SAN JUAN 21:22 - New Testament in Huastec San Luis Potosi

²² Toc’tsin a Jesús: ―Yab a cuenta max nan cu le’na’ ca xe’tsin ejat jaja’ ma quin huichiy. Tata’ expith a cuenta tiquin ts’at’enchi.

New Testament in Huastec Aquiche

²² Tókʼoyat enchéꞌ kʼal na Jesús: ―Max u léꞌ ka kʼwajay ejat asta tam Nanáꞌ kin witsiy, ¿jantʼó neꞌech ka éynaꞌ? Tatáꞌ ti kin wéwnaꞌich tokot.

SAN JUAN 21:22 Iomraidhean Croise

SAN MATEO 16:24

Tam a Jesús tu ucha’ huahua’ tu exobalilchic: ―Quin t’ajat jilcachiquiy in cuete’ culbetal jitats in le’ ca ts’at’ey c’al nana’. Aba ani’ max yajchiquiyat c’al an inicchic ani ma ca le’na ca tsemtha, bel tiquin ts’at’enchi.

SAN MATEO 24:27

An ley tam u leyts’om u tsu’tab ma ti calel q’uicha ani ma ti otsel q’uicha, ani nana’ tin Juntal patal an inicchic ne’ets quin lej tsu’tat tam quin chich junil.

SAN MATEO 24:3

Tam u c’alechic huahua’ junax c’al a Jesús ti bolchal Olivos, ani taja’ u buxcan. Expith u c’uajat huahua’, ani i ucha’ a Jesús: ―I lej le’ abal tata’ tucu olchi jayq’ui’ ne’ets ca t’ajan jahua’ ti hui’i a ulumal. ¿Jant’o tam tsu’bixtalab qui aychi abal qui exla’ max thubat ne’ets ca taley an q’uij q’uicha?

SAN MATEO 24:44

Tata’chic quit junini’ c’uajiy t’ojojothits, cum nana’ tin Juntal patal an inicchic ne’ets quin chi’pin lej jun athic tam yab a t’ilt’om.

SAN MATEO 25:31

Nana’ tin Juntal patal an inicchic ne’ets quin chich junil junax c’al patal an ángelchic cu tejhua’metha’ u lej ts’alat. Ne’ets quim buxcan tu ts’alat lactemil cu t’aja’ tin lej Ts’ale teje’ tsabal.

SAN MATEO 8:22

A Jesús in toc’tsiy: ―Tiquin jun t’ajat ts’at’enchi ma xohue’its. Ca jila’ ca joliyat an tsemelomchic c’al axi yab ejat c’al nana’ u bij.

MARKOS 9:1

A Jesús in uchayechic antse’ in exobalilchic: ―Lej chubax nan tu uchalchic abal hua’ats axi tata’chic yab ne’ets quit thubat tsemets, biyat ma tiquin tsu’u in c’uajatits tin lej Ts’ale c’al u lej tsap.

SAN JUAN 21:19

C’al axe’ xi cau a Jesús in olna’ jant’ini’ ti ne’ets ca tsemets a Pedro. Antsana’ ne’ets ca puhuethanchat im bij a Dios. Taley a Jesús in ucha’ a Pedro: ―Xo’ tiquin ayna’.

SAN JUAN 21:21

Tam tin tsu’uhuits a Pedro ts’at’at antsana’ nixe’ xi exobal, tam in conoy a Pedro a Jesús: ―¿Ani Ajatic, axe’ xa exobalil jant’o ne’ets ca t’ajchin hualam?

1 KORINTIOS 11:26

Jay i calel tata’chic ca c’apu axe’ xi pan ani ca uts’a’ axe’ xi vino a tejhua’methanchal c’al a at inicchic abal tsemets an Ajatic ti calchix al an cruz. Antsana’ ca t’aja’chic ma ta ca chich junil an Ajatic.

1 KORINTIOS 4:5

Jaxtam tata’chic yab tiquin q’uejab tsalpanchi max in alhua’ t’ojnal c’al an Ajatic o iba. Ca aychiye ma ta ca chich an Ajatic jaja’ tucu olnanchi i t’ojlabil axi xo’ yab i tajax exlal max chubax alhua’ o yab lej chubax alhua’. An Ajatic ne’ets tucu tejhua’methanchi i tsalap ma tin luputh i ichich axi xo’ yab u tajax exlanchab c’al an inicchic, ani tamna’its huahua’ ti junchic ne’ets cu olna tu alhua’ t’ojnal c’al a Dios ma ju’tamits huichat alhua’ i t’ajamal.

1 TESALONISENSES 2:19

Qui junax aychi ca chich junil i Ajatic Jesucristo ani cu junax culbe tin tamet jaja’. Cum huahua’ tu tolmiy tata’chic ca bela’ an Ajatic, jaxtam ne’ets jaja’ tucu pitha’ i atabilab talbel.

SANTIAGO 5:7

Ebchalabchic, quit xe’tsin c’al i c’aya’talab biyat ca aychi an Ajatic ca chich junil. Ca t’aja’ ti cuenta abal ax in cua’al i t’ayablab in aychal c’al i c’aya’talab ca ulits an ab ani talbel quim bajuhuits in q’uijil an c’ojlats, tamna’ tiq’uele ti c’ojol c’al an alelab.

SANTIAGO 5:8

Antsana’ ca aychi c’al i lej c’aya’talab ta ichich ca chich junil an Ajatic. Yab quit t’apchin a tsalap, cum hue’its lej chubax ne’ets ca chich.

APOKALIPSIS 1:7

Qui t’aja’ ti cuenta abal hue’its ne’ets ca chich a Cristo ti al i tocoulom. Ne’ets ca tsu’tat c’al patal an inicchic, ma c’al jaja’chic ax ti tsemthame ti al an cruz. Tim patal am bichouchic tsabal ne’ets ca uq’uin tam. Antsana’ ti lej chubax ne’ets ca chich a Cristo.

APOKALIPSIS 2:25

Expith ca lej alhua’ pena’ ta ichich an cau jahua’ nan tu uchamalits, ma tam nana’ quin chich junil c’al tata’chic.

APOKALIPSIS 22:20

In ulal an Ajatic: ―Lej chubax thubat ne’ets quin chich junil. Ani huahua’ ax i belal an Ajatic i ulal abal chubax ne’ets ca chich. I ulal Ajatic Jesús ca chich.

APOKALIPSIS 22:7

Thubat ne’ets quin chich junil in ulal an Ajatic. Ne’ets ca culbe jitats quin lej t’aja’ ti cuenta in cahuintal a Dios thuchath al axe’ xi u, in ulu.

APOKALIPSIS 3:11

Thubat ne’ets quin ulits junil c’al tata’chic. Ca lej alhua’ co’onchi in cahuintal a Dios ta ichich jahua’ a penamalits, i canats quit tixc’anchat ani yab quit pithan i atabilab ti eb.