Juan 18:1 - New Testament with Old Testament portions

¹ Jesús nuna tusa ashimak, nina unuinatairi ainajaimak jiinki entsa shikapchich Cedrón tutai amain katig númi olivo tutai arakmaunam jeawaiti.

Juan 18:1 Iomraidhean Croise

Marcos 14:32

Tuinakai juakiar Jesús nina unuinatairi ainajai númi arakmau Getsemaní tutainam jeawaruiti. Tura nitan chicharuk: “Jui atumka ekeema jatarma, tumarmin ai wena Aparun aujsatjai”, tusa tinaiti.

Mateo 26:36

Nuna tusar Jesúsjai wear númi arakmau Getsemaní tutainam jeawaruiti, nui Jesús nina jintintairi ainan chicharuk: “Jui atumka ekeema jatarma, tumarmin ai wena aparun aujsatjai”, tusa tinaiti.

2 Samuel 15:23

Tuma we wenakua entsa Cedrón tutainam jeawaruiti. Tumawar entsan katitkaru ainawai. Tumawarmatai nui apu Davidcha katigkuiti. Tumawar aya nugkanmag jinta weamunam wearu ainawai. Tumainan nuiya shuar aina wainkar wake mesemar nekapenak senchi útiaru ainawai.

Juan 18:26

Tusa titatmaun sacerdote shir apuri inatairi, kuishin Pedro asankauwa nuna patai iniak: “¿Wii amina, númi arakmaunam nijai wajamin wainkachmakjam?” tusa tinaiti.

Juan 14:31

ni wakeramun nutikati tusan inaitustatjai. Turam nunaka turusag umiktatui, tura shuar juiya ainasha wii aparun aneakun, ni turata tusa inatramun takaj nuna nekaawartatui”. “Juka ikuaku wearmi wajaktarma”, tusa Jesús tinaiti.

2 Reyes 23:12

Nuiyasha apu Manasés sacerdote ainan tura waitin kuitamin ainan, tagku aina maar patasar epeakur antra yuusrimtai aina ememattinan Yuus ememattasa iruuntai jea arin jimar najanatarma tusa takai najanamu ainan, tura Josías eke apu weatsaig Judá nugkanam chikich apu inamajakarua nu, tagku aina maar patasar epeakur antra yuusrimtai aina nu ememattin Yuus ememattasa iruuntai jeanam apu Acaz pujamu yakintin najanatarma tusa takai najanawaru aina nusha ashi tsairtarma, tusa apu Josías tinaiti. Tusa takai tsaikar jukiar entsa Sedrón tutainam utsagkaru ainawai.

2 Reyes 23:6

Josías, Yuus ememattasa iruuntai jeanam yuus Asera tutai a nu jukitarma, tusa tinaiti. Tusa takai yuus Asera tutain jukiar yaakat Jerusalénkan ikukiar entsa Cedrónka yantamen epeawaruiti, turam yuku jasuiti. Tumamtai nuna yukun jukiar nita ikumatairin ukatkaru ainawai.

Génesis 3:23

Tusa apu Yuus shuaran ajanam pujuinan, jiiki nugka ni takastinnum apujsauwaiti.

Marcos 14:26

Nuna tusa kantamtain kantamawar inagnak Olivosan naintrin wearuiti.

Mateo 26:30

Nuna timatai kantamtai kantamawar Olivosan naintrin wearuiti.

Génesis 2:15

Apu Yuus jui pujusam takákum aja Edén tutai kuitamata tusa shuaran ajanam apujsauwaiti.

2 Reyes 23:4

Apu Josías, Hilquíasan, sacerdote apurin, sacerdote chikich ainan tura waitin kuitamin ainan, yuus Baal tutai, Asera, tura ya aina emematku takatai aina Yuus ememattasa iruuntai jeanam iruna nu jiirtaarma, tusa tinaiti. Tusa takai ashi jiiraru ainawai. Turawar Jerusalénkan ikukiar entsa Sedrón tutain yantamen epeawaru ainawai. Turawar nuna yukurinka yaakat Betelnum jukiaru ainawai.

Hechos 21:11

Tuma ina irartamsattsa taa, Pablon akachumtairin juki, nina nawenig uwejencha anug jigkaama chichaak: “Wakan Pegker Jerusalénnum ju akachumtaiya juna akachumna nuna jutika achik jigkarar, chikich jeashtanmaya shuar ainanam surukartatui tusa tawai”, timiayi.

Marcos 14:42

Yamaika nantartarma wearmi, wina surutkatta nuka winawai”, tusa tinaiti.