SAN LUCAS 3:14 - New Testament in Huastec Aquiche

¹⁴ Konyat jeye kʼal cháb óx i soldadotsik enchéꞌ: ―Ani wawáꞌ, ¿jantʼéy yejat ki tʼajaꞌ? Tókʼoyattsik enchéꞌ kʼal na Juan: ―Yab ka kʼántsitsik xataꞌ ni jun xitaꞌ, nibal ka aniꞌ ólnaꞌ ni jun xitaꞌ xi yab in walám ani ki kulbétsik kʼal xowaꞌ a átál.

New Testament in Huastec San Luis Potosi

¹⁴ I soldadochic in conoyal a Juan jayetseq’ui: ―¿Ani huahua’ jant’o pel i uchbil c’al a Dios? A Juan in toc’tsiychic: ―Yab quit cue’enchic. Ni jita’ yab ca q’uet’ach othanchi an cau. Quit culbejits c’al an tumin ax a atal.

SAN LUCAS 3:14 Iomraidhean Croise

SAN MATEO 8:5

Tam ti na Jesús ochich ban bitsow xi Kapernaúm, utukná kʼal jun i okʼlek soldado romano ani pakabédhá.

SAN LUCAS 19:8

Kubey tám na Sakeo ani in utsaꞌ enchéꞌ an Ajátikláb: ―Ajátik, neꞌech ku pidhaꞌ an chʼojontáltsik junax chʼejel xowaꞌ u koꞌol ani max u kwéꞌyámal jun xitaꞌ, neꞌech ku witsbantsi chéꞌíl in yaníl xowaꞌ u kweꞌtsámal.

SAN LUCAS 3:10

Konyat tám enchéꞌ kʼal an atiklábtsik: ―¿Jantʼéy yejat ki tʼajaꞌ?

SAN LUCAS 3:13

Tókʼoyattsik enchéꞌ kʼal na Juan: ―Yab ka konoy watʼats an jalbixtaláb, tokotkʼi xowaꞌ in ulal an awiltalábtsik.

HECHOS 10:7

Tam ti kʼaléch an tʼokat abatwále xi kʼál ti tawná, na Kornelio in kaniy cháb nin tʼojnáliltsik ani in kaniy jeye jun i soldado, jechéꞌ jaꞌich jun i inik xin belál jeye tʼajat na Dios jelti na Kornelio ani alwaꞌ inik tʼajat.

FILIPENSES 2:15

abal ni jun xitaꞌ yab ti ki eltsi ta walab ani anchanꞌ, ka xalkʼan ke i chakámlábichtsik kʼal a Dios, maske i kʼwajattsik ban walablom atiklábtsik, yab neꞌech ki kʼwajay i chʼoꞌodhtsik. Tatáꞌtsik i kʼwajat kʼal jajáꞌtsik jelti a ót xin tajbayal an kʼayꞌlá,

FILIPENSES 4:11

Yab u ulal jechéꞌ abal u yéntsal tʼajat xataꞌ, pos u witʼámalich kin kʼwajay kʼal xowaꞌkʼi u koꞌol.

TITO 2:3

Aníl jeye, an áslábtsik ka kʼwajay xan ti yejat ka kʼwajay xin belálich na Dios, yab kin janwaltsik i káw, yab ka uchʼálmétsik. Yejat kin okʼtsixnaꞌtsik ka tʼajan xowaꞌ alwaꞌ,

APOKALIPSIS 12:10

U achʼaꞌ tám jun i káwintaláb kawidh túꞌ walkʼiꞌ, xu káw in ulal enchéꞌ: ―Xoꞌ in bajúch xowkʼi na Dios neꞌech kin xalkʼaꞌ ke Jajáꞌ nu loꞌox, Jajáꞌ nu takʼix ani in koꞌol in cháp abal kin tʼajaꞌ xowaꞌkich. In xalkʼámalich jeye ke na Kristo in koꞌol i awiltaláb. Pos petʼnadhich eléb an lej atʼax, xi kʼál tu walbindháb ni at kidhábtsik akal i kʼij tin tamét ni Diosil.