Lucas 2:9 - New Testament with Old Testament portions

⁹ Tuma matsatai Yuus akupkamu nayaimpinmaya shuar tara, Yuusa tsaaptintri nita matsatmaunam tsaaptin amajsauwaiti. Tumamtai nuna wainkar senchi ashamkaruiti.

Lucas 2:9 Iomraidhean Croise

2 Corintonmaya 3:18

Tuma asamtai ika Moisés yapin nukukua nujai metekka ainatsji. Antsu ika espejowa numamtin ainaji. Tuma asar Yuusa chichame etserkurin chikich ainasha antukar Criston nekaspapita tumain ainawai. Nina Wakaniya nuke ina enentaimtairinka pegkernum nu nukap enentaimtikramu asamtai, ni enentaima tumasrik enentaimainaji.

Apocalipsis 18:1

Nuna wainkan pujai, chikich nayaimpinmaya shuar shir senchirtin nina etsantairinig nugkancha tsaaptin amajas akak,

Hechos 27:23

Ju káshia jui wii Yuusan nemarkun umiraj nu akupkamu nayaimpinmaya shuar wantinturak,

1 Reyes 8:11

Tumamtai Yuusa senchiri tsaaptin jas au asamtai, sacerdote aina Yuus ememattasa iruuntai jeanam nita takatin takaschau ainawai.

Hechos 5:19

Turawarmatai nayaimpinmaya shuar káshi tari waitin urati chicharuk:

Juan 12:41

Nunaka Isaías Jesúsan senchirin wainkau asa, nina pachis chichaak tinaiti.

Lucas 24:4

Tumawar urukamki tusar enentaima iruunas, nayaimpinmaya shuar jimar jaanch pujun wincha nugkuarun nitai wajainan wainkaruiti.

Apocalipsis 20:11

Nuiya Yuus nina ekeemtairi pujua nui ekeemtatmaun wainkamjai. Yuus nui ekemkai, nugkaka nayaimpijai ashi megkaaramai. Tuma asamtai awenagka wainnakchamai.

1 Timoteo 3:16

Yuus nina chichamen iwainturmakmauwa nuka ashi nagkamakuiti. Cristo shuarnum akina wantinkauwaiti. Tura Wakan Pegkera nusha Criston pachis tunaurinchauwati tusa tinaiti. Nayaimpinmaya shuarsha wainkaruiti. Criston pachisar ashi nugkanam etserkaruiti. Turawarmatai ni nekaspapita tauka nekaspapi tiaru ainawai. Tumawarmatai ataksha nayaimpinam waketkinaiti.

2 Corintonmaya 4:6

Yama nagkamchakka Yuus chichaak: Tsaaptin etsantrati, tusa tinaiti. Tima tsaaptin etsantuk kashin emegkakuiti. Isha káshia numamtinnum matsatu asar, Yuus nekachu ayaji. Tuma matsatutin ina enentaimtairin ni urukukit nu nekatnuncha nekamtikramawaitji. Tuma asamtai Jesucriston pachis chikich ainancha Yuus urukukit nuna jintintuk nekamtikawarti tusa wakerajai. Cristo nekaspapita takur Yuuscha nekatnaitji.

Hechos 12:7

Tumainai nayaimpinmaya shuar wayawaiti, tumamtai cárcelka tsaaptin jasuiti. Tuma Pedro kanar tepettamaun mijarnum antiak: “Wári nantakta”, tusa tinaiti. Nuna taig Pedro cadenajai jigkarmauka nigki atinawaiti.

Lucas 1:28

Nayaimpinmaya shuar María pujaun jeari chicharuk: “Yuusa anetairi María, ¿pujamek? Ashi nuwa aina nuiya Yuus eme anentsa iitaimka ametme. Turutma asa amina ima senchi kuitamramui”, tusa tinaiti.

Mateo 1:20

Joséka tu enentaimai, karanam nayaimpinmaya shuar wantintuku, tura Josén chicharuk: “David weantu uchiriya, iturchat enentaimtsuk María, ame nuatkattsam chichasuitam nuka jukita. Ni ajapruka auka pegkerchauchawaiti, nigka Wakan Pegkera nu ajaprukti timau asa ajaprukai.

Éxodo 16:10

Tusa takai Aarón israelita ainan irumrauwaiti. Tura nitajai chichaak pujai, aya nugkanmag muranam Yuus tsaaptin jas yuragminam pachitkau wantinun wainkaru ainawai.

Lucas 2:8

Nui María uchin jurermatai, José Belénnum pujai, ovejan kuitamin aina yaakat tiijuch asamtai, káshi ovejarin kuitamainak matsataina.