SAN JUAN 6:56 - New Testament in Huastec Aquiche

⁵⁶ Xitaꞌ ti kin kʼaptsi an tu tʼuꞌúl ani ti kin uxtsi an tu xichʼál, kʼwajatich kʼal Nanáꞌ ani Nanáꞌ kʼal jajáꞌ.

New Testament in Huastec San Luis Potosi

⁵⁶ Jitats tin c’apchal u anam t’u’ul ejtil i c’apnel ani tin uts’anchal u xits’al ejtil i uts’nel jats axi junini’ ts’ot’c’óx c’al nana’.

SAN JUAN 6:56 Iomraidhean Croise

SAN JUAN 14:20

Jachanꞌ i kʼij, neꞌech tám ka exbáchtsik ke Nanáꞌ in kʼwajat kʼal nu Tátaꞌ, tatáꞌtsik i kʼwajat kʼal Nanáꞌ ani Nanáꞌ kʼal tatáꞌtsik.

SAN JUAN 14:23

Tókʼoyat enchéꞌ kʼal na Jesús: ―Xitaꞌ tin kʼanidhál, in tʼajál xowaꞌ Nanáꞌ u ulal. Neꞌech ka kʼanidhá kʼal nu Tátaꞌ ani nu Tátaꞌ ani Nanáꞌ, neꞌech ku tsích abal ku kʼwajay kʼal jajáꞌ.

SAN JUAN 6:55

Pos nu tʼuꞌúl jaꞌich i lej kʼapnél ani nu xichʼál jaꞌich i lej uxnél.

2 Corintios 6:16

¿Awxeꞌ neꞌech kin ejto kin kóꞌoy i junaxtaláb an pulek atá xon tu kʼakʼnáb na Dios kʼal an chʼilabtsik? Pos tatáꞌtsik i kʼwajat jelti an pulek atá xon tu kʼakʼnáb na Dios xi ejat, jelt xan ti na Dios in ulu enchéꞌ: Neꞌech kin kʼwajay ani neꞌech kin xeꞌchin kʼal jajáꞌtsik; Nanáꞌ neꞌech tin Dios kʼal jajáꞌtsik ani Nanáꞌ neꞌech ku dhabalnaꞌtsik.

EFESIOS 3:17

ani ke na Kristo, ka kʼwajay ba na itsích kʼal tin kwentakʼi an belomtaláb xa koꞌoltsik. Anchanꞌ, tam i kʼwajattsik alwaꞌ ani i kʼanidhaxichtsik tʼajat,

1 JUAN 2:24

Jaxtám, yab ka jilaꞌtsik an tsubaxtaláb xa achʼámal tam ta tujutsik ta belom. Max yab ka jilaꞌtsik an tsubaxtaláb xa achʼámal tam ta tujutsik ta belom, neꞌech tám ki kʼwajaytsik teye echʼekʼi kʼal an Chakámláb ani kʼal an Tátaꞌláb.

1 JUAN 3:24

Xitaꞌ in tʼajál xan tin ulal nin takʼixtal, kʼwajat kʼal na Dios ani na Dios kʼwajat kʼal jajáꞌ. I choꞌób ke na Dios kʼwajat kʼal wawáꞌ abal nin Tʼokat Ejattal xi tu pidhámal, kʼwajat kʼal wawáꞌ.

1 JUAN 4:12

Na Dios yab jaykʼi chuꞌudh kʼal ni jun xitaꞌ; por max ku kʼánídháxin jún ani jún, na Dios kʼwajatich kʼal wawáꞌ ani Jajáꞌ, jaꞌich tu tolmiyal abal ku kʼánídháxin más.

APOKALIPSIS 3:20

Ka achʼaꞌ, Nanáꞌ in kʼwajat jelti jun xitaꞌ xi kʼwajat ti tawnax ban wiꞌleb, max jun xitaꞌ ti kin axtsi an tu káwintal ani tin walkaꞌ ki ochich bin itsích jelti tam jun xitaꞌ u japtsinal an ti wiꞌleb, neꞌech kin kʼwajay kʼal jajáꞌ ani jajáꞌ neꞌech ka kʼwajay kʼal Nanáꞌ.