue dɨga omoɨna jɨaɨno jɨfueiacania, iena ɨɨnoñeno. Caɨ Nama nia biñena facaise, eo ailluena comɨnɨ naimɨena enoitɨmacɨ. Iemei Taɨfe dɨnena damɨe biite. Ja muidomo naimɨe faɨfite;

Primera Carta de San Pedro 4:7

Bie enɨrue raɨre fuite. Ie jira ebena jaiñeno. Comecɨaɨna raise faca. Jusiñamuimo raise jɨɨllena, iese omoɨ jai.

Apocalipsis 1:11

Cuemo llote: —O cɨoacalle rafuena cueno. O cacaacalle rafuena cueno. Ie mei bie siete illanuaɨmo iena oreta: Efesomo, Esmirnamo, Pérgamomo, Tiatiramo, Sardimo, Filadelfiamo, Laodiceamo. Dɨese illanuaɨmo oreta —llote.

Apocalipsis 1:3

Bie ɨco suille rafuena ado facacabidɨnodɨ caɨmare iitɨmacɨ. Biena cacacabidɨno iena ɨɨnuamona, caɨmare iitɨmacɨ. Bie rafue suillɨrui iaɨrei illa jira, iemo raise cacarei.

Apocalipsis 10:4

Naimacɨ lluana cacaja mei, iena cueiacadɨcue; iadedɨ monamona damɨe cuemo llote: —Naie lluana lloñeno. Iena cueñeno.

Apocalipsis 22:16

Creyentiaɨna bie rafuena uiñotallena, cue jaɨenicɨ o dɨne jai oretatɨcue. David mɨcorɨ ie jitodɨcue. Monairaɨcudu bairia isoi, Jusiñamui jitaillacɨnona cue fɨnollena, baireitɨcue —llote.

Apocalipsis 22:18

Bie ɨco suille rafue ite rabenicona bu facajia, naimɨemo rafuena lloiacadɨcue. Bie rafue baɨfemo bu lloia, bie rafuena bu meidoia, bie rabenicomo ite duere fɨnuacɨno isoi, Jusiñamui naimɨena duere fɨnoite.

Apocalipsis 22:20

Cristo raite: —Bie rafue jaca suite. Ua raɨre biitɨcue. Iena raɨre suillena jɨaɨ jitaidɨcue. Caɨ Nama Jesús raɨre billena eo jitaidɨcue.

Apocalipsis 22:7

“Raɨre biitɨcue” Cristo llote. Bie rabenicomo ite ɨco suille rafuena ɨɨnotɨnodɨ caɨmare iitɨmacɨ.

Apocalipsis 22:9

iadedɨ cuemo llote: —Dama ite. Cuena sedañeno. O dɨga, naimɨe facaina lloraɨnɨ isoi, bie rabenicomo ite llogacɨnona ɨɨnotɨno isoi, naimɨe dɨbeimo jɨaɨ maɨjɨdɨcue. Dama Jusiñamuina seda.

Apocalipsis 5:1

Jusiñamui illanomo cue nia eruaɨa, naimɨe nabellɨmo ferɨnoga rabe illana cɨodɨcue. Nagafebeimo cuega rafue jai ite. Siete nitaca ra illamona, naie rabe raise ɨbaibide.