1 JUAN 3:8 - New Testament in Huastec San Luis Potosi

⁸ Max cu xe’tsin hualbibil, jats cum pel tu c’al an teneclab, cum c’al jaja’ jats ti ts’i’quinenec an hualabtalab ani jats expith bel in t’ajal. Chich in Tsacamil a Dios abal quin talabethanchi jahua’ in t’ajal an teneclab.

New Testament in Huastec Aquiche

⁸ Por xitaꞌ in tʼajál i walastaláb, jachanꞌ jaꞌich xi teykómte kʼal an lej atʼax, pos an lej atʼax, jaꞌich jun i walablom asta tam ti na Dios yabél xataꞌ in tʼajám. Jaꞌich kʼal jechéꞌ tin kwenta ti tsích nin Chakámil na Dios abal kin pakwtsi xowaꞌ in tʼajámal an lej atʼax.

1 JUAN 3:8 Iomraidhean Croise

SAN MATEO 12:28

Cum u calthal i at’ax teneclab expith c’al in lej tsap an Espíritu Santo, jaxtam tejhua’ abal xo’ a Dios in t’ajalits ti Ts’ale ta tsu’ux hualchic.

SAN MATEO 13:38

Tim puhuel an tsabal pel ejtil u t’ayablabil. An alhua’ lab em jats ejtil an inicchic ax in jilchal a Dios quin t’aja’ ti Ts’ale tin ichich. An alq’uith ts’ojol jats ejtil an inicchic axi pel in c’al an teneclab.

SAN MATEO 4:3

Tam utey an teneclab in ucha’: ―Max chubax pel ti lej Tsacamil a Dios, ca ucha’ axe’ xi t’ujubchic ca huenc’on ti pan.

MARKOS 1:24

―¿Jant’o hualam a le’ tucu t’ajchi, Jesús Nazaretib? Hualam a le’ tucu t’ajat talabetha’. Nan tu exlanchal a ey pel ti T’ocat Tsacamil a Dios.

SAN LUCAS 10:18

Uchanchic c’al a Jesús: ―Lej chubax jahua’ a ulal, cum u tsu’u ti eb ejtil max jolohuat eleb an oc’ox teneclab jun athic ejtil in athic an ley.

SAN JUAN 12:31

Hue’its ani ne’ets ca tejhua’me in lej pojcaxtal an inicchic. Hue’its ani ne’ets cu ata’ an oc’ox teneclab abal yabats quin t’aja’ ti abatnom c’al an inicchic.

SAN JUAN 16:11

Ne’ets ca tso’oblinchat abal ne’ets ca t’ajchin an ts’ejcaxtalab c’al a Dios. Ne’ets ca jolbiyat max yab tiquim bela’ ani ca jilc’one c’al an teneclab, cum jolbithits an teneclab.

SAN JUAN 8:44

An teneclab jats a tatachic ani an teneclab pel ti tsacamilchic. Jats jaja’ a lej culbetnal ca t’ojonchi. Ma tam ti c’a’al jaja’ pel i tsemthom inic. Ni jayq’ui’ yab in lejatnamal tin ichich an chubaxtalab ani ni jayq’ui’ yab in ulal an chubaxtalab. Pel i janamcau ani c’al jaja’ jats tu hua’tsinthab an janamtalab.

ROMANOS 16:20

A Dios ne’ets ti tolminchichic ca jum putat ata’ a Satanás. Jats a Dios ax tu jun ejetbethanchal i ichich. U lej le’ abal i Ajatic Jesucristo ti lubach co’onchichic a ichich c’al in alhua’ inictal.

EFESIOS 2:2

Ti jayq’ui’ it xe’etsac hualbibilchic jant’ini’ axi q’ue’at an hualbith inicchic yab it ejatlith c’al a Dios. A t’ajamalchic jahua’ in le’ an oc’ox teneclab ax u abatnom c’al patal an teneclabchic axi xe’tsitsil ti al an hualab c’ay’lal. Ja’its an oc’ox teneclab ax u t’ojnal tin ichich an inicchic ax u jec’om c’al a Dios.

KOLOSENSES 2:15

Tam ti tsemets a Cristo al an cruz in tala’ ata’ an oc’ox teneclab ani patal in juntalchic axi abatnomac c’al an inic. In cua’alchic ejtil max huic’at abal i tucu atantha’.

1 TIMOTEO 3:16

Chubax ti lej luputh an chubaxtalab jahua’ huahua’ i belal, ma yab i bajuhual qui lej quithat exbay. In ulal an chubaxtalab antse’: Chich a Dios teje’ tsabal ca hua’tsin ti inic. Tejhua’methanchat an inicchic in lej ey ti pututh inic c’al an Espíritu Santo. Tsu’ume c’al i ángelchic. Olnanchame an inicchic abal jaja’ pel i Jec’onthax. Belchame c’al i inicchic tim puhuel an tsabal. Taley huichits ti eb.

HEBREOS 2:14

An tsacamchic axi ca hua’tsin teje’ tsabal in cua’al in anam t’u’ul ani in xits’al, aniye jaye in co’oy a Jesús. Expith ti inic in ejtou ca tsemets, ani c’al in tsemtal quin talabetha’ an teneclab ax in cua’al in tsap tin cuenta an tsemla.

HEBREOS 9:26

Max in yejenchamalac quin t’aja’ ejtil nixe’ xi ts’ale pale’ ti tamub ti tamub, tam tsemthamejac yan i calat ma tam ti ts’ejcan an tsabal ani an eb. Chich jun calat expith tam ti ne’ets ca taley in q’uijil am biyal ts’ejcath cau, ani im bina’ tim ba’ ca tsemtha abal quim paculanchi in hualab patal an inicchic.

2 PEDRO 2:4

A Dios yab im paculanchi in hualab an ángelchic axi hualbinenec, tocat in jolouchic ti al an tamtsemla jun tu huic’at co’oyabe ti al an yic’uax. Tats ca c’uajiychic ma tam quim bajuhuits ca ts’ejca c’al a Dios.

1 JUAN 1:2

In tejhua’metha’ tim ba’ ti ejatlix tam ti xe’tsin ti inic teje’ tsabal. I tsu’umal ani i olnamalits abal ja’its in lej ey, ani ja’its jaja’ ax tu pithal i it ejattalab abal cu c’uajiy ets’ey c’al a Dios. Pel xe’ jaja’ c’uajatac c’al i Tata Dios ani chich teje’ tsabal abal ca tejhua’me c’al huahua’.

1 JUAN 3:10

Antsana’ i tso’ob jita’ pel in tsacamil a Dios ani jita’ pel in tsacamil an teneclab. Max yab cu xe’tsin bolith ani jaye max yab qui c’anitha’ an ebchalabchic c’al a Cristo, yab pel tu tsacamilchic a Dios.

1 JUAN 3:5

A tso’obits tata’chic abal chich a Jesucristo teje’ tsabal ca tsemets abal tucu paculanchi i hualab, ani yab hua’ats ni jun i hualabtalab c’al jaja’.

1 JUAN 5:19

I tso’obits abal huahua’ pel tu c’al a Dios ani axi yab exlom c’al a Dios u tala’ abatnab c’al an teneclab.

JUDAS 1:6

Ca t’ila’chic jaye abal an ángelchic ax in t’iconchi in eylabil yabats c’uajat tin c’uajattal ti eb c’al a Dios. U co’oyab huic’at jun ti yic’uax abal ets’ey, ani tats ne’ets ca c’uajiychic ma tam quim baju am pulic bijith q’uicha tam ti a Dios ne’ets quin ts’ejca’chic.

APOKALIPSIS 20:10

Axi c’al ti ne’ets ca c’ambiyat nixe’ xi tamcuth soldadochic, an oc’ox teneclab ne’ets ca jolohuat ti al an c’amal ani ti al an c’alul abal quin yajchicna’ q’uicha ani acal abal ets’ey. Tats ti jolohuamejits jaye nixe’ xi tse’ acan ani jaja’ ax in timc’oyamal an caulome c’al a Dios ani yab ja.

APOKALIPSIS 20:15

Tats ti jolohuat patal an inicchic yab thuchath im bij ti al an u jun ti thuchathits im bijchic axi pithnenec i it ejattalab c’al a Dios.