Apocalipsis 10:1 - Huitoto Murui

¹ Ie facaise Jusiñamui illanomona enɨruemo jɨaɨe jaɨenicɨ billana cɨodɨcue. Naimɨemo Jusiñamui uai eo ite. Uillɨe motomo naimɨe ite. Naimɨe ɨfogɨ afemo ameo ite. Naimɨe uieco jitoma isoi quenirede. Naimɨe ɨdaɨ eo boode amena isoi eruaɨde.

Apocalipsis 10:1 Iomraidhean Croise

San Mateo 17:2

Nainomo rilla mei, naimacɨ uicomo naimɨe abɨ meidocaide. Jitoma isoi naimɨe uieco bairecaide. Naimɨe ɨniroi naie dacaiño eo userecaide.

San Lucas 21:27

Naie facaise uillɨe motodo cue billena nana comɨnɨ cɨoitɨmacɨ. Ebire biitɨcue. Naimacɨna cue sedallena, illaɨmana biitɨcue.

Hechos de los Apóstoles 26:13

Ore illaɨma, jitoma naidai ia, monamona quetiñotena cɨodɨcue. Naidɨ jitoma baɨfemo quetiñote. Cue abɨna quetiñote. Cue dɨga itɨno abɨna jɨaɨ quetiñote.

Apocalipsis 1:7

Ero, enɨruemo uillɨe motodo Jesucristo biite. Naimɨe bia, nana comɨnɨ naimɨena cɨoitɨmacɨ. Naimɨena jaie meinete naɨraɨdɨ naimɨena cɨoitɨmacɨ. Duere sefuillana jacɨnaillamona nana comɨnɨ eecuitɨmacɨ. Iese jaca suite.

Apocalipsis 18:1

Ie facaise monamona jɨaɨe jaɨenicɨ ana billana cɨodɨcue. Naimɨe uai siño. Naimɨe uai siñona jira, enɨruena llɨgaiñote.

Apocalipsis 18:21

Naie facaise jɨaɨe jaɨenicɨmo siño uai illanona, eo aillue nofɨcɨ llɨnuanona, monaillaimo iena faɨte. Llote: —Bie nofɨcɨ dane caɨ cɨoiñena isoi, Babilonia railla naɨraɨ dane iñeite. Jusiñamui iena eo rɨire fuidoite.

Apocalipsis 20:1

Naie facaise monamona jaɨenicɨ billana cɨodɨcue. Enɨruemo eo ana ite ifo llave naimɨemo ite. Aillue lloeo ie onollɨmo ite.

Apocalipsis 4:3

Naimɨe eo quenirede. Eo raifide ebirede nofɨcɨna eruaɨde. Jaspe railla nofɨcɨna eruaɨde. Jaspe enefebecodo cɨode. Cornalina railla nofɨcɨna eruaɨde. Cornalina jiaɨrede. Naie illano ecɨmo ameona cɨodɨcue. Ameo mocorena jira, esmeralde railla nofɨcɨna eruaɨde.

Apocalipsis 5:2

Jusiñamui ie nanoca jaɨenicɨ ado lluana cacadɨcue. Naimɨe jɨcanote: —¿Bumo ite uaidɨ nitaca rabe econollena, naie rabena facallena?

Apocalipsis 8:13

Iemei jaɨenicɨ ado cuirioillana cacadɨcue. Monamo feianona llote: —Enɨruemo itɨno ua eo duere ja sefuitɨmacɨ. Daje amani jaɨenicɨ imacɨ trompetana nia fiñede. Iena naimacɨ fia, comɨnɨ eo duere sefuitɨmacɨ.