1 JUAN 3:13 - New Testament in Huastec San Luis Potosi

¹³ Ebchalabchic, yab ca jic’pa’ max ti pojcal an inicchic axi yab im belal a Cristo.

New Testament in Huastec Aquiche

¹³ Kidháblábtsik, yab ki laban max i atʼnal kʼal xi yab u belom.

1 JUAN 3:13 Iomraidhean Croise

SAN MATEO 10:22

C’al tu ebal nana’ jat’hua’ tim patal an inicchic ne’ets ti at’a’chic. C’al a t’ayath cuxuthtal ne’ets quit jalunthachic ma ca taley an q’uij q’uicha.

SAN MATEO 24:9

Ani tata’chic ne’ets quit bina tin c’ubac an inicchic quit othna, ma talchic ne’ets quit tsemtha. Jat’hua’ tim patal an inicchic ne’ets ti at’a’ c’al tin ebal nana’ u bij.

MARKOS 13:13

C’al tu ebal nana’ jat’hua’ tim patal an inicchic ne’ets ti at’a chic. C’al a t’ayath cuxuthal ne’ets quit jalunthachic ma ta ca taleyits an q’uij q’uicha.

SAN LUCAS 21:17

Jat’hua’ tim patalchic an inic ne’ets ti at’a’chic c’al tin ebal nana’ u bij.

SAN LUCAS 6:22

Ne’ets quit culbechic max quit at’a ani max quit pojca c’al tin ebal nana’ u bij tin Juntal patal an inicchic. Ne’ets quit culbechic max quit ts’a’uhuat c’al i cau ani max quit tilibnanchat a bij tin ebal nan u bij.

SAN JUAN 16:2

Ne’ets quit quethmayat quit c’ale eleb tin tiyopanil an Israelchic. Ma jita’chic ne’ets quin le’na’ ti t’ajat tsemtha’chic, ani ne’ets quin ulu abal antsana’ in t’ajchal in culbetal a Dios.

SAN JUAN 16:33

Patal axe’ xi cau nan tu uchalchic abal tu jun ejetbethanchi a ichich ani tu thacatbethanchichic a ichich. Aba ani’ lej chubax ne’ets ca yajchicna’ teje’ ti al an hualab c’ay’lal, bel ca ne’tha’ a ichich thacat cum nan u tala’ atanthanchamalits jahua’ yab alhua’ ani axi tomolnax c’al a Dios teje’ ti al an hualab c’ay’lal.

SAN JUAN 17:14

Nan u huat’banchamalits c’al jaja’chic patal an cau axi tata’ tim pithamal. Ani u at’ab jaja’chic c’al an inicchic axi yab exlom c’al a Dios, cum yab juncuth in ichich jant’ini’ nana’ u ichich jaye yab juncuth c’al axi yab exlom c’al a Dios ani in t’ajt’om ti cuenta expith jahua’ teje’ tsabal.

SAN JUAN 3:7

Yab ca jic’pa’ abal nan tu uchal in yejenchal ca it hua’tsin jitats in le’ ca otsits jun tin t’ajal a Dios ti Ts’ale.

SAN JUAN 7:7

Tim pojcal nana’ axi yab exlomchic c’al a Dios, cum u olchal max quin t’aja’ jahua’ yab alhua’. Yab ti pojcal tata’chic, cum a ey ejtil jaja’chic in ey.

HECHOS 3:12

Tam a Pedro in tsu’u lej pulic an mulcunel ani in ucha’: ―¿At Israelchic, jale’ hualam it lej jic’pachiquix? Hualam tin lej telal nana’ ani c’al a Juan cum a tsalpayalchic huahua’ i jelthamal axe’ xi inic c’al i cuete’ tsap. Hualam a tsalpayalchic abal huahua’ u c’athpich t’ocat ani jats tu jelthom. Iba.

ROMANOS 8:7

Pel i tomolnax c’al a Dios jitats in tsalapnal expith in cuete’ le’nomtal. Yab in le’ ani yab in ejtohual quim putu c’al in abatnaxtal a Dios.

2 TIMOTEO 3:12

Lej chubax ne’ets ca yajchiquiyat patal an ebchalabchic jitats ts’at’atits c’al a Cristo Jesús.

SANTIAGO 4:4

Tata’ ojni’chic yab junat a ichich c’al in ichich a Dios, ani a tomolnal a Dios max a c’anithal jahua’ quithab teje’ ti al an hualab c’ay’lal. Ca alhua’ tso’obna’ abal it tomolnax c’al a Dios max ja’its jats a c’anithal.

APOKALIPSIS 17:7

Ani tin ucha’ an ángel: ―¿Jale’ hualam a jic’pal? Ne’ets tu olchi an tsinat cau jant’o tam t’ipchixtalab nixe’ xi uxum ani jaye nix an tse’ acan ax pel im pun in cua’al buc in oc’ ani lajuj in its’am.