Juan 2:4 - New Testament with Old Testament portions

⁴ Tusa tama Jesús ayak: “Amesha, ¿urukamtai winasha nusha turutme? Wii takamaintruka eke tsawanka jeatsui”.

Juan 2:4 Iomraidhean Croise

Juan 7:6

Nu tama Jesús chichaak: “Wii ai wemainka eke tsawan jeatsui. Turasha atumka atum wakeramunam wemainaitrume.

Juan 13:1

Jiisat Pascua jeatsaig Jesús nina Aparin weak ju nugka jui nina unuinatairi ainan ikuktin tsawan jeattak jasun nekau asa, ninu ainan senchi anea. Tuma asa nitan aneamurin iwaintak ima senchi ashammainnum jeawaiti.

Juan 8:20

Nunaka Jesúska Yuus ememattasa iruuntai jeanam Yuusnau atii tusa suaku chumpitaisha nuig amaunam jintinkartak pujus tinaiti. Ni achinkatnurigka eke tsawanka jeaachu asamtai, chikichik shuarkesha achikcharuiti.

Juan 7:30

Nuna takai achik jukiartasa wakeruina, imatikainaksha ni achinkatnurigka eke tsawan jeaachu asamtai, chikichik shuarkesha achikcharuiti.

Juan 12:23

Nu tusa ujam Jesús chichaak: “Wii shuarnum akinawaitaj juna mantuawartinka yamaika tsawanka uminui.

Eclesiastés 3:1

Ju nugkanam iruna nunauka, nutin tumati tusa timau tsawantri ashi aruinawai.

Mateo 8:29

Tuma asar Jesús anumak winittamaun wainkar senchi untsumainak: “¡Jesúsa, Yuusa uchiriya! Wait aneasam tsawan jeatsaigkika waittaka sukartusaipa”, tusar tuina.

2 Samuel 19:22

Turasha David Abisain, tura Joabpan Siruía uchiri ajakarua nuna chicharuk: Atum turattsarum wakerarum nunaka wika wakeratsjai. Yamaika ataksha wii Israel shuar ainan apuri jasjai. Tuma asamtai yamaika israelita ainanka chikichkinkisha macharti tusan tajai.

2 Samuel 16:10

Turasha apu, Abisain Joabjai chicharuk: “Atum Sarvia uchiri ainatirmeka shuar wina pegkerchau chichartau maattsarum enentaimrum nuka pegkerchauwaiti. Yuus turata tusa timau asa, winaka pegkerchau chichartawai. Tuma asa nigka mantamnamaitsui”, tusa tinaiti.

Juan 20:15

Turamaitiat Jesús nina iniak: “Umaaru ¿urukamtai uutusha wajame? ¿Ya eame?” tusa tinaiti. Nu tusa tama ni enentaimsagka juka númi arakmaun kuitamnutskaitti tau asa chichaak: “Umaaru, ame Jesúsa iyashi jukinaitkumka ujatkata. Tui ikusum, nu ujatkakmin wii jukitjai”, tusa tinaiti.

Juan 20:13

Nu tuma eketaina ininak: “Umaaru ¿urukamtai útme?” tusa tuina. Tusa tama ni ayak: “Wina apuru iyashin jurutkiarmatai, tuig ikusarma tusan nekachu asan útjai”, tusa tinaiti.

Lucas 2:49

Tama ni aimuk: “¿Urukamtai winasha imatikarmesha eatrume? ¿Wina Apar wakeramun takakun, wina aparun jeen pujumainaitaj nuka atumka nekatsrumek?”

Mateo 15:28

Tusa tutai Jesús ayak: “Umaaru, yajau winaka nekaspapita tusam enentaimturamja imanisam enentaimturam nui, ame wakeram nuka imanisag uminkattawai”, tusa tinaiti. Nuna taig nina nawantrisha pegker jasuiti.

Deuteronomio 33:9

Nuna tumawa ainaksha yamaika, Leví weantu ainaka chicham umiktarma tusam ame tinaitam nuna metek uminawai. Ame nitajai chicham umikuitam nuna shir senchi wakerus uminawai. Tumaina asar nita patai ainan nagkasau amina ima senchi enentaimturmainawai. Amina eme anentramas umirtamainak, aparin, nukurin, yachi ainan tura uchiri ainancha nekashtaijai metek amajainawai.

2 Corintonmaya 5:16

Tuma asamtai Cristo nemarainatika shuar Yuusan nekaspapita tichau aina enentaimaina tumauka ainatsji. Yaunchukka ika Cristoka shuaran uchirimpapita tinu ayaji, turasha yamaika shir nekaar, Yuusan uchirimpapita tuinaji.

1 Reyes 17:18

Tumamtai nuwa waje Elíasan chicharuk: “Ameka Yuus umirnaitme. Wii tunau takau asamtai wina uchir maattsamsha, ¿urukamtai wina jearuisha tawaitme?” tusa tinaiti.

Juan 2:3

Nuwa nuatmau nagkamnamtai utsaanawar umuinamunam umutai vino tutai amukau. Tumamtai nina nukuri Jesúsan chicharuk: Vinonka amukarai, tusa tinaiti.

Juan 7:8

Atumka jiistanmasha wetaarma, tumakrumnasha wina tsawantruka eke uminchau asamtai, wika winishtatjai”, tusa tinaiti.