SAN JUAN 6:52 - New Testament in Huastec San Luis Potosi

⁵² Tam an Israelchic axi taja’ c’uajat in ts’i’quiy quin t’iloxnanchi jahua’ in ulu a Jesús antsana’ c’al in anam t’u’ul. In uluchic: ―¿Jant’ini’ tin ejtohual axe’ xi inic quim bina’ in anam t’u’ul ani qui c’apchi?

New Testament in Huastec Aquiche

⁵² Tujey tám ti káwlíx an judíotsik jajáꞌkʼitsik ani u útsáxtsik enchéꞌ: ―¿Janti neꞌech kin ejto jechéꞌ ti ku pidhaꞌ ki kʼaptsi tin tʼuꞌúl?

SAN JUAN 6:52 Iomraidhean Croise

SAN JUAN 1:19

An levitachic axi pel i beletnom c’al in tiyopanil an Israelchic ani i pale’chic jaye aban c’al i Israelchic axi ti Jerusalén abal ca c’ale quin tauna’ a Juan. Quin conoychic max jaja’ a Juan ja’its a Cristo axi bijithits ne’ets ca aban c’al a Dios ca chich.

SAN JUAN 10:19

Tam lehuáx talchic i Israelchic tin ebal c’al axe’ xi cau jahua’ in ulu a Jesús.

SAN JUAN 3:4

Tam conoyat a Jesús c’al a Nicodemo: ―¿Jant’ini’ in ejtohual ca it hua’tsin jun ani puliquits ti inic? Auxe’ max in ejtohual ca huichiy tin chucul in mim ani ca it hua’tsin junil ti t’ele’.

SAN JUAN 3:9

Tam conoyat a Jesús c’al a Nicodemo: ―¿Jant’ini’ tam u ejtohual cu bats’u i it ejattalab?

SAN JUAN 4:11

Uchan a Jesús: ―¿Tata’ ojni’ pay’lom, ju’ta ta cua’al an ja’ ax tin ucha’ ne’ets tiquim pitha’ tin cuenta u ejattal? Ma yab a cua’al jant’o ta ca caltha’ i ja’ al axe’ xi luputh mom.

SAN JUAN 6:41

Tam talchic axi taja’ an Israelchic in ts’i’quiy quin c’uiya’ a Jesús, cum in ulumalits abal jaja’ pel i c’apnel axi tal ma ti eb tin cuenta in ejattal an inicchic.

SAN JUAN 6:60

Tam tin ats’a’itschic antsana’ an cau in exobchi a Jesús tin cuenta an c’apnel, tamna’ yan axi ts’at’enec c’al a Jesús in ulu: ―Lej q’uibat qui belchi axe’ xi cau. ¿Jita’ hualam in ejtohual quin exbay?

SAN JUAN 9:16

Tam talchic nixe’ xi fariseochic in ulu: ―I tso’obits abal axe’ xi inic ax in tsu’uxmetha’ an joc’tsi yab c’al a Dios ti abnenec, cum yab in c’ac’nal an q’uicha sábado. Ani q’ue’atchic i fariseo al nixe’ xi cuenel in ulu: ―Auxe’ max i hualbith inic in ejtohualac quin t’aja’ i labith t’ajbilab ejtil in t’ajal axe’ xi inic ax in tsu’uxmetha’ an joc’tsi. Tam lehuáx an fariseochic, cum yab jununul in tsalpanchal in ey a Jesús.

HECHOS 17:32

Tam tin ats’a’itschic axi muthat taja’ abal ne’ets ca ejtha an tsemelomchic, tam talchic tocat u tilibnax. Ani talchic in ulu: ―Alhua’ qui ats’aye pil a q’uicha jahua’ xo’ i ats’amal.

1 KORINTIOS 2:14

An inic axi yab c’uajchith c’al an Espíritu Santo yab im bats’c’unchal an cau ax u olnab c’al an Espíritu Santo, cum tocat in tsalpanchal pel i tonto t’ilab. Yab in ejtohual quin ejtinchi, cum expith jitats ca tolmiyat c’al an Espíritu Santo jats ne’ets quin ejtinchi.