SAN LUCAS 21:15 - New Testament in Huastec San Luis Potosi

¹⁵ Cum tamna’its nan ne’ets tu pitha’chic i cau ani i tsalap, ani a tomolnaxilchic yab ne’ets quin ela’ jant’ini’ ti toc’tsiy.

New Testament in Huastec Aquiche

¹⁵ pos Nanáꞌ neꞌech tu pidhaꞌtsik ti tʼilab ani ti chalab xan ti ki tókʼon abal ni jun xitaꞌ xi ti atʼáltsik, yab kin ejto ti ki tomnaꞌtsik.

SAN LUCAS 21:15 Iomraidhean Croise

SAN LUCAS 12:12

Ma tameq’ui an Espíritu Santo ne’ets ti pitha’ an cau jant’o ca ulu.

SAN LUCAS 21:16

Ma a tata ani a mim ani a ebchal, ani a at xits’al, ani a ja’ub ne’ets ti bina’ tin c’ubac a tomolnaxil. Ma talchic tata’ ne’ets quit tsemtha.

SAN LUCAS 24:45

Tam a Jesús in lamc’anchichic in ichich abal quin tequeth ejtiy an T’ocat Thuchlab.

HECHOS 2:4

Ani ma tamna’its tim patal jaja’chic jum putat co’onchithits in ichich c’al an Espíritu Santo. Ani in ts’i’quiychic quin cauna’ i pil cahuintalab jahuats pithnenec c’al an Espíritu Santo quin cauna’. Yab ja in cuete’ cahuintal.

HECHOS 24:25

Ani talbel a Pablo in t’iloxnanchi jant’ini’ ta ca bolith c’uajiy c’al in ejattal ani jant’ini’ quin alhua’ beletna’ tim ba’ yab quin t’aja’ jahua’ yab alhua’. Jaye in t’iloxnanchi abal a Dios ne’ets quin t’ajchi an ts’ejcaxtalab an inicchic tam quim bajuhuits am bijith q’uicha. Tam lej jiq’uey a Félix, ani in ucha’ a Pablo: ―Xo’ quit c’alets. Taye tam quin jolc’an ne’ets tu abchi an cau quit chich junil.

HECHOS 26:28

Tam a Agripa in toc’tsiy a Pablo: ―A tsalpayal c’al tsab ox i cau ne’ets tiquin huenc’ou tim belom c’al a Cristo.

HECHOS 6:10

Ani yab in ejtouchic quin ata’ a Esteban, cum jaja’ pithnenec i tsalpathtalab ani i cau c’al an Espíritu Santo.

EFESIOS 6:19

Ani tata’chic tiquin conchinchi i cau c’al a Dios abal cu huat’banchi an inicchic. Tiquin conchinchi in lej tsap a Dios abal cu ejtou cu olna’ an alhua’ cau axi a Dios nana’ tin tso’oblinchamal. Pel i cau axi ti jayq’ui’ yab tso’oblinchame am biyalabchic.

SANTIAGO 1:5

Max a q’uibchalchic an tsalpathtalab ca conchi a Dios abal ti pitha’, cum pelits in ey lej pithoblix. Ne’ets ti pitha’ ani yab ne’ets ti c’uiya’.