Éxodo 7:3 - New Testament with Old Testament portions

³ Turasha wii, faraónnaka enentaimkachu amajsattajai. Turamu asa yaunchuksha wainchatai aina atum iwainakrumnasha,

Éxodo 7:3 Iomraidhean Croise

Éxodo 4:21

Tuma jinta wean Yuus Moisésan chicharuk: “Yaunchuksha wainkachmau wina senchirjai iwainakta tusan timajam turusmek Egiptonam jeaam, faraónkan emtincha iwainakta. Turakmincha nekawai tusan faraónnaka enentaimkachu amajsattajai. Turamu asa wii etegkamu ainanka wetarum tusagka tichattawai.

Éxodo 11:9

Tuma nukap tsawan pujus Yuus Moisésan chicharuk: Apuka atum tusa ujamsha nekaspapita turamchattarme. Tumakai yaunchuksha wainkachmau ainan wii nitan iwaintukartatjai, tusa tinaiti.

Romanmaya 15:19

Nuiyasha Wakan Pegker yaintsamtai shuar turumainchaun iwainakan takasuitjai. Wika Jerusalénnum nagkaman, Cristowaiti nekas uwemtikartinka, tusan chikich nugkanmasha wekaasan, etserkini Ilíria nugkanmasha etserkauwaitjai.

Hechos 7:36

Nu tama Moisés we ina uuntri weantu ainan Egiptonmaya jiir uwemtikauwaiti. Tura shuar wainchatain nukap iwainak takak, Nayants Kapantu tutain Yuus kuyumtikamtai shuar ainan ikatiaruiti. Tura aya nugkanmag cuarenta uwí pujusuiti, tura nui pujus wainkachmaun iwainak nukap taká jakuiti.

Hechos 2:22

“Israelita ainatirmesha wii chichakai antuktarma: Jesús Nazaretnumia Yuusa senchirijai atum wainchatai ainan iwainak takakmasua nuna pachisan ujaktatjarme. Yuus nu shuaran atumsha wainmaunam pegkeran takamtiksauwa nuka atumka shir nekarme.

Juan 4:48

Tusa tama Jesús ayak: “Iwainaka takámu waintsukka nekaspapita turutmaitsurme”, tusa tinaiti.

Deuteronomio 7:19

Egiptonam pujarmin atumin jiirmartasa atumsha waintrumin wainchatai ainan Yuus nina senchirijai nukap iwainarua nu aneartarma. Tura atumi shuari aina nukap asarmatai nita ashamarum nunasha turusag Yuus wainchatai ainan nina senchirin iwaintuktatui.

Deuteronomio 4:34

Yuusa nuke shuar ainan winau arti tusa etegkawaiti, nuka ii ainaji. Chikich shuar aina yuusrimtairi aina nuka pegkesha turacharuiti. Inka Egipto nugkanam matsatutin jiirmak, nina senchirin iwainak pegkesha ii wainkachmau ainan iwainturmak, egiptonmaya ainan waitkasuiti. Yuus ina ayamrutmak egiptonmaya ainan senchi sapijmamtikauwaiti, tura suntar ainancha ijinawaiti. Nuna turawa nuka atumsha wainkau ainarme.

Éxodo 9:16

Turasha wina senchirun iwaintuktin asan, tura wina naarun pachisar ashi nugkanam etserkartin asarmatai, wii aminka apu amajsauwaitjame.

Éxodo 4:29

Tura nijai we Egipto nugkanam jeaawar, Israel shuar ainan apurin irumraruiti.

Éxodo 4:7

Tumamtai Yuus chicharuk: “Ataksha uwejmijai netsepmini uyuata”, tusa tinaiti. Takai uyua uwejen jusa iiyajkama pegker jasun wainkauwaiti.

Romanmaya 9:18

Tura Yuuska shuaran chichaman umichu jastii tusasha tsagkamnaiti. Antsu ni wakerakka wait anennaiti.

Éxodo 3:20

Turasha yaunchuksha wainkachmaun egiptonmaya ainan waittan susartatjai. Turam jinuinakai faraón atumin wetaarma tusa turamtatrume.

Éxodo 7:13

Nu turamun faraón wainkasha wii enentaimkachu amajsamu asa, umirtamkashtatrume, tusa Yuus timaunka tumasag umikchauwaiti.

Éxodo 11:10

Moisés Aarónjai faraón pujamunam wearu ainawai. Tuma jeawar, Yuus turatarma tusa timaun faraón wainai yaunchuksha wainkachmau ashammain ainan iwainakaruiti. Turasha faraónka Yuus enentaimkachu amajsamu asa israelita ainan jiintrar wearti, tusa tichauwaiti.

Éxodo 14:4

Faraónnaka ni wakeramun turati timau asa atumin pataturmaktattrume. Turasha faraónnaka nina suntaari ainajaimak ashi ijinattajai. Nuna turamtai ashi egiptonmaya ainaka wii Yuus senchirtinaitaj nuna nekarawartatui, tusa tinaiti. Yuus timau asar israelita aina wakettrar nayantsa yantamen matsamsaruiti.