Apocalipsis 11:8 - Huitoto Murui

⁸ Raɨafomo joneñeitɨmacɨ; iadedɨ iaɨmaiaɨ abɨ Jerusalén naɨsomo jamai fɨebite. Jerusalén comɨnɨ jearede rafue fɨnua jira, Jusiñamui rafuena naimacɨ jitaiñena jira, Sodoma jaie ite naɨraɨ isoidɨmacɨ. Egipto jaie ite naɨraɨ jɨaɨ isoidɨmacɨ. Jerusalémo Jesúna jaie jɨaɨ meinetɨmacɨ.

Apocalipsis 11:8 Iomraidhean Croise

San Mateo 10:15

Omoɨmo uanaicɨnona llotɨcue. Omoɨna naimacɨ feiñoñenia, Jusiñamuidɨ naimacɨna duere fɨnoite. Sodoma railla naɨraɨ jaie jeacɨnona eo fɨnodɨmacɨ. Gomorra railla naɨraɨ jaie jeacɨnona eo fɨnodɨmacɨ. Ie jira Jusiñamui naimacɨna jaie duere fɨnode. Omoɨna comɨnɨ birui feiñoñenia, Jusiñamuidɨ naimacɨna Sodoma naɨraɨ baɨfemo duere fɨnoite. Gomorra naɨraɨ baɨfemo duere fɨnoite.

Hechos de los Apóstoles 9:4

Enɨruemo naimɨe ana uaillano, monamona damɨe naimɨemo lluana cacade: —Saulo, Saulo, ¿bue ñellena cuena duere fɨnodɨo?

Carta a los Hebreos 13:12

Ie isoide. Cristona comɨnɨ jitaiñena jira, ie comɨnɨ naɨraɨmona jino uillanona, naimɨena meinetɨmacɨ. Nainomo jeacɨno facaina fiodaite, comɨnɨ comecɨaɨna raise fɨnollena.

Carta a los Hebreos 6:6

Cristo dɨbeimona omoɨmona bu sofetena, jɨaɨmɨe naimɨena jillotanide. Jeacɨnona fɨnocana naimɨe jaia, Jusiñamui ie jeacɨno oni dotañeite. Cristona naimɨe jitaiñena jira, Cristo fiodaillana jai jitaiñede. Cristona jeare jai fɨnode. Cristo fɨnoca rafuena jamaide. Cristona naimɨe jitaiñenia, ¿nɨese naimɨe jillobite? Jillobiñeite. Ie jira abɨdo danomo omoɨ jaiñellena, abɨ rairuicana omoɨ jai.

Segunda Carta de San Pedro 2:6

Sodoma railla naɨraɨ, Gomorra railla naɨraɨ dɨga, Jusiñamuidɨ bootate. Naimɨena naimacɨ ɨɨnoñena jira, naimacɨna fuidode. Naiemona naimɨena ɨɨnoñedɨnodɨ fueua.

Carta de San Judas 1:7

Ero, bie rafuemona omoɨ fueua. Sodoma railla naɨraɨ mɨcorɨaɨ maraiñedɨcɨnona jaie eo fɨnouidɨmacɨ. Gomorra railla naɨraɨ mɨcorɨaɨ daje isoidɨmacɨ. Nainomo ianori ite naɨraɨaɨ daje isoidɨmacɨ. Naimacɨ aɨñede rɨñonɨaɨ dɨga itɨmacɨ. Naiñaiñuaɨ ɨniñede ɨiñɨaɨ dɨga itɨmacɨ. Coninɨna aɨfɨedotɨmacɨ. Iemona Jusiñamui naimacɨna jaie duere fɨnode. Nana naimacɨ illanona raise jaie jobaitate. Naimacɨmona omoɨ fueua. Jusiñamui nana jeacɨnona fɨnodɨnona duere fɨnoite.

Apocalipsis 11:13

Naie facaise aillue ñuisaño suide. Ie jira janore facai Jerusalén goide. Rɨaɨ uaimona ie décima facai goide. Naiemona siete mil comɨnɨ fiodaitɨmacɨ. Fiodaiñedɨno jacɨnaillamona: —Jusiñamuidɨ ua siño jito —lloitɨmacɨ.

Apocalipsis 11:9

Raɨafomo iaɨmaiaɨ joniana rairuitɨmacɨ. Darui amani abɨ atomonado ailluena comɨnɨ, naga naɨraɨaɨmona iaɨmaiaɨna jɨbuisaɨbitɨmacɨ.

Apocalipsis 14:8

Jɨaɨe jaɨenicɨ billanona llote: —Babilonia railla naɨraɨ illano eo aillue; iadedɨ ja iñeite. Nainomo itɨno ja fuitɨmacɨ. Jeacɨnona nainomo itɨno eo fɨnua jira, jɨaɨe naɨraɨaɨna jeacɨnona jɨaɨ eo fɨnotatɨmacɨ. Babiloniamo jaie itɨno isoi, Jusiñamuimona duere sefuitɨmacɨ.

Apocalipsis 16:19

Iemona nanoca naɨraɨ illano daje amani facaina goide. Nana jɨaɨe illanuaɨ jɨaɨ goidɨmacɨ. Jusiñamuidɨ Babilonia railla naɨraɨna raise uiñuamona, nana ie rɨicaillafuemona iena eo duere fɨnode.

Apocalipsis 17:1

Naie facaise naie siete copas dɨga ite jaɨenisaɨmona cue dɨne damɨe billanona cuemo llote: —Cue dɨga bi. Eo maraiñede rɨño duere sefuillana omo acataitɨcue. Monaillai emodomo naiñaiño jai raɨde isoide. Naiñaiñodɨ nanoca naɨraɨ illano mamecɨdo ite. Nana illaɨcomɨnɨ naie naɨraɨ anamo itɨmacɨ.

Apocalipsis 17:18

Bie rɨñodɨ nanoca naɨraɨ illano mamecɨdo ite. Naie naɨraɨ anamo nana enɨruemo ite illaɨcomɨnɨ iitɨmacɨ —llote.

Apocalipsis 17:5

Jusiñamui naiñaiño fɨnoca rafuena uiñotaiacana jira, naiñaiño uiecomo mamecɨ jai cuetataga: “Nanoca Babilonia raillañaiñodɨcue. Cuemona eo jearede rafue comuicana jaicabide. Cue muidona comɨnɨ jearede rafuena fɨnocabide”.

Apocalipsis 18:10

Duere sefuillena naimacɨ jacɨruilla jira, aremona lloitɨmacɨ: —Ero, Babilonia eo aillue naɨraɨ illano; iadedɨ duere fɨnuamona ua raɨre fuite —lloitɨmacɨ.

Apocalipsis 18:18

aaremona uillɨena cɨuamona, naie naɨraɨ bouana fɨdɨano, lloitɨmacɨ: —Naie naɨraɨ nana jɨaɨ naɨraɨaɨ baɨfemo navui faɨte. Jɨaɨe naɨraɨ ie isoi ebinide.

Apocalipsis 18:2

Ado llote: —Iena Jusiñamui duere fɨnuamona, Babilonia naɨraɨ illano jai nana goide. Comɨnɨ nainomo jai iñedɨmacɨ. Nainomo Taɨfe jaɨenisaɨ birui itɨmacɨ. Jananɨaɨ nainomo birui itɨmacɨ.

Apocalipsis 18:21

Naie facaise jɨaɨe jaɨenicɨmo siño uai illanona, eo aillue nofɨcɨ llɨnuanona, monaillaimo iena faɨte. Llote: —Bie nofɨcɨ dane caɨ cɨoiñena isoi, Babilonia railla naɨraɨ dane iñeite. Jusiñamui iena eo rɨire fuidoite.

Apocalipsis 18:24

Naie naɨraɨ ailluena Jusiñamuina ɨɨnotɨnona meinetɨmacɨ. Ailluena Jusiñamui facaina lloraɨnɨna meinetɨmacɨ; iadedɨ naimacɨna Jusiñamui duere fɨnua jira, ua eo mare —llote.