Juan 6:9 - New Testament with Old Testament portions

⁹ “Jui chikichik uchi cinco pankan cebadajai najanamun, tura jimarchik namakjai takakui. ¿Turasha junakka iman shuar aina auka metek yumain ainatsujama?” tusa tinaiti.

Juan 6:9 Iomraidhean Croise

Lucas 9:13

Tuinakai Jesús nitan ayak: “Nuka tutsuk nita yuatnuka atum susatarma”, tusa tinaiti. Tusa tama nita chichainak: “Shuar untsuri ayurmainka atsurtamji. Antsu jimar namak, tura cinco panchik takakji. Ju shuar aina ashi ayuramij takurka, yutai sumaktasar ii wechatjiash”, tusa tuina.

Marcos 6:38

Nuna tusa tuinakai, Jesús nitan chicharuk: “¿Urutma panka takakrume? Nu iistarma”, tusa tinaiti. “Tutai shiakar pan cinco, jimarchik namakjai aun iisar ikuinak, Jesúsan jeariar chichainak: Cinco pan awai, tura namakka jimarchik awai”, tusar ujaina.

Mateo 14:17

Takai nita chichainak: “Juigka atsurtamji, ayatik cinco pan, nuiya jimarchik namak arutramji”, tusa tuina.

Mateo 16:9

¿Wii cinco pankan tsaikan, cinco mil shuaran ayuramiaj nuka aneaktsurmek? ¿Urutma chagkinnuma aimkamiarme?

Marcos 8:19

Wii cinco pankan jukin, cinco mil shuaran ayuramiaj nuisha, ¿urutma chagkinnuma aimkamiarme?” Nu tusa tama nita chichainak: “Doce chagkinnum aimkamiaji”, tusar tuina.

2 Corintonmaya 8:9

Ina apuri Jesucristo wait anenkarturmauriya nuka shir nekarme. Nigka nayaimpinam pujuska atsumtsuk pujuwaitiat, ina uwemtikramar atsumtsuk pujusarti turamu asa, nunaka ikuak ju nugkanam taawaiti.

Deuteronomio 8:8

Nu nugkanmagka trigo aina, cebada tutai aina, uva ajanam arakmau aina, higo tutai aina, munchi aina, olivo tutai aina tura napa yumiri ainasha nukap irunui.

Apocalipsis 6:6

Tumamunam cuatro iwáku ainanmaya chichaak: “Chikichik tsawan takasmaunam chikichik kilo trigo sumamainaiti, nuna turachkusha tres kilo cebada pan najantaiya nu suam artinaiti. Antsu aceiteka, umutai vino tutai aina nujai takasaipa, tamaun antukmajai”.

Juan 11:32

Tuma María Jesús pujamunam jeawaiti. Tuma Jesúsan wainak tikishmatar pujus chicharuk: “Apu, ame jui pujakminka wina umaaruka jamainchau ayat jakayi”, tusa tinaiti.

Juan 11:21

Tuma Marta Jesúsan igkug chichaak: “Apu, ame jui pujakminka wina umaaruka jamainchau ayat jakayi.

Juan 6:7

Nu tama Felipe ayak: “Kuit doscientos denariojai yutai sumakrisha, chiki chikichik shuar ishichik yumainkisha tinammaitsuji”, tusa tinaiti.

2 Reyes 7:1

Tusa takai Eliseo apun chicharuk: “Yuus chichaak ta nu antukta: Yamai etsa uruka juni ai kashin yaakat Samaria waitirin shuar aina chikichik kuitjaig siete litro trigon sumartatui, tura cebadancha chikichik kuitjaig quince litro sumartatui”, tusa tinaiti.

Deuteronomio 32:14

Atumi vacari ainan muntsuri ijurkarum, tura oveja ainan muntsurisha umaru ainarme. Basán nugkanmaya oveja nuweram aina, oveja tsakat nuweram aina maarmesha yuawaitrume. Trigo shir pegker ainajai yutai najanamu ainasha yuawaitrume. Uva pegker aina ijuraa najanamusha vino umaru ainarme.

Juan 6:11

Nuna umikarmatai Jesús pankan juki wajas Yuusan maaketi tusa tina, nina unuinatairi ainan susauwaiti, turam nu shuar ainan ashi imatiksan tinamkaruiti. Turusag namaknasha shuar ainan tinamkaruiti, turam shuar ainaka nita wakeramunka imatiksan shir yuawaru ainawai.

Juan 21:9

Tumawar kukar jiinkama ji ikaparmaunam chikichik namak jiamu panjai aun wainkaruiti.

Juan 21:10

Jesús nitan chicharuk: “Namak achiruram nu ishichik itatarma”, tusa tinaiti.

Juan 21:13

Jeawarmatai Jesús pankan namakjai juki tinamkauwaiti.