Lucas 7:12 - New Testament with Old Testament portions

¹² Tuma yaaktanam jeajkama nuwa waje uchiri chikichik aramu jakamtai ikustasa weakai, nuna uyuunainak nukap shuar wenan wainkauwaiti.

Lucas 7:12 Iomraidhean Croise

Lucas 8:42

Wina nawantur chikichik akina, doce uwí aramu jakattak tepaun ikukmaj nu pegker amajtursamnum”, tusa tinaiti. Tusa tama ayu tusa weakai, nukap shuar shimuina asar, tuarainak Jesúsnaka chanuina.

Santiago 1:27

Shuar Yuusan umirin ainaka uchi mitaik, tura nuwa waje aina nu atsumamu yaimainaiti. Nuna tumainaksha shuar Yuusan umirchau tunaun takaina nunaka takamain ainatsui. Antsu tunaun takasaij, tusar kuitammamain ainawai. Ina Apari Yuusa nuka tu pujusarti tusa wakerawai.

Hechos 9:41

Tumamtai Pedro uwejnum achik awajas, Jesúsai surumankau ainan, waje ainajai untsuk ikaanak iwákun iwaintukaru.

Hechos 9:39

Turamu asar jeari ujakam, Pedrosha nitajai iruunar wuwaiti. Tuma jeaamtai jukiar jakau tepamunam awayawar, ashi nuwa waje aina tenteawar útainak, Dorcas iwáku pujus jaanch nugkutai najankamuri ainan inaktuina.

Juan 11:19

Marta Maríajai umai jakamtai útainak, senchi wake mesemar matsatainakai, enentain ichichtuinak judío aina nukap ishiintukaruiti.

Lucas 8:52

Tuma shuar útu matsatun Jesús chicharuk: “¡Utirpa! nuwachika jakachai, ayatik kanar tepawai”, tusa tinaiti.

2 Reyes 4:20

Tusa tama inataisha nuna uchin juki nukuri pujamunam ejénaiti. Turamtai nukuri juki nagkas puja pujakua etsan tutupin amajsauwaiti, tumai uchi jakauwaiti.

2 Reyes 4:16

Tumamtai Eliseo nuna nuwan chicharuk: “Chikich uwí atata nui chikichik uchi jurertatme, tusa tinaiti. Tusa tama nu nuwa chichaak: Atsaa, tumashtatjai, wina apuru, ameka Yuusa chichame etsernaitme tumauwaitkumka winaka tsanurmaitsume”, tusa tinaiti.

1 Reyes 17:23

Turamtai Elías ni kanutairin pujau uchin juki nugka akaiki nukurtinan suak chicharuk: “Uchirmeka aneantai”, tusa tinaiti.

1 Reyes 17:18

Tumamtai nuwa waje Elíasan chicharuk: “Ameka Yuus umirnaitme. Wii tunau takau asamtai wina uchir maattsamsha, ¿urukamtai wina jearuisha tawaitme?” tusa tinaiti.

1 Reyes 17:12

Tama nuwa waje ayak: “Ame Yuus umirnaitam nu waitrichu asamtai wisha nekasa nuna tajame. Pan najanamuka pegkesha atsurtawai. Antsu pan najanatin ichignanam ishichik arutui, tura aceitesha ichignanam ishichik arutui. Tuma asamtai nuna najanan uchirjai yuattsan chigkimin ishichik jukittsan wekajai. Turasha nu amukrika pan najanar yumain pegke atsau asamtai, tsukai jakattaji”, tusa tinaiti.

1 Reyes 17:9

“Yamaika nugka Sidónnum yaakat Sarepta tutai a nui wetá”, tumam nui pujusta. Tumam nui pujamin wii turata tusa enentaimtikmau asa, nuwa waje ame yuatnunka suramsattawai, tusa tinaiti.

Lucas 7:11

Nuna tura ikuak Jesús yaakat Nain tutainam weakai nina unuinatairi chikich shuar ainajai iruunar weriaruiti.

Lucas 7:13

Jesús nuwa wait anenmain uuttsauwa wetatmaun wainak wait anentrau, tuma chicharuk: “Utipa”, tusa tinaiti.