Apocalipsis 17:16 - Huitoto Murui

^16-17 Naie diez illaɨcomɨnɨdɨ, ocaina dɨga rɨñona enoitɨmacɨ. Naiñaiñona duere fɨnoitɨmacɨ. Jusiñamui jitailla jira, naimɨe jitailla rafue fuidollena, naimɨe lloga uai suillena, naimacɨ comecɨna daje isoi lloitaite. Ocaina anamo naimacɨna itataite. Rɨñona iese fuidoitɨmacɨ. Naiñaiño ɨniroina oni dotatajanona, naiñaiño taɨñaiñona iite. Naiñaiñona meineitɨmacɨ. Ie llɨcɨsina rɨitɨmacɨ. Ja muidomo iraimo naiñaiñona dotaitɨmacɨ. Iese naiñaiñona duere fɨnuanona, naiñaiñona fuidoitɨmacɨ.

Apocalipsis 17:16 Iomraidhean Croise

Apocalipsis 12:3

Ie facaise monamo jɨaɨmɨena cɨodɨcue. Naimɨedɨ Taɨfe. Naimɨe illamona jɨaɨe rafue suillena uiñotɨcue. Naimɨedɨ eo aillue jaiona eruaɨde. Jiaɨrede. Siete ɨfogɨ naimɨemo ite. Diez sigaɨ naimɨemo ite. Naga ɨfogɨmo nuicɨrai ite. Rɨaɨ uaimona naimɨedɨ dragón.

Apocalipsis 16:12

Naie facaise jɨaɨe jaɨenicɨ ie copamona ie duere sefuillɨcɨnona Eufrates railla ille dɨne totade. Ie muidona naie aillue ille safenaite. Safenaillamona, jitoma billanomo ite naɨraɨaɨ illaɨcomɨnɨ, imacɨ soldaduaɨ dɨga, ruica dɨne raise birenitɨmacɨ.

Apocalipsis 17:10

Ie siete ɨfogɨdɨ siete illaɨcomɨnɨ mamecɨdo ite. Naimacɨmona cinco illaɨcomɨnɨ jai iñede. Damɨe comɨnɨna birui sedade. Jɨaɨmɨe comɨnɨna nia sedañede. Comɨnɨna naimɨe sedaia, are naimacɨna sedañeite. Dallu sedaite.

Apocalipsis 18:19

Sure illamona, naimacɨ ɨfogɨmo imuicɨna faɨanona, eeitɨmacɨ. Lloitɨmacɨ: —Bie naɨraɨ eo duere sefuide. Bie naɨraɨmona boteredɨnodɨcaɨ navui ailluena ganadɨcaɨ. Bie naɨraɨ jai raɨre fuite.

Apocalipsis 18:8

iadedɨ caɨ Nama Jusiñamui naimacɨna ebena eo duere fɨnoite. Duicomona, sure illamona, aime guillamona fiodaitɨmacɨ. Naimacɨ jofue booite. Jusiñamui siño jitona jira, naimacɨna raɨre fuidoite —llote.

Apocalipsis 19:18

Naimacɨna emodofillamona, ailluena llɨcɨsi ja iite. Ailluena comɨnɨna ja meineite. Illaɨcomɨnɨ itɨmacɨ. Soldaduaɨ illaɨcomɨnɨ itɨmacɨ. Caballuaɨ itɨmacɨ. Caballuaɨ emodomo jaicabidɨno itɨmacɨ. Dɨga comɨnɨ ite. Jamai bue isoidɨno itɨmacɨ. Jamai bue isoiñedɨno itɨmacɨ. Patrones anamo itɨno itɨmacɨ. Patrones anamo iñedɨno itɨmacɨ. Naimacɨ llɨcɨsi mai rɨaɨbi —llote.