Lucas 2:41 - New Testament with Old Testament portions

^41-42 Ashi uwítin jiisat Pascua jeaakai, Yuus tumawarti timaun uminak, Jerusalénnum tuke wesarke au asar, nu tsawan jeakai wenak, Jesúsan doce uwí aramun ayasar wearuiti.

Lucas 2:41 Iomraidhean Croise

Deuteronomio 12:18

Nu aina nuka ina Yuusri nugkan etegkatna nui ejérum, atumi uchiri ainajai, atumi inatairi ainajai, wina untur Leví ajakua nu weantu aina pampagkar atumjai pujuinajaimak nitaka nugkan jukicharu asarmatai, atum takasmaunam pegkernum yainmaku asamtai nukap suramsaji tusarum nitajaimak Yuusa emtin shir aneakrum jiistamatin ataarma.

Juan 2:13

Judío ainan jiistari Pascua tutai jeastatuk jasmatai, Jesúsjai Jerusalénnum jeawaruiti.

1 Samuel 1:21

Tuma Elcana chikichik uwítin tagkun maa epeak Yuusan ememattsagke au asa nina nuwejai Silonam wuwaiti.

1 Samuel 1:3

Elcana Yuus ashi senchirtina nuna eme anentas iiyak chiki chikichik uwítin tagku ainan maa epejakuiti. Tumak yaakat Silonam weak nina nuwe ainan, tura uchiri ainancha yarumajakuiti. Nu nugkanam Elí uchiri jimar sacerdote chikichka Ofni, Finees Yuusan takaruk pujujakaruiti.

Deuteronomio 12:11

Ina Yuusri timaun wii yamai ujajrum juka nijai atum igkuniaktinan nugkan etegkatta nui metek umiktin ataarma. Turakrum tagku aina maarum ashi epeatin, tura tagku aina maarum ajamnaisatin aina jukirum ejétnaitrume. Atum takasmaunmaya dieznumia chikichik akankamu aina, amek enentaimsam juna Yuusan susatjai timau aina, tura susatjai tusa timau aina jukirum, tura warí shir pegkera juna susatjai tusa timauram jukirum nui Yuus ejétitin ataarma.

Levítico 23:5

Marzo nantu, catorce tsawan kintama nuigka, wina emematrakrum jiisat Pascua tutaiya nuka inagkain ataarma.

Éxodo 34:23

Wika Israel ajakua nuna Yuusriyaitjai, ashi aishmag uun ainaka chiki chikichik uwítin tresa imajnia wina emematriarti.

Éxodo 12:14

Nu tsawanka pegkesha kajinmattsuk uwíjai metek tuke jiistamtinaittrume. Tura atumin uchiri ainasha tuke jiistamiartin ainawai.

Juan 13:1

Jiisat Pascua jeatsaig Jesús nina Aparin weak ju nugka jui nina unuinatairi ainan ikuktin tsawan jeattak jasun nekau asa, ninu ainan senchi anea. Tuma asa nitan aneamurin iwaintak ima senchi ashammainnum jeawaiti.

Juan 11:55

Judío ainan jiistari Pascua tutai tsawan jeastatuk jasmatai, nui jeawar nu jiisat tsawakai pegkermakara nui jiistamami tinu asar nuna umikartasa, nukap shuar Jerusalénnum shimuina.

Juan 6:4

Nuka judío aina jiistari Pascua tutai jeastatuk jasa ai tumawaru ainawai.

Éxodo 12:11

Jaanchin nugkurar, zapaton weamakar, tura ushukrutaincha takusar wári yuawarti. Nuka jiisat Pascua asamtai wina ememattruinak tumawarti.