SAN LUCAS 16:19 - New Testament in Huastec San Luis Potosi

¹⁹ Cahue a Jesús in ulu: C’uajatac jun i rico inic ax u toltomnal c’al i huinat alhua’ toltom ani lej ts’alat c’apul ti patal q’uicha.

New Testament in Huastec Aquiche

¹⁹ ʼTáꞌwiꞌik ti kʼwajat jun i tumínladh inik xu xeketlinal kʼal i kʼudhkʼum xi tʼunuyich tʼajat kʼal in chákníꞌ ani in tʼajál i pakdhaꞌ ajib tsudhey ka tsudhey.

SAN LUCAS 16:19 Iomraidhean Croise

MARKOS 15:17

Ani jaja’chic in tilibnath t’ajchal a Jesús ti ts’ale. In cay’chal i tsacni’ nacat coton ani im punchal tin oc’ jun i thipath q’uith corona.

MARKOS 15:20

Tam ti antsana’ in lej tilibna’its, tam in tixc’anchi nixe’ xi coton ani in cay’chi in cuete’ c’al. Ma tamna’its t’ajat in ne’tha’chic quin q’uet’ath tsemtha’ ti al an cruz.

SAN LUCAS 15:13

Tsab ox a q’uicha tam an talbel cuitol in tala’ tamcuy jahua’ in cua’al, ani ta c’ale al i pil bichou lej ou. Tats ti xe’tsitsil quithab pacucul c’al an tumin.

SAN LUCAS 16:1

A Jesús in uchaye in exobalilchic: ―C’uajatac jun i rico inic in cua’al jun i t’ojonthanchix tumin, ani olchinal abal jolat pacucunchab in tuminal.

SAN LUCAS 16:18

Jitats quin jilcacay in tomquil ani ca tomquin c’al q’ue’at i uxum, tamna’ pel i uxumbe. Ani jitats ca tomquin c’al i uxum axi jilcacath, tamna’ pel i uxumbe jaye.

SAN LUCAS 16:20

C’uajatac jaye jun i ts’ejhuantal inic im bij Lázaro, ani lej t’it’lith tim puhuel in inictal. Hualim quetel tin hui’lebil tin q’uima’ an rico quin aychi max ca pithan jant’oquitsq’ui.

APOKALIPSIS 17:4

Toltomith an uxum c’al i tsac toltom ani t’a’at tsacni’. Alabel c’uajbaxlith c’al i oro ani c’al i alabel t’ujubchic ax u eynal ti c’uajbaxtalab, ani c’al i oulab axi uxnal ti perla. Tin c’ubac in chi’thal ejtil i lac oro in cua’al jant’o tin al ax in le’ quin ulu i at’ax t’ajbilabchic jahua’ in t’ajamalits jaja’.

APOKALIPSIS 18:16

Ne’ets quin uluchic: ―Tata’ ojni’ pelac it pulic bichou ani xo itsots. Xo’ it huat’ath ts’ejhuantal. Pelac ejtil it uxum lej alhua’ ts’ejcath ejtil ti alhua’ ts’ejcath i uxum ts’ale c’al i alabel toltom, c’al i oro, c’al i anillochic, ani c’al i oulab.

APOKALIPSIS 18:7

Cum nix am bichou in c’athatnamal tim ba’ ani in lej q’uijithnamal i alq’uith alabeltalab jaxtam ca abchin c’al a Dios i c’ac’ath yajchictalab abal quin lej yajchicna’. Ca ats’a’ jant’o in ulal nix am bichou, abal lej alhua’ quetel ejtil i uxum ts’ale. Yab pel ejtil i tsemchith uxum ja, ani yabcua’ ne’ets quin yajchicna’.