Apocalipsis 21:3 - Huitoto Murui

³ Jusiñamui illanomona damɨe ado llote: —Comɨnɨ motomo Jusiñamui illano jai ite. Naimacɨ dɨga naimɨe iite. Naimɨe comɨnɨnitɨmacɨ.

Apocalipsis 21:3 Iomraidhean Croise

San Juan 1:14

Iemo caɨna Jusiñamuina uiñotallena, Jusiñamui Jito comena jaide. Naie facaise caɨ comɨnɨ motomo naimɨe ite. Caɨ comɨnɨna eo duenaite. Uanaicɨnona llouide. Ie siño uaina uiñocana jaidɨcaɨ. Jusiñamui dajede ie Jitona cɨodɨcaɨ.

San Juan 14:23

Jesús uai ote: —Cuena isiruitɨnona cue rafuena uiñotadɨcue. Bu cuena isiruia, cue llogacɨnuaɨna ɨɨnoite. Cue Moo naimɨena isiruite. Iemona naimɨena nabaitɨcoco.

Segunda Carta a los Corintios 6:16

Creyenteñedɨmɨedɨ Jusiñamuina sedañede; ia jiraraɨna sedade. Creyente comecɨmo Jusiñamui illamona, Jusiñamuina sedade. Nana creyentiaɨ comecɨaɨmo Jusiñamui ite. Iena jaie Jusiñamui llote: Comɨnɨ motomo iitɨcue. Naimacɨna nabaitɨcue. Naimacɨ Jusiñamuinitɨcue. Cue comɨnɨnitɨmacɨ.

Segunda Carta a los Corintios 6:18

Omoɨ Moona iitɨcue. Cue uruiaɨna jaitomoɨ. Siño jitodɨcue.

Primera Carta a los Tesalonicenses 3:11

Iese omoɨ facaina, caɨ Moo Jusiñamuimo, caɨ Nama Jesúmo jɨɨcabidɨcaɨ. Omoɨ dɨne caɨna naimɨe oretajana jɨɨdɨcaɨ.

Carta a los Hebreos 11:16

iadedɨ jɨaɨe illanomo comecɨaɨna facadɨmacɨ. Jusiñamuina nabaillemo, monamo Jusiñamui dɨga jaca illemo comecɨaɨna facadɨmacɨ. Naimɨena naimacɨ ɨɨnua jira: “Jusiñamuidɨ caɨ Moo” naimacɨ raia, Jusiñamui naimacɨri meidaiñede. Ie jira monamo Jusiñamui naimacɨ illɨnona jai fɨnode.

Carta a los Hebreos 8:10

Naimacɨmo jɨaɨe rafuena ɨco jɨaɨruido lloitɨcue. Iena naimacɨ uiñuamona, cuena raise ɨɨnoitɨmacɨ. Naimacɨ Jusiñamuidɨcuena jira, naimacɨ cuena sedaitɨmacɨ. Cue anamo raise naimacɨ illa jira, cue comɨnɨnitɨmacɨ.

Carta a los Hebreos 8:2

Jusiñamui illanomo naimɨe illanona, nainomo caɨ facaina birui ñaɨcabite. Moisés mɨcorɨ facaise comɨnɨ fɨnoca jofomo Jusiñamui dɨga ñaɨuidɨmacɨ; ia birui Jusiñamui fɨnoca illanomo Cristo illamona, caɨ facaina ñaɨcabite.

Apocalipsis 10:4

Naimacɨ lluana cacaja mei, iena cueiacadɨcue; iadedɨ monamona damɨe cuemo llote: —Naie lluana lloñeno. Iena cueñeno.

Apocalipsis 10:8

Monamona cuemo aillɨ llotɨmɨe dane llote: —Jaɨenicɨ onollɨmo econoga ite rabenicona llɨnuai.

Apocalipsis 12:10

Monamo damɨe ado lluana jai cacadɨcue: —Jusiñamui lloga uai jai suide. Ie comɨnɨna raise jillotate. Naimɨe uai eo siño. Ie uai Cristomo illanona, Cristodɨ comɨnɨna raise sedaite. Enɨruemo Taɨfena jai dotaja jira, Jusiñamuina bu raise ɨɨnoñenia, jeacɨnona bu fɨnoia, Jusiñamui uicomo birui naimɨe fɨnocabilla isoi, Taɨfe caɨna llogɨdoñeite.

Apocalipsis 21:7

Cuena raise ɨɨnotɨnona iese itataitɨcue. Jaca naimacɨ Jusiñamuinitɨcue. Naimacɨ jaca cue comɨnɨnitɨmacɨ.

Apocalipsis 22:3

Jeacɨno nainomo iñena jira, Jusiñamui jaca buna duere fɨnoñeite. Jusiñamui, Llauda isoidɨmɨe dɨga illamona, naimɨe comɨnɨ naimɨena jaca sedaitɨmacɨ.

Apocalipsis 7:15

Ie jira Jusiñamui uicomo itɨmacɨ. Nainomo naimɨena jaca sedaitɨmacɨ. Naimɨena jaca iobitaitɨmacɨ. Naimɨe ocuilla rafue jaca fɨnoitɨmacɨ. Naimacɨna naimɨe raise nabaillamona, naimacɨna raise eenoite.