Juan 1:13 - New Testament with Old Testament portions

¹³ Nitaka Yuusa uchiri ainawai, nitaka shuaran uchiriya nuninka ainatsui. Antsu nitanka Yuusak nina uchiri amajkauwaiti.

Juan 1:13 Iomraidhean Croise

1 Juan 3:9

Yuusa uchiri ainaka Yuus nina pujuti susamu asar, tunau takatnak matsamtumain ainatsui. Yuusa uchiri asar, tunaunka taká matsammaitsui.

Santiago 1:18

Tura nina chichame nekasa nu enentaimtin ainatin yamaram pujut tuke atina nuna sukartawai. Nigka wina uchir arti turamu asa turukratawai. Ni najankamuka nukap aig, ina pegker amajtamsattsa, senchi wakerutmaji. Turutma asa tunaun takasarai tusa nakitawai.

1 Pedro 1:23

Nu yamaram pujuta nunaka ina apari tuke pujuchua nuka suramsachuitji. Antsu chicham umia asaakrin, Yuus yamaram pujut tuke atina nunaka suramsauwaitji.

1 Pedro 1:3

Yuus, ina apuri Jesucristowa nuna apari, ina senchi wait anentramaj nui emematiarmi. Ina apuri Jesucristo maamuitiat, ataksha nantakin asamtai, ni yamaram pujutan suramsauwaitji. Tuma asamtai pujut nagkanchau juakur, Yuus nayaimpinam umirtamkamua nusha jukittsar nakamu arutramji. Nuka mamumaitsui, tura tsainmaitsui, tura wapik wemaitsui, tura minamaitsui. Nayaimpinam pujutka ashi pegkerak atinaiti.

1 Juan 5:4

Ashi Yuusa uchiri ainaka, ju nugkanmaya tunau ainanka takainatsui. Ika Yuus nekaspapita tuina asar, tunau ainaka takamaitsuji.

1 Juan 4:7

Aneetair yatsur, umaar ainata, anenaitnaka Yuus unuikartawai. Tuma asamtai, chikich ainajaisha shir aneniarmi. Shuar anegkrataina nuka Yuusnau asar, nincha shir nekainawai.

Tito 3:5

ika pegker takarsachmauwaitiat, wait anentrama asa inka uwemtikramrauwaitji. Pujut yamarman jukiar, Yuusan umirainak pegker pujusarti turamu asa, Wakan Pegkera nu inka tunaurtinchauwa iman amajtamsauwaitji. Tura yamaram shuara numamtin arti turamu asa, yamaram pujutan suramsauwaitji.

Filiposnumia 2:13

Tura Yuusketi pegker enentaimat ainan suramuk ni wakeramu umirtancha yainmamainka.

1 Corintonmaya 3:6

Wika árak aratia numamtuk Yuusa chichamen atumin ujakuitjarme. Wii turamunam entsa jukir árak ukattaiya numamtuk Apolos atumin Yuusa chichamen ataksha ujatmakuitrume. Yuusaiti ashi arakan tsapatmauka. Tumau asa wini nekaspapita tiarti, tusa Yuus yamaram pujutan suramsauwaitrume.

1 Juan 5:1

Ashi shuar Jesúska Cristowaiti tusa nekaspapita tuina nuka Yuusa uchiri ainawai. Yuus aneakrika nina uchiri ainasha aneaji.

1 Juan 5:18

Shuar Yuusan aparima pujaunka Yuusa uchiri kuitamu asamtai, iwanchka tunau takasta tusagka inamaitsui.

Juan 3:3

Tusa tama Jesús ayak: “Nekas tajame, shuar ataksha akinachuka Yuusa pujutairiya nuigka pegkesha wayaashtin ainawai”, tusa tinaiti.

Mateo 3:9

Atum enentaimsarmeka, ika Abraham weantu ainaj nui yupichu uwemmainaitji tarume. Turasha wii tajarme: Yuus wakerakka kaya aina junasha Abraham weantu amajmainaiti.

Salmos 110:3

Ame apu jasam inamkumin ame etegkamu aina shir aneas kaunkar ni tamau umikmi tusa turamiartin ainawai. Tura etsa jiniakai ataksha kakaram nekaptatme.

Génesis 25:22

Uchi jimar asar ampujnum egkemsar senchi muchitaina, imaniakai: Ju imajnaisha wisha uruk pujustajak tu enentaimu. Tuma asa Yuusan iniastasa wuwaiti.

1 Pedro 2:2

Atumka uchi yama akintsau muntsun muntsuattsa wakerina numamtin ainarme. Yuusa chichamea nuka muntsua numamtinaiti. Tuma asamtai atum Yuusa chichamea nu antukrum unuimakrum uwemratnaitrume, tura atumka apu Yuus pegkera nuka nekaa asarum, metek umiakrum ni wakeramua nuka aan nukap unuimartasrum wakeritarma.

Génesis 27:33

Tama Isaac enentai jearchauwaiti. Tuma Esaún chicharuk: Turasha ¿kuntinan maa ju yuata tusasha ya itartiya? Wika ame tatsminig nuna yuan nu shuaran pegkernum chicharkamjai. Turamu asa yamaika ni pegkernum chicharkamu juakai, tusa tinaiti.

Génesis 25:28

Isaacka Esaú kuntin maamun yu asa, nina ima senchi ane jakuiti. Antsu Rebeca Jacobon ima senchi ane jakuiti.

Génesis 27:4

Turam wii wakeraj turusmek inarkam itartita. Turawakmin nuna yuan, eke jatsuj juig pegkernum chicharkatjame, tusa tinaiti.