Efesonmaya 2:11 - New Testament with Old Testament portions

¹¹ “Judío ainaka kati mushuken tsupikaru asar, ika Yuusnau ainaji tusar tumamainawai. Tumau asar judíochu ainatirmin pachitmasar nitaka kati mushuken tsupikcharu asar, Yuusnauchu ainawai turamainawai.

Efesonmaya 2:11 Iomraidhean Croise

Colosasnumia 2:11

Ii nijai pujakrinka, ina tunaurin ajaprutma agkanmamtikramji. Turasha judío aina uwemrartasa kati mushuken tsupijakarua nunaka nigka turutmatsji. Antsu Cristo inka Wakan Pegkerjai yamaram enentaimmaun suramji.

Colosasnumia 2:13

Yaunchukka atumka tunau takat inaitsuk matsamsarum, judío ainan chicham umiktarma tusa Yuus akuptukua nusha umiachu asarum, Yuus tupantrarum matsammiarme. Tumautirmin yamaika Cristo mantamnamunam, tunaunasha ashi tsagkurtamar pujutan suramsaurme.

Colosasnumia 3:11

Cristonka ashi jumain ainawai: Griegosha, judíosha, judío aina kati mushuke tsupijaku ainasha, tumauchu ainasha, chikich nugkanmayasha, yachachu ainasha, inaku waitkatai ainasha, inashtai aina nujaimak. Shuar yamaram pujutan juakaigka Cristosha nijai pujawai.

Colosasnumia 1:21

Yaunchukka atumsha Yuuscha weamtichu ayarme, ni enentaimtutsuk tunau takatak matsamtuina asarum, Yuusan shuari ajakuitrume.

Filiposnumia 3:3

Nekas ii ainaji Yuusa uchiri ainatika. Antsu Wakan Pegkera nu yainmasmatai, Yuus anenaku nigki ememataina asar, ika nina uchiri jasaruitji. Ikika uwemmain ainatsji. Antsu Jesucristo uwemtikramrau asamtai, ika shir aneasar pujuinaji.

Efesonmaya 5:8

Atumka yaunchukka tunau taká matsatu asarum, káshinam matsatua numamtuk matsama jakuitrume. Turasha yamaika apu Cristojai iruuntrau asarum, tsaaptinnum matsamin aina numamtuk atumsha pegker matsamsatarma. Tuma asarum pegkera nuke takastarma.

Galacianmaya 6:12

Cristo numinam achira maamua nuke enentaimtakrum uwemratarma, tusan tukartakai kajertuinak, waitkarsarai tuina asar, shuar nita wakeramurinak chichainak: Uwemkamnuram kata mushuke tsupiktarma tuinawai. Antsu nuka shir anentriarti tusar tuinawai.

1 Corintonmaya 12:2

Atum yaunchuk Cristo nemartsuk matsatkurmeka, chikich shuar nita yuusrimattsa najanamu chichachu aina nu emematu jakuitrume.

1 Corintonmaya 6:11

Yaunchukka atumsha nuna wii shuaran anairaj numamtinak ajakuitrume. Tumautirmincha atum Cristonam surumankakrumin, Wakan Pegkera nu atumin egkemturmar pegkermamtikramawaru ainarme. Ina apuri Jesucristo atumin tunaurinka ajaprutma asamtai, Yuuska pegkera iman enentaimturmarme.

1 Samuel 17:26

Tuinakai David chichainamun shir antukchau asa, ninii ayaamas irunun iniak: Filisteo Israel shuar ainan atsanuk waitka auna chikichik shuar maamtaisha ¿apusha warina sumainaitjai tawa? filisteo Yuusnauchu aina nusha, ¿ya asaya Yuus etegkamu ainan pegkerchausha chicharusha wekawa?

Deuteronomio 9:7

Egipto nugkanam pujarmin jiirmarua nui nagkamas Yuus, aya nugkanmag pujusrum, tura yamai pujarum juisha, tura nugka Sinaí tutainam pujusrum ni umirkachu asarum senchi akajkauwaitrume. Turamu asa ashi ijitmattsa wakerutmakuitrume, nu kajinmattsuk aneaku atin ataarma.

Deuteronomio 8:2

Egipto nugkanam pujarmin Yuus jiirmar cuarenta uwí aya nugkanmag uwe uwekatmakua, imajai itarmawaitrum nu kajinmatkirpa. Iman uwí uwekatmasua nunaka, wina chichamrun umirtumainash aina tusa nekapramas iirmastasa turutmawaitrume.

Galacianmaya 2:15

Ika nekas judío ainaji, ika tunaurinchau ainaji taji: Tumau asar chikich nugkanmaya tunau aina imauka ainatsji.

1 Samuel 17:36

Numamtuk au filisteo shuar Yuusnauchu ayat, Yuus etegkamuri ainan atsaneak wishiku puja auna maattajai, tusa tinaiti.

Romanmaya 2:26

Tura shuar kati mushuke tsupik ajapachuitiat chicham umiktarma Moisés timauwa nuna imatiksag uminaka kati mushuke tsupikujai metek ainawai.

Romanmaya 2:27

Chikich shuar aina kati mushuken tsupikcharu ainayat, chicham umiktinan Moisés aarua nunasha ashi imatiksag umina asar, atum chicham umiktinan Moisés aarmauwa nu takaku ainayatrum umiachu asaakrumin, atumin nagkatamkau pegker ainawai.

Romanmaya 11:17

Tura Yuuska araka kanawen ishichik tsupik ajapin aina numamtuk judío ainancha ishichik ajapawaiti. Tura judíochu ainatirmeka araka kanawe tsupika ajapamunam ikakmauwa numamtuk ainarme. Turamu asarum Abraham weantu aina jukiartina nusha jukitin ainarme.

Mateo 20:7

Tusa ininam: ‘Chikichik shuarkesha nu takasta tusagsha inatmarcharu asarmatai ika aantra pujaji’, tusa tuina. Tuinakai: ‘Antsu atumsha wina ajarui takastarma, wii ima shir akiktajrume’ tusa takainak matsatmaunam ishiakuiti.