Juan 11:51 - New Testament with Old Testament portions

⁵¹ Nunaka Caifáska nigki enentaimsagka tichauwaiti, antsu nunaka nu uwítin ni sacerdote apuri ainan apuri asamtai, Yuus tu enentaimtikam chichaa asa, Jesúsaiti judío ainanam nigki mantamnatnuka taku, tinaiti.

Juan 11:51 Iomraidhean Croise

Daniel 9:26

Sesenta y dos semana nagkamasmatai Yuus etegkamun apun maawartinaiti. Yaakat Jerusalénkan, tura Yuus ememattasa iruuntai jean apu chikich ekemtina nuna suntaari aina tsaikartinaiti. Nu tsawan uminmauka pachiachmaunam nujag nugkan amuwa numamtuk atinaiti. Tura maaniamu atinaiti tusa timauwa nuka imanisag uminak tsawan jeakai nagkankatnaiti.

2 Corintonmaya 5:21

Cristoka tunaun chikichkisha takaschauwaiti. Tumaunak Yuus ina tunaurin ninka shuar tunaurinnujai metek amajsauwaiti. Ni tumamurin isha uwemrar nijai iruuntrau asaakrin, yamaikisha tunau arinig, shir pegkera iman iirmaji.

Galacianmaya 3:13

Chicham umiktinan Moisés aarua nu imatiksarik umiachu asar waitat jukittsar pujarin, Cristo ina pachitmas numinam achiram mantamna asamtai agkanmawaitji. Yuusa chichamen tu aarmauwaiti: “Shuar numinam achira nenaam jinuina nuka waitat suakur turam ainawai”.

1 Corintonmaya 13:2

Wii nina chichamen chikich shuar aina jintintatnun yachamatan nekamtikrau, tura atak atinan shuar aina nekainatsu nunasha Yuus iturkatnukit nunasha shir nekau, tura ashi nekau, tura Yuusan nekaspapita tau asan nina aujsan mura ainancha yaja apujmainaitjai. Tura takat ainancha ashi nekau. Turasha chikich ainan aneachkunka shuar nekachua numamtin wantinjai.

Juan 10:15

Turusag wina aparsha winaka nekarui, tura wisha wina aparnaka nekajai, wika nui mantamnattajai.

Mateo 20:28

Shuarnum akinawaitaj nunaka shuar aina umirtukarti tusanka tumachuitjai. Antsu wika nita umirkun takarsattsan, nuna tumakun nita pujutincha uwemtikattsan, nita ayamrakun wii mantamnattsan taawaitjai”, tusa tinaiti.

1 Samuel 28:6

Tuma asa ni turumainan nekattsa Yuusan aujsauwaiti. Turamsha chichame metek umirkachmau asa karanmagsha tura kaya Urim tutai tura Tumin tutaigsha tura Yuusa chichamen etserin aina nuiyagkesha ujakchauwaiti.

Números 24:2

Tuma wajas Balaam Israel shuar ainan wainkau, tuma iima wajaun Wakan Pegker pujursau.

Números 22:28

Turamtai Yuus burron chichamtikuk: ¿Urukamtai tresa imajnisha awatturume?, tusa Balaaman tinaiti.

1 Pedro 3:18

Cristo ina tunaurin utsantramkattsa atak awena jakashtinan chikichkia jakauwaiti. Tura ii tunau ainatin, nigka ishichkisha tunauri ni waitmaintrigka atsurmaitiat, Yuusjai igkumtikramkataj tau asa waittsauwaiti. Nigka iyashnumag jakauwaiti. Turasha nina Wakaní tarim nantaknaiti.

1 Pedro 2:24

Tura nita tunaurin inaisar, pujut pegkernum pujusarti turamu asa, nigki númi yapajia achirmaunam achinar jaka ina tunaurin tsagkurtamrauwaitji. Nunaka tunaunka takatsuk pegkera nunak takasarti turamu asa tumawaiti. Pegkermakati tumawar tunaurtinchauwa iman jasarti turamu asa, ii waitmainnum ni waittan juak iyashnum awattrar apujeam asauwaiti.

Juan 11:49

Nuna tuinakai nuiyag sacerdote apuri Caifás naartin ni nu uwítin apu naamak pujau asa chichaak: “Atumka ishichkisha enentaimtsurme.

Juan 18:13

Turawar Anás Caifásan weari, nu uwítinka ni sacerdote apuri asamtai, Anása jeen ejéniaruiti.

1 Juan 2:2

Tura ina tunaurin mantamnawa nui inka uwemtikramrauwaitji. Turasha ima ina tunaurinkika tumachuiti, antsu ashi shuar ainan uwemtikattsa tumawaiti.