SAN LUCAS 4:18 - New Testament in Huastec San Luis Potosi

¹⁸ An Espíritu Santo c’uajat c’al nana’. A Dios tim punumal cu exobchi an ts’ejhuantalchic an alhua’ cau. Jaja’ tin abamal abal cu lubachmethanchi in ichich jitats yajchiquith. Cu olchi jant’ini’ ta ca hualcanthanchat in ichich c’al an hualabtalab axi c’al tu huic’at co’oyab. Cu tsu’uxmetha’ an joc’tsichic. Cu jec’ontha’ an inicchic ax u othnab c’al in hualab.

New Testament in Huastec Aquiche

¹⁸ Nin Tʼokat Ejattal an Okʼóxláb kʼwajat kʼal Nanáꞌ, pos tin takwyámal abal ku óltsi an ti alwaꞌ tʼilab an chʼojontáltsik, tin abámal abal ku kʼijidhmédhaꞌ xu tʼeꞌpinaltsik, abal ku tʼiltsi xi kʼwajat ti wikʼnéltsik, ke walkanichtsik, abal ku chuꞌxindhaꞌ xu jokʼoltsik, abal ku loꞌo xu atʼax tʼajtsinaltsik

SAN LUCAS 4:18 Iomraidhean Croise

SAN MATEO 11:5

U tsu’uxmethal an joc’tsichic ani u jelthal an c’uets’e’chic abal ca alhua’ belats. U jelthal an inicchic ax in cua’al i t’it’ axi c’apux c’al in anam t’u’ul. U ots’oxmethal an tsinechic ani u ejthal an tsemelomchic. U olnanchal an alhua’ cau an ts’ejhuantalchic.

SAN MATEO 12:18

Nana’ in Dios ani axe’ pel u lej tacuth t’ojnalil. Jats u lej c’anithal ani c’al jaja’ in lej culbel. Ne’ets cu pitha’ an Espíritu Santo. Jaja’ ne’ets quin olchi am bichoulomchic abal nana’ tin Dios u ts’ejcal an inicchic c’al i lej bolithtalab.

SAN MATEO 12:20

Ne’ets quin tolmiy an inicchic axi yab in cua’al in tsap ejtil am pacáb axi hue’ pejcathits. Ne’ets quin c’aya’na’ an inicchic axi c’upupul in tsalap ejtil i tajablab axi hualim im binal tocat i pau’ c’upupul. Ne’ets quim baju an q’uij tam jaja’ quin talabetha’ patal jahua’ yab alhua’ ani jaja’ ca jilc’on ti lej pututh abatnom c’al patal.

SAN MATEO 4:16

Taja’ an inicchic axi xe’ets al an yic’uax ne’ets quin tsu’u i tajaxtalab lej tajajal. Axi jiq’uelchic c’al an tsemla ne’ets ca tajbanchat in ichich c’al nixe’ xi tajaxtalab, in ulu a Isaías.

SAN MATEO 5:3

―Ne’ets quit culbechic max a ats’al it ts’ejhuantal ta ichich tin tamet a Dios, cum tamits a Dios ne’ets quin t’aja’ ti Ts’ale ta ichich.

SAN LUCAS 4:17

Pithan an u thuchath c’al an caulome c’al a Dios Isaías, in japiy ani in ajiy jun tu olnab jaja’ al nixe’ xi Thuchlab antse’:

SAN LUCAS 6:20

Tam in met’al a Jesús in exobalilchic ani in ucha’chic: ―Ne’ets quit lej culbechic max a ats’al it ts’ejhuantal ta ichich tin tamet a Dios, cum tamits a Dios ne’ets quin t’aja’ ti Ts’ale ta ichich.

SAN LUCAS 7:22

Taley in toc’tsiy in abatnanelilchic a Juan: ―Quit c’alechic ca olchi a Juan jahua’ xohue’its a tsu’umal ani jahua’ a ats’amal u t’ajchal an inicchic. U tsu’uxmethal an joc’tsichic ani u jelthal an c’uets’e’chic abal ca alhua’ belats. U jelthal ax in cua’al i t’it’ axi c’apux c’al in anam t’u’ul. Jaye u ots’oxmethal an tsinechic ani u ejthal an tsemelomchic. Jaye u thajchixnanchal an ts’ejhuantalchic an alhua’ cau. Antsana’ ca olchi a Juan.

SAN JUAN 1:41

Taley a Andrés thubat c’ale quin aliy in ebchal Simón. In ela’ ani in ucha’: ―Xohue’ i ela’its an Mesías. Ja’its a Cristo axi bijithits ne’ets ca aban c’al a Dios ca chich.

SAN JUAN 12:46

In chich teje’ tsabal abal cu pitha’ an inicchic i tajaxtalab tin ichich. Jitats tiquim bela’ yabats ne’ets ca xe’tsin al an yic’uax.

SAN JUAN 3:34

Cum ja’its a Dios ax in aba’ a Cristo teje’ tsabal abal tucu olnanchi in cahuintal a Dios. Patal jahua’ in ulal jaja’ pel i chubaxtalab cum jum putat pithnenec an Espíritu Santo c’al a Dios, ani yab pithnenec t’ipothq’ui.

HECHOS 10:38

A tso’obitschic abal a Dios im pithanchi a Jesús Nazaretib in lej tsap an Espíritu Santo, c’al ti xe’ets abal ju’tamq’ui quin t’ajchi alhua’ an inicchic ani quin tala’ jeltha’ axi c’unat co’oyab c’al an teneclab. Antsana’ xe’tsin in t’ajal cum tolmimithits c’al a Dios.

HECHOS 26:18

Ne’ets ca japq’uinchichic in tsalap c’al in cahuintal a Dios abal quin co’onchi in tajax a Dios tin ichich ani iba an yic’uax. Ne’ets ca lejat abatnachic c’al a Dios ani yabats ne’ets ca abatna c’al a Satanás. Nana’ ne’ets tiquim bela’chic ani ne’ets ca paculanchat in hualab. Ne’ets ca pithanchic i c’alab ti eb axi a Dios im pithal jitats huejlanchithits in ejattal c’al jaja’.

HECHOS 4:26

Patal an ts’alechic ani an oc’lecchic teje’ tsabal in lubal quin tamcuth tomolna’ a Dios ani a Cristo axi aban c’al a Dios.

HECHOS 4:27

Ani lej chubax tamcunenecchic teje’ ti Jerusalén an ts’ale Herodes ani an ts’ale Poncio Pilato junax c’al i Israelchic ani c’al axi yab Israelchic, expith quin tamcuth tomolna’ a T’ocat Tsacamil Jesús. Ani ja’its a Jesús ax a punumalits ti lej Ts’ale c’al patal an inicchic.

KOLOSENSES 1:13

A Dios tu calthamalits ti al an yic’uax yabats cu abatna c’al an teneclab, ani xo’ tu huat’bamalits cu abatna c’al in c’an Tsacamil.

SANTIAGO 2:5

Ichich hual ebchalabchic, nan tu uchal abal hua’ats i ts’ejhuantal inicchic axi tacuthits c’al a Dios, ani a Dios in tsu’talchic lej rico cum im belamalits. Ne’ets ca otsits ca c’uajiy c’al a Dios ti eb jun tin t’ajal ti lej Ts’ale, cum antsana’ a Dios im bijchith ulumalits abal ne’ets ca otsits jitats u c’anithom c’al a Dios.

1 PEDRO 2:9

Tata’ ojni’ it tacuthitschic c’al a Dios ani pel it at ebchalablom c’al jaja’. It pale’chic ani a t’ajchal in t’ojlabil a Dios axi lej Ts’ale. Pel it c’alab c’al a Dios ani pel it t’ocat bichou c’al a Dios. Jaja’ ti lo’pa’its ti al an tajax jun ti patal alabel ani t’ocat. Yabats it xe’ets al an yic’uax jun ti quithab. Cum antsana’ a bajumalitschic c’al a Dios, jaxtam ca tejhua’methanchi c’al an inicchic jahua’ a Dios antsana’ ti jic’path t’ajchamal.