SAN JUAN 9:5 - New Testament in Huastec San Luis Potosi

⁵ Biyat nan quin xe’tsin teje’ tsabal, u pithal an inicchic i tajaxtalab tin ichich.

New Testament in Huastec Aquiche

⁵ Lejat in kʼwajat techéꞌ ti kʼayꞌlá, Nanáꞌ nin kʼwajat jelti an tajaxtaláb abal an kʼayꞌlá.

SAN JUAN 9:5 Iomraidhean Croise

SAN MATEO 4:16

Taja’ an inicchic axi xe’ets al an yic’uax ne’ets quin tsu’u i tajaxtalab lej tajajal. Axi jiq’uelchic c’al an tsemla ne’ets ca tajbanchat in ichich c’al nixe’ xi tajaxtalab, in ulu a Isaías.

SAN MATEO 5:14

Tata’chic jaye pel ejtil tit tajaxtalab c’al an inicchic. Yab u ejtohuab ca tsinc’on am bichou axi c’uajat ba’ i oc’ bolchal.

SAN LUCAS 2:32

Jaja’ ja’its axi ne’ets quim pitha’ i tajaxtalab tin ichich axi yab Israel. Ne’ets quim pitha’ a bichohuil Israel i ts’alattalab tin ichich.

SAN JUAN 12:46

In chich teje’ tsabal abal cu pitha’ an inicchic i tajaxtalab tin ichich. Jitats tiquim bela’ yabats ne’ets ca xe’tsin al an yic’uax.

SAN JUAN 8:12

Taley in taunaye junil a Jesús an inicchic, in ucha’: ―Nana’its ax u pithal an inicchic i tajaxtalab tin ichich. Jitats ca ts’at’ey c’al nana’ ne’ets ca xe’tsin al an tajax ani iba al an yic’uax. Ne’ets ca xe’tsin it ejatlith al an tajax.

HECHOS 13:47

Ne’ets cu c’ale c’al jaja’chic, cum antsana’ a Dios tu punubchamal. Ma ti biyalits in ulumalits tin cahuintal antse’: Nan ne’ets tu eyentha’chic tit tajbanchix c’al u cahuintal c’al im belil an inicchic axi yab Israel. Ne’ets tu aba’chic tim puhuel an tsabal ca olchi an inicchic jant’ini’ ca jec’ontha c’al in hualab.

HECHOS 26:18

Ne’ets ca japq’uinchichic in tsalap c’al in cahuintal a Dios abal quin co’onchi in tajax a Dios tin ichich ani iba an yic’uax. Ne’ets ca lejat abatnachic c’al a Dios ani yabats ne’ets ca abatna c’al a Satanás. Nana’ ne’ets tiquim bela’chic ani ne’ets ca paculanchat in hualab. Ne’ets ca pithanchic i c’alab ti eb axi a Dios im pithal jitats huejlanchithits in ejattal c’al jaja’.

HECHOS 26:23

Q’uejab bijithits abal a Cristo ca tsemets ani talbel ca ejtha ti al an jolimtalab. Ani cum jaja’ pel axi oc’ox ejthanel, jaxtam tu olchal jant’ini’ tu cu xe’tsin al an tajax huahua’ tu Israel ani jaye axi yab Israelchic.

EFESIOS 5:14

Jaxtam hua’ats i cau ax tu uchalac a Dios antse’: Huayma’, quit ejtsin. Tsemelom, quit ts’aquiy. A Cristo ne’ets ti pitha’ in tajax ta ichich.

APOKALIPSIS 21:23

Ani am bichou yab in yejenchal ca tajbayat c’al a q’uicha ni c’al a its’, cum tajbayab c’al in tajax a Dios ani c’al in tajax an Cordero.