SAN MATEO 13:57 - New Testament in Huastec San Luis Potosi

⁵⁷ Cum antsana’ u t’apchinal in tsalap nixe’ xi inicchic yab in exlanchi in lej ey a Jesús, tam a Jesús in ucha’chic: ―Axi caulome c’al a Dios u c’ac’nab abal ju’tamq’ui c’al patal an inicchic, expith yab u c’ac’nab c’al in at bichou ani c’al axi tin cuete’ q’uima’.

New Testament in Huastec Aquiche

⁵⁷ Jaxtám ti yab leꞌná ka tʼajan ti kʼij. Por utsantsik enchéꞌ kʼal na Jesús: ―Putálkʼi tu kʼakʼnáb jun i tʼiltsix, tokotkʼi bin chabálil ani kʼal xu kʼwajíltsik bin kʼimáꞌ ti yab u kʼakʼnáb.

SAN MATEO 13:57 Iomraidhean Croise

SAN MATEO 11:6

Lej culbelits jitats t’ayath belom c’al nana’ ani max yab u t’apchinal im belomtal.

SAN MATEO 13:58

Cum yab u belnal a Jesús tihua’ tim bichou, jaxtam yabats in t’ajal yan i labith t’ajbilab taja’.

MARKOS 6:1

Taley tixc’an a Jesús tin q’uima’ a Jairo, ta huichiy tim bichou junax c’al in exobalilchic.

MARKOS 6:14

Cum lej t’iloxnanchab in labith t’ajbilchic a Jesús c’al jat’hua’ tim patal an inicchic, olchinal jaye an ts’ale Herodes. In ulu jaja’ tamna’: ―Axe’ xi inic jats a Juan pujax axi tsemenecac ani xo’ ejthachits, ani jaxtam in cua’al in lej tsap quin t’aja’ i labith t’ajbilab.

MARKOS 6:3

I exlalq’ui ti thacum te’. Pel in tsacamil a Maria, ani pel in ebchal a Jacobo, ani a José, ani a Judas, ani a Simón. Ani u c’uajil jaye teje’ c’al huahua’ in uxum ebchalchic. Antsana’ u t’apchinal in tsalap nixe’ xi inicchic yab in tequeth exlanchi in lej ey a Jesús.

MARKOS 6:4

Jaxtam a Jesús in ucha’chic: ―U c’ac’nab axi caulome c’al a Dios abal ju’tamq’ui c’al tim patal an inicchic, expith yab u c’ac’nab c’al in at bichou, ani c’al in at ja’ubchic xits’al, ani c’al axi tin cuete’ q’uima’.

SAN LUCAS 4:24

A Jesús in uchayechic: ―Chubax nan tu uchalchic abal axi caulome c’al a Dios yab u c’ac’nab c’al in at bichou.

SAN LUCAS 7:23

Lej culbelits jitats t’ayath belom c’al nana’ ani max yab u t’apchinal im belomtal.

SAN JUAN 4:44

Cum lej chubax jant’ini’ in ulu jaja’ abal yab u c’ac’nab i caulome c’al a Dios tin lej cuete’ bichohuil.

SAN JUAN 6:42

In uluchic: ―Auxe’ max yab i ja’its a Jesús axi pel in tsacamil a José. I exlanchalits in tata ani in mim. ¿Jale’ in ulu abal tal ma ti eb?

SAN JUAN 6:61

Tam a Jesús in t’ajchichic ti cuenta abal in le’ ti toc’oc’ol c’al nixe’ xi cau tin cuenta an c’apnel. In conoychic: ―¿It t’apchinal a tsalap c’al axe’ xi cau?