Juan 1:18 - New Testament with Old Testament portions

¹⁸ Chikichik shuarkesha Yuusnaka pegke wainchau ainawai, turasha uchiri chikichkia nu nina aparinka nekamtikramaji.

Juan 1:18 Iomraidhean Croise

Colosasnumia 1:15

Yuuska wainchatai ayat wina uchirun wainkar, Yuuscha juninkiapita turutiarti tusa akupkauwaiti. Cristowaiti Yuus najankamu iruna nuna nagkasauka.

Juan 6:46

Wina aparun wainkaru asagsha tumainatsui, antsu Yuusnumia taawa nu, Yuusnumia winin asa, nigki Yuusnaka wainkauwaiti.

Mateo 11:27

Nuna pachis aparin ememati inaiyak nina unuinatairi ainan chicharuk: “Wina aparka nina senchirin ashi surus, niya imanuk amajtus akuptukuiti. Nui nina uchiri asan, chikichkiksha wainainatsaig wina aparnaka shir wainjai. Tumasag aparsha winaka waitui. Tura wii aparun nekamtikmau asar, wina nemartin ainaka aparnasha nekainawai.

Lucas 10:22

Nuna tusa inaiyak, nina unuinatairi ainan chicharuk: Wina aparjaigka meteketjai. Wina apar nekaa imatiksanak nekajai. Wisha yakitaj nunaka nisha nekarui, tura wisha nincha nekajai. Shuar ainaka inka nekarmainatsji, turasha wii yanak nekamtikattsan wakekauwaitja nuke inka nekarmainaji tusa tinaiti.

1 Juan 4:12

Ii shuartika Yuuska wainchau ainaji. Turamaitiatcha ii chikichjai aneniakrinka, ni inigka pujawai. Tuma asamtai nina anegkrattairiya nu incha imanisag arutramji.

1 Timoteo 6:16

Nigka jachau asa, arumaisha tuke pujutnaiti. Tsaaptinnum puju asamtai, pegkesha iimaitsui. Nigka wainmainchau asamtai, chikichik shuarkesha wainkachu ainawai. Nigki senchirtina nu tuke ememattai atii, maake.

1 Juan 4:9

Yuus nina uchiri chikichkia nuna akupturmakua nui ina anenmamurinka nekamtikramawaitji. Tura wina uchir nitan uwemtikuk pujut tuke atina nunasha susarti tau asa akupturmakuitji.

1 Juan 5:20

Yuusa uchiri ju nugka jui tarutrama, Yuus nekasa nuna shir nekamtikramawa nuka nekainaji. Ika Yuusa uchiri Jesucristo nekasa nujai iruuntsar pujuinaji. Yuus nekasa nuka juwaiti, pujut nagkanchaun sukartincha nigkiti.

1 Juan 4:20

Shuar wika Yuusan aneajai tusa tayat, Jesucristo nemaraina nuna kajeraka, waitrak tu wekawai. Shuar ni wainmaurinkesha aneachuka Yuus ni wainchamuriya nunaka anemaitsui.

Juan 17:26

Wii amina pachisan nitanka nekamtikamjai, nuna nagkasancha tuke nekamtiksanke atatjai. Ame wina anentam tumasarag nitasha aneniarti, tumainakai wisha nitajaig pujutjai tusan tajame”, tusa Jesús nina Aparin tinaiti.

Juan 17:6

Ame ju nugkanmaya shuar aina juka etegkram surusuitme, nunaka wisha amina pachisnasha shir jintintawarjai. Nuka aminu ainak surusuitme, turamu asar nitasha chichamrumnaka metek umirtamainawai.

Juan 14:9

Nuna takai Jesús ayak: “Felipe, wii atumjai iruuntran nukap tsawan pujaj nusha ¿eke shir waittsurmek? Wina waituka aparnasha wainui, tumau aisha, ¿urukamtai winasha apa iwainkartukta tusamsha turutme?

Juan 1:14

Cristo shuarnum akina inii pujus, pegker ainan takasua nuka ii wainkau ainaji. Pegker ainan takasua nunaka, nina Apari nijai pujau asamtai turawaiti. Yuusa uchiri chikichkia nuka nijai meteketi. Ina senchi anenmamun ni iwainturmakuitji, tura Yuusnasha nekamtikramawaitji.

Deuteronomio 4:12

Nu jiya numamtin keamunam pachitkau Yuus chichamu antuku ainarme. Turasha ni chichamuri antakrumsha nakumka najanamuksha wainkachu ainarme.

Números 12:8

Wika Moisésnaka paan wantintukan chichaajai. ¿Wina chichamrun umincha urukamtai pegkerchausha chicharearme?” tusa tinaiti.

Juan 12:41

Nunaka Isaías Jesúsan senchirin wainkau asa, nina pachis chichaak tinaiti.

1 Timoteo 1:17

Nui apu tuke puju, jachau, wainchatai, Yuus chikichkia nu tuke ememattai atinaiti. Nunis atii.

Génesis 16:13

Nayaimpinmaya shuarjai Agar chichasu asa, “Yuus wainmauwa nuwaitme”. Yuus wina waitkau aig, wika iwáku pujajai tusa tinaiti.

Josué 5:13

Chikich tsawantin Josué yaakat Jericón iistasa weajkama, chikichik shuar kuchiin takus wajaun wainkauwaiti. Tuma jeari chicharuk: Ame ii shuarkaitam, tumachkumsha ina shuarigkaitam, tusa tinaiti.

Proverbios 8:30

wika pujumiajai. Tuma asan Yuus ashi najanak umik shuarnasha najana asamtai, shir aneakun Yuusan kashi kashinig emematmiajai.

Génesis 18:33

Yuus Abrahamjai chichas umik wuwaiti. Tumamtai Abrahamsha nina jeen waketkinaiti.

Juan 13:23

Tura Jesúsa anetairi ninii ayaamas yuak eketu.

Éxodo 24:10

Tumawar Israelan Yuusrin: Kaya shir pegker zafiro tutai nayaimpia imau wigkanam najama wekan wainkaruiti.

Juan 3:11

Nekas tajame, ika nekamu chichaaji, tura ii wainkamua nuke etserji. Turasha atumka ii etsermauka antayatrum nekaspapita tatsurme.

2 Corintonmaya 4:4

Nita ii chicharkartamun shir antukar nekaspapita tichamnau nekapena nuka iwanch, ju nugka juna apuriya nu, shir antukchamnau amajsamu asar tumainawai. Tura Cristo Yuusa imankea nuna shir nekaawarai tusa iwanchka imatikawai.