Génesis 4:4 - New Testament with Old Testament portions

⁴ Antsu Abelka oveja uchiri yama nagkamchak akinan pegkeran iis jukinaiti. Tura asamtai Yuus Abelan, tura ni takamurijai pegker enentaimtusuiti.

Génesis 4:4 Iomraidhean Croise

Hebreonmaya 11:4

Tura Abel Yuusan nekaspapita tinu asa, Yuus wakeramun turusag takak tagkun maa epeak Yuusan emematnaiti. Turamu asa nina tunaurinka Yuus tsagkurauwaiti. Antsu Caínka Yuus wakeramunka takaschauwaiti. Tuma asamtai nina tunaurinka Yuus tsagkurachuiti. Turamu asa kajek nina yachin maawaiti. Abel Yuusan nekaspapita tu jakua nuka isha nunisrik Yuusain nekaspapita tuuta nuna jintintramji.

Proverbios 3:9

Kuit juakrumsha, tura árak araarum juuwakrumsha akankarum Yuus tuke sutarma.

Hebreonmaya 9:22

Chicham umiktinan Moisés aarua nui: Numpajai ukatkamu aina nuka Yuusnau atii tusa turamu ainawai tinaiti. Numpajainchuka tunauka tsagkurnarchatnaiti timau ajakuiti

1 Reyes 18:38

Tusa inagnaig Yuus jin akupkauwaiti. Tura tagku maa patasa epeatin kaya aina irumramun, chigkim ainan tura vaca namagke asaara awarmaun ekeemak aeskauwaiti. Tura tagku aina maa patasa epetai amaunam nugka aun, tura nugka tauka tenteamunam entsa piakuncha ukuyua muku amajsauwaiti.

Génesis 15:17

Etsa akaiki shir káshi jasmaunam, jiya numamtin mukuintai, ji kea numamtin keek tagku nakarmau tepenamunam ajapeen nagkamattamaun Abram wainkauwaiti.

Apocalipsis 13:8

Ashi nugkanam matsatainaka nuna emematiartinaiti. Antsu nugka yama najanmaunmag papi pujutan sukartina nui nita naari aatkamun Oveja uchiri takaka nuka nitaka emematchartinaiti.

Jueces 6:21

Turamtai nayaimpinmaya shuar cabra namagken, tura pannasha ushukrutairijai antigkuiti. Turakai jiya numamtin muchignumia keek namagken, tura pannasha aesawaiti. Tura ikuak megkaakauwaiti.

1 Reyes 18:24

Turarum ji akupkata tusarum atumin yuusri titarma. Tura wisha turusnak wina Yuusrun ji akupkata tusan titatjai. Nu tusa takurin jina akupak ekemaktata nu nekas Yuuska atatui”, tusa tinaiti. Tusa takai shuar aina ayu nunis atii tusar ashi tiaru ainawai.

Génesis 4:3

Chikich tsawantin Caín árak ainan juuk Yuusnau atii tusa jukinaiti.

1 Samuel 15:22

Tama Samuel Saúlan chicharuk: Tagku maa epeamu tura nuna namagke ajamnaiyamua nuna nagkasau Yuusan shir amajea nuka, Yuus umiktarma timauwa nu metek umiamua nuwaiti.