SAN JUAN 21:6 - New Testament in Huastec Aquiche

⁶ Utsantsik tám enchéꞌ kʼal na Jesús: ―Ka petʼnaꞌtsik nin jixáb an toꞌol tin eját an tan ani neꞌech ka jixaꞌtsik an toꞌol. Anchanꞌ tin tʼajaꞌtsik ani junwékʼi nibalich in ejtowaltsik kin káldhaꞌ ban jaꞌ nin jixáb an toꞌol kʼal in álém, kom yán i toꞌol yákʼwnék.

New Testament in Huastec San Luis Potosi

⁶ Tam a Jesús tu ucha’chic: ―Ca pet’na’ an thachumtalab tin huinab an tan, ani tats ne’ets ca elcanchi. I pet’na’chic jant’ini’ tu uchan, ani taley talbel yab i ejtouchic qui caltha’ an thachumtalab c’al xi yantalam to’ol balnenec.

SAN JUAN 21:6 Iomraidhean Croise

SAN MATEO 7:27

Ulich an áb, waꞌun an ikʼ, owtsikmé an waljaꞌ ani bawtsin tin akan jachanꞌ an atá ani kom ba kidhib ti kubat, julpá an atá ani pakudh ejtal ti jilkʼon.

SAN JUAN 2:5

Por utsan enchéꞌ kʼal nin nánaꞌ na Jesús xi kʼwajattsik ti tʼojojól: ―Ka tʼajaꞌtsik ejtal xowaꞌ Jajáꞌ ti ki utsaꞌ.

HECHOS 2:41

Anchanꞌ pé, xin belaꞌtsik jechéꞌ xowaꞌ utsan, pujyattsik. Jachanꞌ a kʼítsá, belmách ox mil xónaꞌ i atiklábtsik más.

HECHOS 4:4

Por yán i atiklábtsik belmách xin achʼaꞌ xowaꞌ in ulu na Pedro. Nin yaníl an atiklábtsik xi belmách, tokot jákʼi ajidh an iniktsik, in bajaw xónaꞌ wéꞌich boꞌ mil.