Joel 2:2 - New Testament with Old Testament portions

² Nu tsawanta nuka shir kashi atinaiti, tura nu tsawanta nuigka yuragkim shir kashi jastinaiti. Suntar aina shir nukap asa, nepetmainchau jas, nain ainanam shiaktatui. Tumawar etsa káshikmas etsantuk kuamkan enetna numamtuk nain ainan ashi enetkattawai. Nuka yaunchuksha imanika waittsashmaun tura atakea nuisha imanika waitamuka achatnaiti.

Joel 2:2 Iomraidhean Croise

Joel 1:6

Suntar aina maaniattsa shimumaina numamtuk manchi aina shir nukap ina nugken kaunkarai. Nuna nai ainaka shir atsakamu tura naisha leónka naiya numamtuk ainawai.

Joel 2:5

Kuamag utsanak tsekeamuria nuka, carro wenak nugkan kuwermamtikna numamtuk jawai. Tura nuka kaaku keak tsachir jawa numamtuk jawai. Suntar aina nita shuarijai maaniattsa shir nukap uminas awa numamtuk ainawai.

Joel 2:25

Atumi arakrin manchi aina amukarai. Arakrinchau juakurme, yaunchuk arakrintin ayarum imanuk ataksha imatiksag suramsatnaitrume.

Joel 2:31

Etsagka etsantrashtinaiti, nantusha numpa kapantua iman jastinaiti. Nuka Yuus tumati tusa takai tsawan ashammain atina nu eke jeatsaig tumatnaiti.

Judas 1:13

Nitaka natsanmain aina nunak takainawai. Nase senchi umpuam nayants senchi tsukatuk tsetsejaimak pachimnairaun saurak awa numamtin ainawai. Tura nitaka ya jintin imag iiyaina numamtin ainawai. Nitaka káshia nui pegkesha ayamrachartinan matsamsar waittsartinaiti.

Hebreonmaya 12:18

Yaunchuk ina uuntri aina nain Sinaí tutainam ji keamunam jeawaruiti. Tumawarmatai yuragkim mukusa jasuiti tuma senchi petuk tura senchi charpiru. Imaniamunam Yuusa kachuri shinamun antukaruiti, tumamunam nui Yuus chichajakuiti. Tura nuna antukaruka senchi ashamkar, awenagka chichakchati tusar tiaruiti. Tura Yuus chicham umiktinan chichaak: “Wii yamai jui pujaig shuar aina tura tagku ainaksha Sinaí murariin wakacharti. Nui waaka kayajai turachkurmesha nagkijai maatarma”, tusa tinaiti. Tinu asamtai nitaka katsunmainchau sapijmakaru ainawai. Ashi shuar nuna wainainaka shir ashammainan wainkaru ainawai. Tumaina asamtai Moiséskesha chichaak: “Wisha ashamakun kurajai”, tusa tinaiti. Sinaínum tiiju iruuntsarua nuka atumka wainkachuitrume. Turasha chikich nain Sión tutainam jeantuitrume. Yuus tuke pujuwa nuna yaaktari yamaram Jerusalén tutai nayaimpinam a nuwaiti. Ai nayaimpinmaya shuar aina Yuusan emematainak nukap iruuntrar matsatainawai.

Marcos 13:19

Yuus yama nugkan najanawa imanaisha imanika waitujakchamun, atakea nuisha imanika waittsashtinan nagkasau shir senchi waitamu atinaiti.

Amós 4:13

Amós nina patain israelita ainan chicharuk: “Nain ainan, nase ainan najanna nu, ni turatjai tusa timaurin shuar ainan nekamtikna nu, tsaaptinan káshi amajna nu, ashi nugkanam wekaina nuna naarigka Yuus ashi senchirtin tutaiyaiti”, tusa tinaiti.

Daniel 9:12

Yaunchuk ashi nugkanam waitu jakchamu ame timau umiakum ii pegkerchau takasmaunam, tura ina apuri ainasha pegkerchau takasmaunam Jerusalénnum waitat shir ashammain sukartusume.

Deuteronomio 32:7

Yaunchuk atumi uuntri aina urukawaruk aina nu enentaimtusrum iistarma. Yaunchuksha pujutcha urukuk aya tusarum atumi, apari aina, tura untach ainasha, iniastin ataarma.

Éxodo 20:21

Tusa tamasha nainnumka jeatsuk ikan iruuntsaru ainawai. Ima Moisésak Yuus pujamunam yuragkim utsaanar mukusa jas amaunam jeawaiti.

Éxodo 10:6

Tumak nina pujusa inamtai jeanam, nijai takau ainan jeen tura ashi egiptonmaya ainan jeencha utsaanawartatui. Nuka nina apari tura apachri ainasha tumachkusha yamaiya juisha wainkachmaun wainkattawai, tusa Yuus turamui tusam ujakta timau asa, israelita ainati umirtairi Yuus turamui, tusa Moisés faraónkan ujakuiti. Tura Moisés Aarónjai jiinkiar wearuiti.

Mateo 24:21

Yuus nugkan najanawa imanai nagkamsa yamaiya juisha imanika waitchatain, tura atakea nuisha imanika waittsashtinan nagkasau shir senchi waitamu atinaiti.

Apocalipsis 9:2

Turamu asa wa uun akaan uraimai. Turam nuiya ji irumra ekeemam mukuintumaina imanik mukuinti jiinmayi. Nu imaniak etsa etsantunka káshi amajsamai, tura mayatmainchau amajsamayi.

Joel 3:4

Atum yaakat Tironam, yaakat Sidónnum, tura filisteo nugkanam matsamin ainatirminka wii etegkamu israelita aina nujai maaniawarti tusanka, pegkerchaunka atumnaka takarsachuitjarme. Ikmakmi tusarum nitajai eke maaniatsruminig, wiyaa atumnaka waittan susattajrume.