Segunda Carta a los Tesalonicenses 1:7 - Huitoto Murui

⁷ Caɨ Nama Jesús abɨdo bia, duere sefuillamona jilloitɨcaɨ. Monamona ie siño jaɨenisaɨ dɨga biite. Irai boua isoi ana biitɨmacɨ.

Segunda Carta a los Tesalonicenses 1:7 Iomraidhean Croise

San Mateo 16:27

Cue jaɨenisaɨ dɨga cue Moo dɨnena monamona ɨco biitɨcue. Cue Moo uai cuemo illanona, ebirena biitɨcue. Nagamɨe imacɨ fɨnoca rafue dɨese cue ɨba ollena biitɨcue. Cue comɨnɨñedɨnona duere fɨnoitɨcue.

San Mateo 16:28

Uanaicɨnona omoɨmo lloitɨcue. Omoɨmona dajerie nia fiodaiñeitomoɨmo, illaɨmana cue bairellena cɨoitomoɨ.

San Mateo 25:31

Jesús llote: —Omoɨna nia llofueitɨcue. Abɨdo cue bia, nana cue jaɨenisaɨ dɨga biitɨcue. Illaɨmana ɨco cue bia, illaɨma illa ifomo iitɨcue. Eo siño uaido biitɨcue.

San Mateo 25:41

’Iemei cue jarɨfebeimo itɨnomo lloitɨcue: “Cuemona oni mai jai. Cue comɨnɨñedomoɨ. Jai faɨfidomoɨ. Duere omoɨ sefuillena, iraimo mai jai. Naie irai jaca duiñede. Jusiñamuidɨ naiena Taɨfe iena jai fɨnode. Jusiñamuidɨ Taɨfe comɨnɨ iena jɨaɨ jai fɨnode.

San Mateo 26:64

Jesús dɨnena uai ote: —Jɨɨ, naimɨedɨcue. Iena raise llotɨo. Monamona jaie cue billamona, ɨimana jaidɨcue:; iadedɨ ɨco jɨaɨruido illaɨmana cue illena, Jusiñamui ecɨmo cue raɨllana omoɨ naɨraɨ cɨoitɨmacɨ. Mona uillɨe motodo cue abɨdo billena jɨaɨ cɨoitɨmacɨ.

San Marcos 14:62

Jesús uai ote: —Jɨɨ, naimɨedɨcue. Monamona jaie cue billamona, ɨimana jaidɨcue; ia ɨco jɨaɨruido illaɨmana cue illena, Jusiñamui ecɨmo cue raɨllena, omoɨ naɨraɨ cɨoitɨmacɨ. Mona uillɨemo cue abɨdo billena jɨaɨ cɨoitɨmacɨ.

San Marcos 8:38

Birui ite comɨnɨ Jusiñamuina jitaiñedɨmacɨ. Naimɨena jai faɨnonocaidɨmacɨ. Jeacɨnona fɨnocana jaidɨmacɨ. Cuena bu meiruia, cue rafuena bu meiruia, dane cue bia, naimɨena meiruitɨcue. Cuena meiruillamona: “Cristomo duidɨcue” bu lloiacaiñenia, ɨco cue bia: “Naimɨedɨ cue comɨnɨ” lloñeitɨcue. Jusiñamui jaɨenisaɨ dɨga, cue Moo dɨnena, monamona ɨco biitɨcue. Cue Moo uai cuemo illanona, ebire biitɨcue.

San Lucas 16:25

Abraham joreñodɨ uai ote: “Moo, o illa dɨnori naga ra omo ite. Marena itɨo; iadedɨ Lázaro duere sefuide. Birui naimɨe marena ite; iadedɨ o duere sefuidɨo.

San Lucas 17:30

Ie isoide. Abɨdo cue billɨruimo comɨnɨ iitɨmacɨ. Cue bia, ebena biitɨcue.

San Juan 1:3

Naga ite rana fɨnode. Naimɨe fɨnoñega ra jaca iñede. Naga ite rana comuitaga. Naimɨe comuitañega ra jaca iñede.

San Juan 1:51

Jusiñamuimona billanona, ɨimana jaidɨcue. Uanaicɨno omo llotɨcue. Mona ecorillana o cɨoia, Jusiñamui jaɨenisaɨ cue dɨne billena cɨoitɨo. Cuemona abɨdo jaillena jɨaɨ cɨoitɨo.

Hechos de los Apóstoles 1:11

Raitɨiaɨmaiaɨ: —Galileo imacɨ, ¿bue ñellena monamo eruaɨdomoɨ? Omoɨ motomona Jesús monamo jaillana jai cɨodomoɨ. Naimɨe jai jailla isoi, dane abɨdo ɨco biite —raitɨiaɨmaiaɨ.

Hechos de los Apóstoles 3:19

Omoɨ comecɨaɨ iuaillaɨ meido. Jusiñamui dɨbeimo omoɨ comecɨaɨna meido. Iemei Jusiñamui omoɨ jeacɨnona dotaite. Iena jaca feitaite.

Carta a los Romanos 8:17

Naimɨe uruiaɨdɨcaɨna jira, ie uruiaɨmo fecaacalle ra caɨmo jai duide, Cristomo jai duilla isoi. Naimɨe dɨbeimo caɨ illanona, Cristo isoi caɨ duere sefuilla jira, naimɨe isoi ie Moo illanomo ɨco iitɨcaɨ.

Primera Carta a los Corintios 3:13

Jusiñamuidɨ nagamɨe ie llofuiacɨnona ɨco lloite. Jesucristo abɨdo bia, Jusiñamui nɨe isoidɨcɨnodo naga naimɨe facaina maɨjɨdɨno lluana lloite. Naimacɨ llogacɨnona eo facacɨite.

Segunda Carta a los Corintios 4:17

Birui duere sefuidɨcue; ia iemo cue comecɨna eo facañedɨcue. Cristo rafue muidona birui duere cue sefuia, Jusiñamui illanomo ɨco cue ia, nainomo ebire marena iitɨcue. Iemo cue comecɨna eo facadɨcue.

Carta a los Efesios 1:2

Caɨ Moo Jusiñamui, caɨ Nama Jesucristo dɨga, omoɨna duenaicabillana uiñocana mai omoɨ jai. Iaɨmaiaɨ omoɨ comecɨaɨna uri itatajacabillana uiñocana mai omoɨ jai.

Carta a los Colosenses 1:16

Cristo uaido Jusiñamui nana rana fɨnode. Monamo ite rana fɨnode. Enɨruemo ite rana fɨnode. Caɨ cɨua rana fɨnode. Caɨ cɨoiñena rana fɨnode. Comɨnɨna fɨnode. Ie jaɨenisaɨna fɨnode. Janabana fɨnode. Dofɨna fɨnode. Taɨfena fɨnode. Cristo uaido nana rana fɨnode. Cristona iobitallena, nana rana fɨnode.

Primera Carta a los Tesalonicenses 3:13

Omoɨ comecɨaɨ ocuiñollena, omoɨ comecɨaɨ Jusiñamui jitailla isoi, marena illena jɨɨdɨcaɨ. Nana ie comɨnɨ dɨga caɨ Nama Jesús abɨdo bia, Jusiñamui dɨne omoɨ ia, omoɨ comecɨaɨ marena illena jitaidɨcaɨ. Iese omoɨ facaina jɨɨcabidɨcaɨ.

Segunda Carta a Timoteo 2:12

Naimɨe muidona caɨ duere sefuia, naimɨe dɨga iitɨcaɨ, ie comɨnɨna naimɨe sedalle facaiseconi. Naimɨena caɨ janoia, naimɨe caɨna jɨaɨ janoite.

Carta a Tito 2:13

Jɨaɨ caɨmo llote: “Jesucristo abɨdo billemo caɨmare ocuiri. Naimɨedɨ ebire biite. Ie uai siño. Naimɨedɨ caɨ Jusiñamui. Jɨaɨ caɨ Jilloitaraɨma”.

Carta a los Hebreos 10:27

iadedɨ Jusiñamuidɨ naimɨena duere fɨnoite. Eo jacɨrede rafue anamo iite. Iraimo Jusiñamui nana naimɨe dɨbeimo iñedɨnona duere fɨnoite.

Carta a los Hebreos 12:29

Naimɨena ɨɨnoñedɨnona Jusiñamui eo duere fɨnolle jira, naimɨena jacɨruillanona naimɨena caɨ ɨɨnua.

Carta a los Hebreos 4:1

Jusiñamui dɨbeimo raise caɨ illamona, Jusiñamui caɨ comecɨaɨ birui uri illana jitaide. Naimɨe lloga uai nia saiñede. Caɨmona damɨerie iese iñellesa, caɨ jaiagaɨ isoi caɨ iñellena, abɨna rairuicana mai caɨ jailla.

Carta a los Hebreos 4:11

Caɨ jaiagaɨ ɨɨnoñedɨmacɨ. Caɨ faɨfiñellena, naimacɨ isoi caɨ jaiñena; iadedɨ Jusiñamui uaina ɨɨnocana mai caɨ jaillɨ. Jusiñamuina caɨ ɨɨnuamona, naimɨedɨ caɨ comecɨaɨ uri itatate.

Carta a los Hebreos 9:28

Dacaiño Cristo jai fiodaillana uiñotɨcaɨ. Comɨnɨ jeacɨno facaina dacaiño jai fiodaite. Naimɨe dane bia, fiodaillena biñeite; iadedɨ dane bia, naimɨedɨ ie billemo iocɨre ocuiritɨnona monamo Jusiñamui illanomo uite.

Primera Carta de San Pedro 3:22

Naimɨe jillua mei, monamo abɨdo jai jaide. Jusiñamui ecɨmo naimɨe illamona, Jusiñamui uai naimɨemo ite. Nana Jusiñamui jaɨenisaɨ naimɨe anamo jai itɨmacɨ. Taɨfena Jesucristo anafefilla jira, Jesucristo anamo naimɨe ite; ia naimɨena nia janafefitañede.

Segunda Carta de San Pedro 3:7

Jusiñamui mona, enɨrue dɨga, ɨco fuidollena jai llote. Mona, enɨrue dɨga, bootaite. Ie jitaillɨrui Jusiñamui naimɨena ɨɨnoñedɨnona iese duere fɨnoite. Ie uai jai llote; ia nia suiñede.

Carta de San Judas 1:7

Ero, bie rafuemona omoɨ fueua. Sodoma railla naɨraɨ mɨcorɨaɨ maraiñedɨcɨnona jaie eo fɨnouidɨmacɨ. Gomorra railla naɨraɨ mɨcorɨaɨ daje isoidɨmacɨ. Nainomo ianori ite naɨraɨaɨ daje isoidɨmacɨ. Naimacɨ aɨñede rɨñonɨaɨ dɨga itɨmacɨ. Naiñaiñuaɨ ɨniñede ɨiñɨaɨ dɨga itɨmacɨ. Coninɨna aɨfɨedotɨmacɨ. Iemona Jusiñamui naimacɨna jaie duere fɨnode. Nana naimacɨ illanona raise jaie jobaitate. Naimacɨmona omoɨ fueua. Jusiñamui nana jeacɨnona fɨnodɨnona duere fɨnoite.

Apocalipsis 1:7

Ero, enɨruemo uillɨe motodo Jesucristo biite. Naimɨe bia, nana comɨnɨ naimɨena cɨoitɨmacɨ. Naimɨena jaie meinete naɨraɨdɨ naimɨena cɨoitɨmacɨ. Duere sefuillana jacɨnaillamona nana comɨnɨ eecuitɨmacɨ. Iese jaca suite.

Apocalipsis 14:10

Jusiñamui rɨicaillafuemona, naimacɨna duenaiñenamona, jaca eo duere sefuitɨmacɨ. Irai motomo jaca duere sefuitɨmacɨ. Azufre boa isoi irai boode. Jusiñamui jaɨenisaɨdɨ Llauda isoidɨmɨe dɨga, iena cɨoitɨmacɨ.

Apocalipsis 14:13

Iemei monamona Jusiñamui Joreño llote: —Biena cueno: “Biruimona Jesúna ɨɨnuamona, meineganodɨ caɨmare iitɨmacɨ. Jesús dɨbeimo naimacɨ illamona, navui duere sefuidɨmacɨ. Iemona uri iitɨmacɨ. Ieri Jusiñamuimona ɨbana feiñoitɨmacɨ”.

Apocalipsis 20:11

Naie facaise aillue userede raɨrabɨcɨna cɨodɨcue. Illaɨmana naimɨe illamona, nainomo Jusiñamuina jɨaɨ cɨodɨcue. Naimɨe siño illamona, mona enɨrue dɨga jai iñede.

Apocalipsis 21:4

Naimacɨ illanomo naimɨe iite. Naimacɨna naimɨe nabaillamona, naimɨe jitailla jira, naimacɨna caɨmadoite. Dane eeñeitɨmacɨ. Fiodaiñeitɨmacɨ. Sunaiñeitɨmacɨ. Duere sefuiñeitɨmacɨ. Birui ite rafuemo comecɨaɨna naimacɨ nainomo facañena jira, ie facaise sunaiñeitɨmacɨ —llote.

Apocalipsis 22:16

Creyentiaɨna bie rafuena uiñotallena, cue jaɨenicɨ o dɨne jai oretatɨcue. David mɨcorɨ ie jitodɨcue. Monairaɨcudu bairia isoi, Jusiñamui jitaillacɨnona cue fɨnollena, baireitɨcue —llote.

Apocalipsis 22:6

Jaɨenicɨ cuemo llote: —Bie lluacɨnodɨ uanaicɨno. Naimɨe facaina lloraɨnɨmo ie rafuena llollena, ie uaina itatate. Naimɨena ɨɨnotɨnona ɨco suille rafuena ja uiñotaiacade.

Apocalipsis 22:9

iadedɨ cuemo llote: —Dama ite. Cuena sedañeno. O dɨga, naimɨe facaina lloraɨnɨ isoi, bie rabenicomo ite llogacɨnona ɨɨnotɨno isoi, naimɨe dɨbeimo jɨaɨ maɨjɨdɨcue. Dama Jusiñamuina seda.

Apocalipsis 6:11

Jusiñamui comɨnɨna illamona, naimacɨmo Jusiñamuidɨ userede areroina jɨtallena fecade. Llote: —Janore jisa seda. Ɨbana nia oñeitɨcue. Cue dɨbeimo omo maɨjɨa isoi, cue comɨnɨna nia meineitɨmacɨ. Naimacɨna meinia mei, ɨbana oitɨcue.