Apocalipsis 1:18 - Huitoto Murui

¹⁸ Jaie fiodaitɨcue; iadedɨ naiemona jaie jillodɨcue. Jaca iitɨcue. Dane fiodaiñeitɨcue. Cue uai siñona jira, comɨnɨ fiodaillɨruina llotɨcue. Cuena ɨɨnoñedɨno fiodailla mei, naimacɨ joreñuaɨ illɨnona jɨaɨ llotɨcue.

Apocalipsis 1:18 Iomraidhean Croise

San Mateo 11:23

Omoɨmona damɨerie Capernaum railla illanomona bitomoɨ. Birui abɨna ɨedoiacadomoɨ; iadedɨ jɨaɨruido sunaitomoɨ. Omoɨ dɨne navui cue siño fɨnoca rafuena Sodoma railla naɨraɨmo jaie fɨnodɨcuena, naie naɨraɨdɨ birui niadedɨ nia ite. Omoɨ comecɨaɨ iuai omoɨ meidoñenia, monamo cue Moo dɨga jaca iñeitomoɨ; iadedɨ naimɨe omoɨna duere fɨnollemona sunaitomoɨ.

San Mateo 16:19

Ailluena comɨnɨmo Jusiñamui ie comɨnɨna jailla rafuena nano lloraɨmana jaitɨo. O lluacɨnodo jaitɨno cue comɨnɨna jaitɨmacɨ. O lluacɨnodo jaiñeitɨno cue comɨnɨna jaiñeitɨmacɨ

San Lucas 24:5

Iaɨmaiaɨna jacɨnaillamona, ɨfogɨ ana jɨtadacaidɨmacɨ. Naie iaɨmaiaɨ dɨnena jɨcanote: —¿Bue ñellena fiodaitɨmɨe illanomo cajedɨmɨena jenodomoɨ?

San Juan 11:25

Jesús uai ote: —Fiodaillamona comɨnɨ abɨaɨna Jilloitaraɨmadɨcue. Jusiñamui dɨga jaca illena, comɨnɨna itataraɨmadɨcue. Bu cuena ɨɨnuanona, fiodaiadedɨ, iemona ɨco jilloite.

San Juan 14:19

Nano nɨgarui illanona, cuena ɨɨnoñedɨno cuena nia cɨoitɨmacɨ. Ie mei cuena cɨoiñeitɨmacɨ; iadedɨ fiodaillamona cue jillua mei, cuena nia cɨoitomoɨ. Cue jaca illa jira, jɨaɨ jaca iitomoɨ.

Carta a los Romanos 6:9

Fiodaillamona Cristo jillua jira, naimɨedɨ dane fiodaiñeite. Naimɨe fiodaitemo, caɨ jeacɨno facaina naimɨedɨ jai fiodaite. Jai dane fiodaiñeite.

Segunda Carta a los Corintios 13:4

Jamai bue isoidɨmɨe isoi cruzmo naimɨe fiodaite; ia fiodaillamona Jusiñamui uaido jillode. Cristomo cue duillamona, jamai bue isoidɨmɨena itɨcue; ia Jusiñamui uai cuemo illamona, omoɨmo ite rafuena raise fɨnoitɨcue.

Carta a los Gálatas 2:20

Naimɨe dɨbeimo jai itɨcue. Cristo cuemo ite. Cristo cuena namatade. Jusiñamui Jitona cue ɨɨnocana jai jaidɨcue. Cuena isiruillamona, naimɨe jitaillamona, cueri fiodaite.

Carta a los Colosenses 3:3

Bene ite maraiñede rafue anamo jai iñedomoɨ; iadedɨ Jusiñamui ecɨmo naimɨe jai illa jira, Cristomo omoɨ duilla jira, naimɨe fɨnoacaga rafuena omoɨ fɨnollena, omoɨna naimɨe canoite.

Carta a los Hebreos 1:3

Ie Jito uaido nana naie rana fɨnocana uite. Naimɨe muidona Jusiñamui marena ebirenana uiñotɨcaɨ. Jusiñamui marena naimɨe illa isoi, naimɨemona Jusiñamuina uiñotɨcaɨ. Enɨruemo billanona, caɨ comecɨmo ite jeacɨno facaina naimɨe fiodaite. Monamo abɨdo jaillanona, illaɨmana naimɨe illamona, Jusiñamui abɨmo naimɨe jaide. Naimɨeri Jusiñamui iobillamona, Jusiñamui abɨmo naimɨe jaide. Illaɨmana naimɨe dane illa jira, Jusiñamui abɨmo naimɨe jaide.

Carta a los Hebreos 12:2

Jesús fɨnoca rafuemo caɨ comecɨaɨna caɨ facallɨ. Caɨ jeacɨno facaina naimɨe fiodailla jira, caɨ comecɨaɨna naimɨe ocuiñotajanona, Jesúna ɨɨnotɨcaɨ. Cruzmo maraiñedɨmɨe isoi fiodaite. Fiodaillamona jilluana naimɨe uiñuamona, naimɨe fiodaite. Ie Moo ecɨmo dane illena naimɨe uiñuamona, iocɨre fiodaite. Illaɨmana naimɨe illamona, ie Moo ecɨmo birui ite. Jesúmo caɨ comecɨaɨna facajamona, caɨmare mai caɨ jaillɨ.

Carta a los Hebreos 7:16

Moisés mɨcorɨ lloga rafue isoi, Cristodɨ ñaɨraɨmana jaiñede; iadedɨ Jusiñamui uaido ñaɨraɨmana naimɨe jaide.

Carta a los Hebreos 7:25

Naimɨe jaca illa jira, comɨnɨ facaina Jusiñamui dɨga jaca ñaɨcabite. Ie jira Cristodɨ nana Jusiñamui dɨbeimo iacadɨnona, naimacɨ jeacɨnomona, ua jaca jillotarede.

Apocalipsis 10:6

Jusiñamuimo llote: —Jaca itɨo. Monana nainomo ite ra dɨga fɨnodɨo. Enɨruena nainomo ite ra dɨga jɨaɨ fɨnodɨo. Monaillai nainomo ite ra dɨga jɨaɨ fɨnodɨo. Cue baɨfemo o faɨa jira, uanaicɨnona cue lluana uiñotɨo. O lloga uaina jaca suite.

Apocalipsis 15:7

Naie cuatro cajedɨnomona damɨe naga jaɨenicɨmo oromona fɨnoca copana fecade. Copamo Jusiñamui enɨruemo itɨnona eo duere fɨnollɨcɨno ite isoide. Jusiñamui jaca illa jira, ie lloga uai suicana jaite.

Apocalipsis 2:8

Cristo cuemo llote: —Esmirnamo ite creyentiaɨmo llollena, nainomo ite llofueraɨmamo cue lluana cueno: “Jaie jaca itɨcue. Enɨruemo jaie cue ia, fiodaitɨcue; iadedɨ naiemona jai jillodɨcue. Jaca iitɨcue.

Apocalipsis 20:13

Monaillaimo ite corobaitɨno abɨaɨ, joreñuaɨ dɨga, jilloitɨmacɨ. Raɨgano abɨaɨ joreñuaɨ dɨga jilloitɨmacɨ. Naimacɨ fɨnoca rafue dɨese Jusiñamui naimacɨmo duere fɨnollena lloite.

Apocalipsis 20:14

Naimacɨ abɨaɨ naimacɨ joreñuaɨ dɨga iraimo dotaite. Jaca faɨfitɨmacɨ. Naiemona jaca jilloñeitɨmacɨ. Jusiñamuimona eneno jaca itɨmacɨ.

Apocalipsis 3:7

Cristo cuemo llote: —Filadelfiamo ite creyentiaɨma llollena, nainomo ite llofueraɨmamo cue lluana cueno: “Mareuidɨmɨedɨcue. Uanaicɨnona jaca llotɨcue. David mɨcorɨ jitona cue illamona, illaɨmana cue illa jira, siño uai cuemo ite. Ie muidona cue jitailla dɨese comɨnɨna feiñotɨcue. Jusiñamui illanomo naimacɨ illena, naimacɨna feiñotɨcue. Cue jitailla dɨese comɨnɨna feiñoñedɨcue.

Apocalipsis 4:9

Naimacɨ iese llua jira, Jusiñamuina iobitadɨmacɨ. Naimɨemo iobillacɨnona naimacɨ iese fecaia,

Apocalipsis 5:14

Naie cuatro cajedɨno raitɨmacɨ: —Ie isoi jɨaɨ lloiacadɨcaɨ. Ie facaise naie Llauda isoidɨmɨena sedallena, naie veinticuatro einamacɨ ana bɨtadatɨmacɨ.

Apocalipsis 6:8

Naimɨe llua mei, llɨaɨ usereoide caballona cɨodɨcue. Ie emodo itɨmɨe mamecɨdɨ Fiodaitadɨmɨe. Jusiñamui uai naimɨemo illa jira, naimɨe jailla mei, ailluena fiodaitɨno itɨmacɨ. Jobairillemona, aime guillemona, duicomona, rɨirede ocainaɨaɨmona fiodaitɨmacɨ. Atuedo meinetasɨñeite; iadedɨ eo ailluena meinetasɨite. Rɨaɨ uaimona ie cuarta facaina comɨnɨ fiodaitɨmacɨ.

Apocalipsis 9:1

Jɨaɨe jaɨenicɨ ie trompeta fite. Filla jira, naie facaise monamona enɨruemo damɨe ucudu mamecɨdo jai uaillana cɨodɨcue. Naimɨemo Jusiñamui daje llavena fecade. Enɨrue eo ana ite ifo nase ie. Nainomo Taɨfe comɨnɨ, Janaba comɨnɨ dɨga itɨmacɨ.