Lucas 17:3 - New Testament with Old Testament portions

³ ¡Pe aneartarma! “Amina yatsum tunaun takartamkaisha, yama nagkamchakmeka amek shir chicharkata. Tusa tama amina chichamin anturtamak pujutin yapajiakaigka amesha tsagkuurata.

Lucas 17:3 Iomraidhean Croise

Levítico 19:17

Atumi yachi pegkerchaun takasmataisha enentaimtusrum kajerkairpa. Ame pegkerchau taká nekayatkumek chicharaichkumka amesha pegkerchau takasua nujai metek jame. Antsu chicharaimsha pegkerchau takatan inaiyashkaigka jiiktarma.

Mateo 18:21

Nuna tutai Pedro Jesúsan jeari iniak: “Apuru, wisha wina yatsur pegkerchau amajtakaisha ¿urutma tsagkurmainaitja, sieteya imaanik tsagkurmainaitaj?” tusa tinaiti.

Santiago 5:19

Wina yatsur ainata, shuar pegkernumag pujuwaitiat, Jesucriston inaiyakaigka, atum aina nuiyatiram antsuk shir pujusti tusa yaimainaiti.

Proverbios 27:5

Shuar nekas aneakka uuk chicha pujutsuk, shir igkua chicharnaiti.

Deuteronomio 4:23

Turasha Yuus atumjai chichaman umikua nu kajinmatkitin airpa. Nuiyasha yuusrimtai aina emematirpa tusa Yuus turamnaittrum nu kajinmatkitin airpa, ina yuusri atii tusarmeka najanatin airpa, nuiyasha nakumtaksha nakumkatin airpa.

Deuteronomio 4:9

Tuma asamtai eke jatsuk pujakrumka Yuus atumin iwainturmakai wainkauwaitrum nu, tura chicham umiktin ainan jintintawaitjarum nusha pegkesha kajinmattsuk aneakuk pujakrum, atumi uchiri aina, tura atumi tiragke ainasha, nu pachisrum jintintatin ataarma, tusa Moisés ni weantu ainan tinaiti.

Éxodo 34:12

Atumka wii nugkan anajmatawaitjarme nui pujustin ainarme. Nui pujakrumsha nita pegkerchau takatairi aina unuimarairum nitajaigka chichamka umiktin airpa.

2 Juan 1:8

Tumau asar atumin tsanurmainakai, Yuus takatan amasmauwa nu emegkakrum, ni suramsatna nusha megkaakairum kuitammamatarma.

Hebreonmaya 12:15

Chikichik shuarkesha Yuus nemartan inaiyainak uwemmainan megkaakai tusarum chikich ainajaisha wait anennaisarum yainaiktasrum waketarma. Yuusjai kajernaikairum, senchi kuitammamatarma. Shuar Yuusan kajera nuka árak jataiya numamtuk nukap shuaran pegkerchau amajmainaiti.

Efesonmaya 5:15

Nu tusa timau asamtai, atumin pujutigka shir iistarma, shuar enentaimkachua nunin airpa. Antsu shuar yacha pujumaina numamtuk, pegker pujustarma.

Lucas 21:34

“Pe anearum pujustarma. Tumakrum tunau aina, nampet ainasha, tura ju nugkanmaya pujuta nusha enentaimtu pujuirpa. Pachiachmau wii winakai waurkairum, shir pujustarma.

Deuteronomio 4:15

Nain Sinaí tutainam jiya numamtin keamunam pachitkau Yuus atumin aujtamsauwa nuisha yuus atii tusa najanamuka wainkachu ainarme. Tuma asarum