Lucas 4:1 - New Testament with Old Testament portions

¹ Jesús Jordán entsanam maimtai, Wakan Pegker egkemturuiti. Tura aya nugkanmag shuarsha atsamunam juki umauwaiti.

Lucas 4:1 Iomraidhean Croise

Hechos 10:38

Tura nuiyasha Jesús Nazaretnumia ajakua nuna Wakan Pegkeran Yuus akuptuk ichichmamtikam wekaas pegkeran takak, shuar iwanch egkemtuam waitu matsatuncha Yuus ninii pujau asamtai, pegker amaju jakua nusha nekarme.

Lucas 4:18

“Wakan Pegker wini pujawai. Tuma asa Yuus uwemtikarta nuna shuar nekainachu asar kuitrinchauwa numamtin pujuina nu, Yuusa chichame pegkera nu shuar aina ujakarta tusa etegtuawaiti. Tura shuar tunau takatan inaiyainachu asar, achikmauwa numamtuk pujuina nusha agkanmamtikawarta tusa akuptukuiti. Nuiyasha shuar wainmachu aina nu iimtikiarta, turakum shuar pegkerchau amajkur waitkam pujuina nusha agkanmamtikawarta tusa akuptukuiti.

Juan 3:34

Yuus Wakan pegkeran susa akupkamu asa, nina chichamencha shir etsertawai.

Juan 1:32

Wisha ninka nekachmajai, tumai wina entsajai imakratta tusa akuptukua nu chichartak: “Nayaimpinmaya Wakan Pegker yampitsa numamtin nanaaki tara, nu shuaran ekeemtuktatui, tumakai juwapita Wakan Pegkeran sukartustinka tusam nekata turutin asamtai,

Mateo 3:16

Turam Jesús entsanmaya jiinki, wajaig nayaim urannaiti. Tumamtai Yuusa Wakaní yampitsa numamtin taarun Jesús wainkauwaiti.

Lucas 4:14

Jesús Wakan Pegker egkemturmau asa, iwanch ikukim Galileanam waketkinaiti. Tuma Galileanam jeamtai, nu nugkanmaya ainaka nina pachisar chichaina.

Hechos 8:39

Tura entsanmaya jiinkimtai, Wakan Pegker Felipenka jukin, turamtai apuka awenagka wainkachuiti. Turasha shir aneas nina nugkeen wuwaiti.

1 Reyes 19:4

Tuma we, aya nugkanmag chikichik tsawan weka wekakua númi wajamunam jeawaiti. Tuma pimpikin asa ayamrattsa nuna wakenmarin ekemsauwaiti. Tuma Yuusan aujeak: “Yuusa, iwáku pujaknasha wina untur aina imanuchu asan senchi waitu pujajai. Tuma asan Yamaika jakattsan wakerajai, tuma asamtai jakati tusam turutta”, tusa tinaiti.

Lucas 3:3

Tura akupkam entsa Jordánnum jeawaiti. Tuma shuar matsatainan chicharuk: Atum tunau takasmaurmincha Yuus tsagkurtamrarti, tunau takat inaiyakrum maitarma.

1 Reyes 18:12

Wii, wina apurun Acabpan ujaktasa juiya weakai Yuusa Wakaní wii nugka nekashmaunam juramkittawai. Nuna turutma ai wina apur wii ujakam jui taa amina waitmakchagka wina mantuattawai. Wii amina inatairmitaj nunaka natsa asanak Yuusan umirujakuitjai.

Lucas 3:38

Cainánka aparigka Enós, Enósa aparigka Set, Seta aparigka Adán, Adánka Yuus najanamu ajakuiti.